كل واحد عنده اب معناها عنده سند معناها عنده ظهر معناها الدنيا كلها بإيده معناها من يعثر يلگه ايد تنمدله .. معناها عنده حياة !
ديرو بالكم على ابهاتكم اللي عوجو الدنيا كلها حته يربوكم ويكبروكم وتكونون انتو حاليا ... اغلبكم يجوز حته الموبايل اللي بإيده هو من تعب ابوه حته السگف اللي فوگه هو من كد وتعب وجهاد ابوه !
الدنيا مو سهله ابببد انه احد يربي 3 و4 و5 اولاد ويحير بأكلهم وشربهم ومدارسهم وجامعاتهم وسكنهم وحته مستقبلهم ..
ماكو احد بالدنيا كلها احن عليكم من ابوكم من بعد الله اني متأكد لو تطلبون روحه ينطيها الكم هسه بدون تردد
ضحكته وصوته بالبيت نعمه والله حته نفسه اللي يصعد وينزل نعمه كببيره گعدته وياكم على السفره نعمه شكبرها شكرو الله عليها
طيحة الاب تكسر الظهر فما بال فقدانه !
الله يرحم جميع ابائكم بالدنيا والاخره هذا الشخص العظيم يستحق ان يكون مفخره نتفاخر بي كلنه
دعائكم لوالدي رحم الله والديكم ♥
