ثرثرة مجيهل 🌚🚬

موجودين ؟👀

سلام ♥

شلونكم ابويه انتو ؟

رح افتتح وياكم البارت بفلسفه من فلسفاتي ههههه اللي يحب فلسفاتي رح يقره الكلام للنهايه واللي ميحبها رح يطفر من البارت .. اوك عادي المهم يقراه احد حتلو بس واحد 😸👇

الخوف

الخوف انواع ولو اجينه فصلنه كل نوع بي يمكن رح نسوي كتاب كامل ..

اكو خوف من الحشرات والحيوانات
اكو خوف من المستقبل
اكو خوف من الفشل
اكو خوف من المرتفعات .....الخ

يعني الخوف اله اوجه هواااي حيل هواي يمكن اغلب البشر عنده فوبيا من شغله بحياته ..

- سؤالي شنو الفوبيا اللي تعاني منها ؟🤔

الخوف هو من الاسباب الرئيسيه للفشل بالحياة وغالباً يكون مكتسب من الاهل او حادث صار ويه الانسان خلق عقد ومخاوف بداخله من شغلات معينه ..

كل واحد بينه المفروض يبحث عن الفوبيا ملاته ويواجهه يحاول قدر الامكان يسيطر عليها ابببد لتخافون من شي صح سوو الصح دائما وتوكلو على الله

صدگوني الخوف هو اساس الفشل رح يخليكم تدورون بنفس الدائره ويحارب تقدمكم خطوه وحده لگدام رح يحطمكم ..

واغلب المرضى النفسيين هم بالاساس مرضهم ناتج عن خوفهم ..

اكو ناس همهم بالدنيا كلام الناس ما اسوي فلان شغله خاف فلان وعلان ينتقدني ..بابا مدامك مقتنع الشغله اللي تريد تسويها صح لتخااف من كلام ايي واحد بالدنيا ثق بخطواتك دائما لان بالاخير انت المستفاد او المتضرر من الشي اللي رح تسوي محد رح يتحمل مسؤولية النجاح او الفشل اللي رح يصير لهذا ماااكو بشر بالدنيا من حقه ينتقدك او يحجي عليك او يكسر جناحاتك

ازرعو الثقه بأفعالكم وتصرفاكم التردد مراح يقدمكم ولا تجميع الاراء رح يفيدكم ..!

والبعض يخاف من المستقبل يا اخي اذا انت تؤمن بوجود الله .. منو اللي يكتبلك مستقبلك ؟
رح تجاوبني الله .. مدام هيج توكل بكل امورك على رب العالمين وحدد الطريق الصح اللي رح تمشي بي وامشي امشي ولتباوع وراك .. صدگني روسبك بالامتحان مراح ينهي حياتك ولا مرضك معناها رح تموت هسه وتنتهي حياتك ولا اذا مصار عندك اطفال معناها انتهى مستقبلك ولا اذا ما عندك شغل معناها صارت نهاية الدنيا ...

يا اخي اكو شي اسمه سعي ، اجتهاد ، اراده ، ايمان ، ثقه ، دعاء ، عمل ، مثابره ووووو

خوفك من مستقبلك مراح يصنعلك مستقبل افضل توء انت غلطان هوااي بالعكس رح يقتل ارادتك وحماسك وشغفك وروحك .. فكر بالاشياء اللي رح تفيدك بالمستقبل وبالاشياء اللي رح تصنع منك شخص ناجح واشتغل على طموحك واهدافك على قد استطاعتك واذا انغلق باب بوجهك رح ينفتح ثاني وثالث ورابع بأذن الله ♥