عدى اسبوع كمان على ابطالنا وشهاب قرر انه هيراقب نور من بعيد عشان يحميها لانه مش مطمن لاسر ونور قررت انها هتعيش حياتها خلاص وشغلها هو الاهم
وفى يوم شهاب واقف بيشترى حاجه وسمع صوت عارفه كويس اوى وكان واحشه اوى بس حاول يقنع نفسه انه بيتهيأله انه صوت نور لحد ماسمعه تانى بص وراه لاقى فعلا نور بس ايه دا كدا لحظه دى بتتخانق 😲
هز راسه بيأس من تصرفاتها المجنونه ومشى لعندها
عند نور
نور ماسكه فى واحد وبصوت عالى : دا انا هجرجرك على القسم ياحيوان واعمل محضر وهحبسك
شهاب بسخريه من وراها : وهى الداخليه مفيش وراها غيرك ولا ايه
نور من غير ماتبص ولا تعرف انه شهاب : اخرس انت ايه عرفك دا انا
شهاب بنفس السخريه : مواطنه مصريه وليكى حقوق مصريه
نور : ايوه صح ولسه هتكمل لكن وقفت مكانها لما استوعبت ان الصوت دا صوت شهاب
بصت وراها وبغضب : انت بتعمل ايه هنا
شهاب : ربنا بعتنى انقذ الراجل من لسانك اللى عايز قصه دا
نور: لسانى عايز قصه طيب اخلع بقى ياامور بدل مااعمل معاك زيه
شهاب بغرور : تعملى مع مين ياماما دا انا بنيم الجمهوريه من المغرب
نور بستهزاء : ها خفت انا اركن على جنب لما ار.. يالهوى الراجل راح فين انا لسه معملتش المحضر
بصت على شهاب بغضب طفولى : عاجبك كدا اهو هرب دا كان بيعاكسنى الحيوان
شهاب بغيره وغضب : كان ايه ياروح امك
نور بغرور خفيف : طبعا ماانا روح امى امال روحك انت
شهاب قرب منها وصوابعه بتلعب فى خصلات شعرها
شهاب بهمس : انتى روحى فعلا يانور
وايده وصلت لحد خدها وفضل يملس عليه بحنيه ويبص فى عيونها اللى كانت وحشاه ونور تاهت معاه لان هى كمان كانت مشتاقه ليه جدا وفاجاه افتكرت اللى عمله مسكت ايده وبهدوء قربتها من بوقها تحت نظرات شهاب اللى مستغرب وفاجاه
شهاب : اااااااااااااه يابت العضاضه 😣
نور طبعت تجرى وبصت عليه وطلعت لسانها ليه 😛
وقالتله المره دى عضيتك المره اللى جايه هقطعها سلام ياسياده الرائد
سابته ومشيت وشهاب ابتسم على طفولتها وجنانها 😊
فى الجانب التانى كان فى حد بيراقب كل دا بغل وحقد
المجهول : انا مستحيل اسيبك تتهنى ابدا وشكلك وقعت ياحضره الظابط بس انا هعرف ازاى اوجعك كويس زى ما وجعتنى متستعجلش .....
نور رجعت البيت لاقت مامتها قاعده بتعيط
نور : مالك ياماما فى ايه
امال ام نور : اخوكى هيضيع يانور سمعته بيكلم صحابه الصيع دول وبيقولهم هنسهر فى كازنو ولا مش عارفه اسمه ايه دا
نور : خلاص ياماما بلاش عياط انا هعرف اجيبه متخافيش
خرجت نور من البيت وفاجاه تلفونها رن
نور : الو ايوه يااسر
اسر : اسف ان كلمتك فى وقت زى دا بس كنت عايزك فى شغل
نور : انا مشغوله دلوقتى يااسر معلش
اسر : تمام يانور اسف مره تانيه
قفلت نور مع اسر واتصلت بصاحب اخوها اللى قدرت منه تعرف مكان مالك وراحت على الكازينوا دخلت
نور بصدمه وفرحه : الله دا زى اللى بنشوفهم فى المسلسلات وفتحت عنيها على اخرهم ايه البنات الملط دى والشباب اللى مشفتش 3 دقايق تربيه دى وفاجاه عنيها وقعت على البار وشافت مشروبات كتير بالوان حلوه
طلعت تجرى وبفرحه : الله الوانهم حلوه اوى واخدت واحد شربته وبقرف بس طعمه وحش اوى 😝
وبعدين مسكت مشروب تانى لونه احمر
نور : الله انا بحب الاهلى اوى وشربته وفضلت تجرب وتشرب لحد مااشتغلت اغنيه بام بام
نور وهى بتطنط الله بحبها اوى وطلعت تجرى على الشباب والبنات وترقص زى المجنونه من كتر المشروب اللى شربته وبتغنى مع الاغنيه " ودماغى بتعمل بام بام 😂💃💃"
عند البار واقف شاب مش ظاهر ملامح وشه طلب مشروب معين من الويتر وحط فيه برشامه وراح ناحيه نور ومن غير ماتستوعب شربها المشروب واخدها ومش بيها ونور شغاله ترقص وتغنى بام بام وفاجاه اغمى عليها بين ايده .....
_ _ _ _ _
يارب الروايه تكون عجباكم والبارت يعجبكم واسفه لو فيه اخطاءه املائيه وياريت اشوف رأيكم فى كومنت وفوووت 😍
أنت تقرأ
احببت ظابط
Юморمجنونه وطفوليه تلهو فى الحياه دون وعى حتى ساقها قدرها ووقعت فى حب ظابط شرطه الذى رغم قوته وقسوته تحول معاها لمراهق لايرى سواها واذاقها الحب والرومانسيه فى اجمل صورها فى طابع كوميدى ❤
