شهاب قام بسرعه من على مكتبه بعد التلفون اللى جاله وطلع يجرى اخد عربيته وساق بسرعه لحد ما وصل تحت عماره فى منطقه راقيه من مناطق القاهره وصل لحد باب شقه وخبط فتحت ليه سيده بالرغم من كبر سنها لكن باين عليها الوقار والشياكه ودى الست جميله عمه شهاب واللى ربته بعد وفاه والدته وبيحبها جدا
جميله اترمت فى حضن شهاب وبانهيار : الحقنى ياشهاب الحقنى اتفضحنا كل حاجه راحت ياشهاب سمعتنا هتبقى على كل لسان
شهاب وجميله لسه فى حضنه دخل بيها الشقه وقفل الباب براحه : اهدى ياعمتى بس وفهمينى فى ايه
جميله وهى بتلطم على وشها : افهمك ايه افهمك ايه بنت عمتك فى واحد اغتصابها 😭
شهاب وقف ساكت من كتر الصدمه مش عارفه ينطق ولا عارف يستوعب وبعد شويه وقت مقدرش يقول غير كلمه واحده : ايييييييه
جميله وهى بتقعد على الكرسى فى الصاله هو دا اللى حصل جتلى الصبح بدرى وهى منهاره وهدومها متقطعه ولما سألتها حكتلى
شهاب : هى فين
جميله : فى اوضتها
شهاب : طيب انا هدخلها اهدى والكلب اللى عملك كدا هجيبه متقلقيش
جميله : اااااااه ياوجع قلبى اتفضحنا خلاص
شهاب وهو بيقوم وبيحاول يكون هادى : اهدى ياعمتى مفيش فضيحه ان شاء الله
وصل شهاب لاوضه وخبط على الباب وفضل وافق لحد ماسمع صوت بيسمح ليه بالدخول
فتح الباب وبص لاقى صافى بنت عمته وبيعتبرها اخته الصغيره بنت جميله بعيون خضرا وشعر اصفر وجسم رشيق لكن باين على ملامحها التعب والانكسار اول ماشافت شهاب انهارت صافى بصريخ : شوفت اللى حصلى ياشهاب انا ضعت
شهاب بخطوات سريعه وصل ليها واخدها فى حضنه وبرقه وحزن : سلامتك من الضياع ياصافى وبصوت كله غضب : ورحمه امى هعرف مين اللى عمل كدا وهجيبه تحته رجلك وهموته بس اهدى
صافى : انا عارفه مين اللى عمل كدا
شهاب وهو بيخرجها من حضنه : مين ياصافى قولى ماتخفيش
صافى وهى باصه فى الارض والدموع مغرقه وشها : دا واحد صاحبى فى الجامعه
شهاب : صاحبك !!!
صافى : متفهنيش غلط ياشهاب احنا مجرد اصحاب وامبارح سهرنا سوا كلنا بس هو مشى قبلنا وانا تقلت كتير فى الشرب بس محسيتش بنفسى غير وانا فى شقه معرفهاش وهو جنبى نايم انا معرفش ايه اللى حصل معرفش وانهارت صافى فى العياط
شهاب اخدها فى حضنه : خلاص اهدى اسمه ايه الحيوان دا
صافى .......
شهاب طيب معاكى اى صوره ليه
صافى : ايوه معايا
شهاب ابعتهالى على الواتس اب دلوقتى
صافى : حاضر ومسكت تلفونها وبعتت الصوره لشهاب
شهاب فتح الفون وشاف الصوره : تمام اهدى وانا هجبلك الكلب دا
خرج شهاب وراح لعمته : متقلقيش ياعمتى كل حاجه هتبقى تمام
وساب عمته وخرج من الشقه واتصل بصديقه محمود
شهاب : ايوه يامحمود بعتلك صوره لواحد وسخ عايز اعرف كل حاجه عنه فى ظرف نص ساعه
محمود : ..........
شهاب : تمام انا هروح على المكتب دلوقتى
وصل شهاب لمكتبه ودخل قلع جاكت البدله ورماه على الكنبه اللى موجوده فى الاوضه ورفع اكمام القميص لمنتصف ايده وقعد وحط راسه بين ايده وبغضب : ورحمه امى لاقتل الكلب اللى عمل كدا بس بعد مااربيه الاول
وفاجاه عينه وقعت على الظروف اللى جاله وملحقش يفتحه بسبب اتصال عمته
مسك الظرف وفتحه لاقى فيه مجموعه صور مسك اول صوره وكانت الصدمه😲
يتبع
..........
أنت تقرأ
احببت ظابط
Humorمجنونه وطفوليه تلهو فى الحياه دون وعى حتى ساقها قدرها ووقعت فى حب ظابط شرطه الذى رغم قوته وقسوته تحول معاها لمراهق لايرى سواها واذاقها الحب والرومانسيه فى اجمل صورها فى طابع كوميدى ❤
