نور : الووو
شهاب : وحشتينى
نور بصدمه شالت الفون من على ودانها وبصت فيه ورجعت تتكلم تانى
نور : مين معايا
شهاب : مين معاكى دا ايه انتى فقدتى الذاكره
نور : اه لا بس بتاكد انت شهاب الظابط
شهاب : ليه هو انتى تعرفى شهاب تانى غيرى
نور بسرعه : لالا شهاب تانى ايه وتالت ايه ياراجل هو انتوا تطاقوا اصلا
شهاب بصدمه : يخربيت لسانك ياشيخه يابنتى احترمينى شويه دا انا رائد وبتتهزلى اكبر شنب فيكى ياجمهوريه
نور بلامبالاه : على نفسك
شهاب : نور روحى نامى احسن اجى احبسك ورحمه امى يلا غورى انا غلطان ان كلمتك
فقل شهاب السكه
نور : ايه دا هو زعلى يلا اروح انام بس ايه مز مز اوى
نامت نور وصحيت الصبح على رساله من شهاب : صباح الخير يانورى
نور بتفرك عنيها بتحاول تستوعب هو بعتلى رساله وبيقولى نورى لا انا كدا شويه وهتجنن
وصلت ليها رساله تانى من شهاب : نص ساعه وتكونى تحت مستنيكى هوصلك
نور : قامت جرى وجهزت نفسها ونزلت ووصلها شهاب وراح على شغله
عدى اسبوعين من اجمل الايام على نور وشهاب قربوا اكتر من بعض وعرفوا حاجات كتير عن بعد وكانت نور اتعلقت بشهاب اوى لا دا حبته وكانت ناويه تعترفله وجى اليوم اللى كان صدمه كبيره على نور
فى شغل نور دخل فأجاه البوليس لمكتب مديرها وقبض عليه بتهمه تهريب الاثار والخبر كان صدمه للكل ازاى دا باين عليه راجل كويس ومحترم ومثالى
بعد اليوم اللى كان صدمه على الكل خرجت نور من شغلها وكانت مستنيه شهاب يجى يوصلها البيت زى كل يوم وكانت ناويه تعترف له انها بتحبه
جى شهاب وعلى وشه ابتسامه غامضه هى مش عارفه تفسرها وفى ايديه بوكيه ورد جميل
شهاب بنفس الابتسامه : القمر عامل ايه
نور : بابتسامه كويسه الورد دا ليا
:شهاب بخبث : اه طبعا اتفضلى دا عشان اشكرك
نور : بستغراب تشكرنى على ايه
شهاب : انك ساعدتينا نقبض على مديرك
نور : بصدمه ايه انت بتقول ايه انا ازاى ساعدكم انتوا مين
شهاب بسخريه : هااا هو انا مقولتلكيش
نور : لا تقولى ايه
شهاب بتمثيل : يقطعنى
تحولت ملامحه للجمود وبصوت رجولى : بصى ياحلوه لان زهقت من اللعبه السخيفه بتاعت المراهقين دى انا من الاخر كنت بستخدمك علشان اراقب مديرك واجمع معلومات واقبض عليه
نور بصاله بصدمه والدموع فى عنيها : انت بتقول ايه
شهاب : اللى سمعتيه ياقطه والورد دا تعتبريه شكر لخدماتك معانا الداخليه مش بتسيب اللى بيساعدها ورمالها الورد وبسخريه وايديه بتلعب على خدها
شهاب : سلام يا ..... يا نورى
مشى شهاب وساب نور واقفه مصدومه والدموع مغرقه وشها ومش عارفه تستوعب وفاجاه وقعت اغم عليها وعملت صوت جامد على الارض
شهاب بص لورا لاقى نور واقعه على الارض مش ناطقه بصوت عالى كله خوف : نووووووووووووووووووور
.......
أنت تقرأ
احببت ظابط
Humorمجنونه وطفوليه تلهو فى الحياه دون وعى حتى ساقها قدرها ووقعت فى حب ظابط شرطه الذى رغم قوته وقسوته تحول معاها لمراهق لايرى سواها واذاقها الحب والرومانسيه فى اجمل صورها فى طابع كوميدى ❤
