احببت ظابط

الفصل الخامس والعشرون _احببت ظابط

وقفنا البارت اللى فات عند نور اللى كانت محتاره ومش عارفه تعمل ايه
نور : اعمل ايه بس
شهاب : تعملى ايه فى ايه يانور ؟
نور وقفت مفزوعه وخايفه ان يكون شهاب عرف بالحلم بلعت ريقها بتوتر وهى بتقرب منه وهو كمان
نور : انا .... انا ....انا بصراحه وقربت منه ووقفت على طراطيف صوابعها ولفت ايديها حوالين رقبته وباسته فى خده
نور : كنت بفكر اعملك مفاجاه ومش عارفه اعمل ايه
شهاب بابتسامه وهو بيلف ايده حوالين خصرها وبنظره حب : انتى مفاجأتى يانور والمفاجاه الاحلى لما تيجى تقوليلى انك شايله حته منى ومنك جواكى
نور بقلق وخوف : تقصد ايه
شهاب قرب من ودنها وهمس : نفسى فى بيبى قمر شبهك
نور بنظره شهاب معرفش يفسرها والدموع اتجمعت فى عينيها
نور : انت نفسك فى طفل منى ياشهاب
شهاب بحنيه : حلم حياتى يانورى
اترمت نور فى حضنه وفضلت تبكى بصوت عالى ومش بتقول غير كلمه واحده : انا اسفه ياشهاب اسفه والله العظيم غصب عنى سامحنى
شهاب ضمها ليه بقوه وخوف : مالك يانور فى اى ياحبيبتى بلاش تخوفينى
نور خرجت نفسها من حضنه ومسحت دموعها : مفيش ياحبيبى قولى كانوا عايزينك فى ايه ف الشغل
شهاب اللى الغضب ظهر على ملامحه وقور ايده بغضب واتحرك من قدام نور
شهاب : مفيش يانور عمليه جديده انا هنزل وانتى تعالى عشان ناكل
وخرج شهاب وساب نور ونظرتها الغامضه
عند مالك اللى قام مفزوع على صوت تكسير على الباب
مالك : حاضر فى ايه القيامه قامت ولا ايه
فتح الباب لاقى شهاب قدامه ومحمود
مالك :فيه ايه ياجدعان انتوا مش قادرين تنسوا انكم ظباط داخلين على....
مكملش جملته بسبب اللكمه اللى اخدها من شهاب ودخله ودخل ووراهم محمود اللى قفل الباب بهدوء
مالك بالم : ايه دا ياشهاب حد يعمل كدا
شهاب اللى مسكه من قميصه :اغتصبت بنت عمتى وسمحتك عايز تنتقم منها ومش فارق لكن ياحيوان تشترك مع واحد و*****وتفبرك صور لاختك يازباله وزقه وقعه على الارض ومالك اللى اتصدم وبص على محمود
محمود :شهاب عرف كل حاجه انا قولتله مفيش داعى تنكر
مالك وقف وحاول يتستجمع قوته : طيب تمام كدا حلو نلعب على المكشوف بس نجيب اسر بالمره
شهاب : لا شهاب عندى ياروح امك انتوا هتيجوا معايا عنده وشد مالك بغضب وراه وخرج من الشقه
عند اسر اللى خرج من شركته بغضب بسبب تصرفات لميس واخد عربيته ومشى وهو فى الطريق خرج عليه عربيتين وقفلوا عليه الطريق ونزل منها رجاله ملثمين وكسروا الازاز اللى جنب اسر وواحد خبطه على راسه فقد الوعى خرجوه من العربيه واخده معاهم
لميس فى الشركه بتتكلم فى التلفون
لميس :وحشتنى ياحبيبى كفايه بعد بقى انا تعبت
الطرف التانى : .........
لميس :بجد يعنى خلاص كدا وهتبقى معايا
الطرف التانى :.......
لميس: ماشى ياحبيبى مستنياك وهودى الاولاد عند ماما عشان نكون براحتنا
الطرف التانى :............
لميس :اوك سلام ياحبيبى
فى مخزن فى مكان مهجور كان اسر قاعد على كرسى ومربوط وفى شريط على عينه وبدأ يستعيد وعيه وفضل يصرخ
اسر : انا فين وانتوا مين وعايزين ايه انتوا متعرفوش انا مين ولا ايه
شهاب اللى كان قاعد بهدوء على كرسى وشاور لاحد رجاله بانهم يشيلوا الشريط مع على عيون اسر
اسر وهو بيغمض عينه ويفتحها اكتر من مره
شهاب :حمدلله على السلامه ياسوره ياحبيبى
اسر فتح عينه وانصدم لما شاف شهاب وجنبه واقف محمود ومالك بتوتر
اسر :هو فيه ايه
شهاب اللى قام واخد الكرسى وقرب من اسر وقعد قصاده فى الاتجاه المعاكس للكرسى
شهاب :ايوه بقى انا عايز اعرف فى ايه
اسر : مش فاهم
شهاب بغضب :اوعى اوعى تنسى فى مره او عقل الصغير دا يخدعك وينسيك انك قدام الرائد شهاب نور الدين اللى اتعامل مع مجرمين وارهابين عالمين ف مش هتيجى انت ياعيل وتحاول تضحك عليا
اسر وهو بيضحك بهستريا : الرائد نور الدين لا ضحكتنى بجد ماخلاص يا ....سياده الرائد هما مس سحبوها منك
محمود بغضب :اسر.....
سكت بسبب شهاب اللى منعه من الكلام بحركه من ايده
شهاب :لا ماانا هرجعها متقلقش
اسر ببرود :انت عايز ايه
شهاب :بتنتقم منى ليه او عايز تنتقم منى ليه
اسر : بسبب ابوك واخوك
شهاب باستفهام  : ابويا واخويا ؟ وضحك اكتر
اسر : تمام نلعب على المكشوف يابن عاصم ابوك كان سبب فى موت البنت الوحيده اللى حبيتها من كل قلبى  ابوك لما كان فى الشرطه قبل مايموت قبض على ابوها وهى مستحملتش كل حاجه تضيع منها ولا تعليقات الناس على ان ابوها تاجر سلام ف انتحرت ملحقتش انقذها شوفتها وهى بترمى نفسها من فوق سطح المستشفى اللى كانت فيها ومعرفتش اوقفها ولا منعها راحت منى وخسرتها بسبب ابوك
وبدأت دموعه تنزل بغزاره وكمل كلامه
اسر : محبتش حد فى حياتى غيرها كانت كل حياتى اتغيرت عشانها كنت معاها اسر تانى كانت كل حياتى وبغضب ولو ابوك مقبضش على ابوها كان زمانها عايشها دلوقتى وفى حضنى
شهاب : ابويا كان بيعمل شغله هى اللى ضعفت واستسلمت فى شغلنا مش بنعرف العواطف ياستاذ
اسر بصريخ : وهى ذنبها ايه وانا ذنبى ايه اتحرم منها
شهاب وهو بيقف وبزعيق : ذنبها ان ابوها تاجر سلام وكان مجرم دولى دا ذنبها مش لازم احنا اللى ندفع طمن اخطاءنا بس حد قريب مننا هو اللى بيدفع وهى دفعت ودا مش مبرر ابدا للى عملته وايه بقى موضوع اخويا انا معنديش اخوات
اسر : لا عندك مازن ولا نقول ابن عمتك صافى اللى ابوبا كان بيحبه اكتر منى عشان هو من حبيبه القلب عمتك كان ديما مازن بيفكره بيها واللى فرقهم ابوك برضو ولا هتنكر دى كمان
شهاب : لا مش هنكر بس ابوك وقتها مكنش محافظ على عمتى
اسر : اه وانا اللى دفعت تمن دا لما اتجوز امى عشان مصالح شغل وربتله مازن اللى اخده من عمتك وكان رافض انها تشوفه وجيت انا للدنيا فى لحظه ضعف من ابويا وشهواته كان ديما بيحسسنى ان جيت غلط  ولا كانى ابن حرام واللى على الحجر كان مازن مش بس كدا لا دا كتبله اكتر من نص ثروته ليه هو بس وكل دا عشان هو ابن حبيبه القلب هو السبب فى ان كرهت اخويا هو السبب وخلانى قتلته
وفاجاه سمعه صوته : يااااااااااااااااه كل دا فى قلبك حقد ليا يااسر
التفتوا جميعا للصوت ودهشه اعترت وش كل من اسر ومحمود ومالك واحتفظ شهاب ببرود
مالك : دا اكيد عفريته لا انا بحلم نهار اسود انا مت ولا ايه
محمود : هى الميتين بترجع بجد ايه دا فى ايه انصرف انصرف سلام قول من رب رحيم
اسر بهمس : مازن ازاى انت ازاى عايش
مازن : ايوه مازن ازاى عايش دا موضوع سهل اوى يااخويا وقال الكلمه باستهزاء
اسر : ازاى انتوا عايزين تجننونى صح ازاى عايش مازن : اقولك
فلاش بااااااااااااااك
فى مكتب اسر
مازن :يلا سلام انا هروح اجهز نفسى للسفر
اسر : ماشى
خرج مازن وبعد ماخرج افتكر انه نسى موبايله فى المكتب رجع ياخده واول ماوصل عند الباب سمع صوت اسر
اسر :نفذ ويلا بسرعه قبل ماينزل للجراج
مازن اللى بدأ عليه القلق قرر انه مش هيرجع ومشى راح على غرفه المراقبه وشاف الكاميرات الجراج وشاف فتحى وهو بيفك فرامل العربيه واتصدم معقول اخوه بيحاول يتقتله
مازن : اسر اسر اخويا الصغير اللى متربى على ايدى يعمل كدا طيب ليه عايز يعمل كدا
اخد تلفون من الحارس وطلب رقم شهاب
شهاب :دا انت اخ واطى عليا النعمه ايه مش ليك اخواتك وام تسألهم عليهم يابنى انتى
مازن بضيق :شهاب اسمعنى بس
شهاب بقلق :فيه ايه مالك يامازن
حكى مازن لشهاب اللى حصل
مازن بغصه :هو ليه عايز يموتنى
شهاب اهدى يامازن هو مش لازم يحس انك كشفته عشان تقدر تعرف ليه انت دلوقتى خد عربيتك وسوقها عادى بس بلاش تزود السرعه اللى فى منطقه معين حاول على قد ماتقدر الحادث يكون بسيط والباقى انا متكفل بيه
مازن :مش هتفرق ياشهاب بسيط ولا لأ لو حصلى حاجه ولادى ومراتى امانه فى رقبتك ياصحبى
شهاب :بطل عبط واعمل اللى قولتلك عليه
مازن : ماشى يلا سلام
خرج مازن من الشركه ونفذ اللى شهاب قاله عليه وعمل الحادثه واللى بالصدفه كانت شاهندا هناك وطلبت الاسعاف اللى جت واخد مازن على المستشفى واتصلت بشهاب
شاهندا ببكاء : الحقنى ياشهاب شوفت مازن على الطريق عامل حادثه
شهاب :اهدى ياحبيتى وضعه ايه الاسعاف بتقول كويس بس مغمى عليه من الخبطه واحنا رايحين المستشفى
شهاب : مستشفى ايه طيب
شاهندا :مستشفى ......
شهاب :تمام اوعى عمتى تعرف حاجه ماشى
شاهندا :ماشى
فى الستشفى كان شهاب وشاهندا اللى واقفين مستنين الدكتور يخرج جت لميس بسرعه وببكاء
لميس :جوزى فين حصلوا ايه ها قولوا بسرعه حصلوا ايه
شاهندا وهى بتحضنها :متخفيش هو كويس ان شاء الله بس انتى مين
لميس :انا لميس مراته انتى اكيد شاهندا صح وانت شهاب
شهاب :انتى تعرفينا
لميس بابتسامه :مازن معندوش سيره غيركم
شاهندا وهى بتحتضنها ببكاء :يارب يقوملنا بالسلامه يارب
لميس وشهاب :يارب
خرج الدكتور وجرى عليه الكل
شهاب :خير يادكتور هو كويس
الدكتور :الحمدلله كويس بس عنده كسرى ف الرجل ولازم يقعد كام يوم ف المستشفى
شهاب :تمام مفيش مشكله
مشى الدكتور وشهاب طلع تلفونه واتصل على واحد
شهاب :عايزك تروح المشرحه تشوف جثه من اللى بيبقوا ملهموش اهل ويارت تكون ميته فى حادثه عربيه وتكون لراجل
الطرف التانى :.........
شهاب :لا عايزها فى ظرف ساعه تكون لاقيتها
وقفل شهاب واتصل بواحد تانى
شهاب :عايز تصريح دفن يطلع باسم مازن نبيل الحديدى خلال نص ساعه وسبب الوفاه حادثه عربيه
وقفل شهاب تحت نظرات لميس وشاهندا المصدومين
شهاب هقولكم وانتى يالميس ركزى معايا لان ليكى دور مهم اوى الفتره اللى جايه
نهايه الفلاش باااااااك
محمود وهو بيخبط راسه بيده :دماغ شغاله مش بتنام ياجدع
بصله شهاب بغضب محمود بلع ريقه بتوتر وسكت
اما عند اسر اللى كان مصدوم وبعد فتره اتكلم :عشان كدا لما جيت تعزينى كنت بتقولى كاميرات المراقبه اللى فى الجراج
شهاب :طيب كويس انك فهمت بس متاخر اوى
مازن بتأثر :ليه كل دا انت عارف ان بعتبرك ابنى حته منى مش اخويا لو جيت وقولتلى كنت سبت كل حاجه ليك مش هيبقوا اغلى منك على فكره
اسر بغضب :اطلع من توب العفه دا يامازن دا انت ماصدقت تاخد كل حاجه ورامينى فى حته مكتب وباخد مصروفى منك زى العيال اتجوزت وخلفت حتى من غير مااعرف ماتتكلمش عن الاخوه
مازن بصله وسكت
لكن عند اسر اللى لسه شيطانه مسيطر عليه بصلهم فاجاه وضحك بهستريا :انتوا هبل اوى على فكره وفضل يضحك تحت نظرات الكل اللى مصدومه لكن اسر قطع فضولهم
محمود انت ناسى ان مراتك وعيالك عندى
محمود بقلق بص لشهاب اللى بصله وحاول يطمنه بنظرته لكن اسر قاطعه كمان
اسر :اه نسيت اقولكم على المفأجاه الكبيره ان مش لوحدى وان انا كنت مجرد حد فى اعلى منى بيحركه عشان ينتقم من شهاب برضو
مازن وشهاب اللى بصوا لبعض بحيره
شهاب :مين
اسر : ال Boss
مازن :ومين ال Boss دا
.......:انااااااااااااا
يتبع