احببت ظابط

الفصل الثانى والعشرون _ احببت ظابط

ادم وهو بيبلع ريقه : هو ... هو مازن بيه قبل مايموت مقلش لحضرتك حاجه تخص حياته
اسر وهو بيضيق عينه : حاجه ايه يامتر فيه ايه مازن مخبيه عليا
ادم وهو بيعدل وضع نضارته : حاجه زى انه متجوز مثلا
اسر بصدمه وغضب وعدم استعاب : نععععععععععععم متجوز يعنى ايه متجوز... ومين اللى متجوزها مازن
وفاجاه الباب اتفتح وسمعوا صوت
لميس : انا
وقف ادم برعب واسر اللى بان على وشه ملامح الصدمه لكن استجمع نفسه وقال بغضب
اسر : انتى مين وازاى تدخلى المكتب كدا من غير استأذن والسكرتيره الحيوانه ازاى سابتك كدا
لميس وهى بتمشى بكل هدوء ودلع لحد ماوصلت للكنبه اللى موجوده فى المكتب وقعدت عليها بكل شياكه
لميس : انا مين ؟ انا لميس الشافعى مرات مازن اخوك
اسر وهو بيقعد وبصلها من فوق لحت : اه وانا بقى اى واحده شمال هتدخل عليا تقولى انا مرات اخوك هصدقها صح !!
لميس وهى بتحاول تحافظ على هدوءها : اولا احترم نفسك وانت بتكلمنى ثانيا فى قسيمه جواز وفيه ولدين ممكن تتاكد انهم ولاد مازن وممكن تتاكد من القسيمه
اسر : ولدين !؟  مازن عنده ولدين
لميس : احمد وعاصم توأم عندهم 3 سنين
اسر بصدمه : 3 سنين ازاى انتو متجوزين من 3 سنين ؟
لميس : من 4 سنين وعشان اوفر عليك السؤال اللى بعده دا كان طلب مازن نتجوز فى السر لكن اهلى كانوا عارفين طبعا انتوا بس اللى مكنتوش تعرفه ودا لان والدك كان رافض جوزنا بسبب مشاكل كانت بينه وبين بابا
اسر : انا مش مصدق كل اللى انتى بتقوليه دا
لميس بخبث خفى : زى ماانا مش مصدقه ان مازن مات موته طبيعيه
اسر وهو بيبلع ريقه : ت...ت.... تقصدى ايه
لميس بتأثر : اتقتل
فى شقه صافى كانت نور ومالك اللى قاعدين جنب بعض وشهاب وصافى وشاهندا قاعدين قصادهم فى جو هادى حتى قطعته نور
نور : بصوا بقى من الاخر احنا بنطلب البت دى للواد دا تمام موافقين موافقين الفرح بعد اسبوعين ويلا نقرا الفاتحه
شهاب : باااااااس ايه اتقدمتى وافقتى وحددتى وانا ايه كيس جوافه مش ولى امر العروسه انا
نور :نعم يااخويا وانت ناوى تتشرط علينا ولا ايه
شهاب بغرور وهو بيرجع ضهره لورا وبيحط رجل على رجل : طبعا مش هتاخدوا بنتا لازم نتشرط
نور بغيظ : بقولك ايه ودينى اخدهم اجوزهم انا وانت اشبع بشروطك يااخويا
مالك : انا بقول كدا برضو يانور
شهاب : بقى كدا يعنى اتفقت انت واختك طيب معنديش بنات للجواز يلا مع السلامه
مالك ونور فى نفس واحد : شهاااااااااب
صافى وهى بتضحك خلاص بقى انتوا هتتخانقوا يابنى احنا يشرفنا نسبك وانا مش هلاقى لبنتى احسن منك يامالك ولا ايه ياشاهنده
شاهندا بخجل : اللى تشوفيه يامامى
شهاب بغيظ : اللى تشوفيه يامامى!!! وانا اللى كنت عايز اعملك قيمه يابيره اشبعى بيه
نور وهى بتبصله وطلعت لسانها لشهاب بحركه كوميديه : يبقى نقرا الفاتحه ونلبس الدبل
شهاب : ماشى يلا بسم الله
تمت خطوبه مالك وشاهندا فى جو لطيف واللى طبعا مسلمش من غيظ نور لشهاب والعكس
عند محمود
قاعد فى مكتبه وكان الوقت متأخر على غير العاده وبيفكر
محمود : انا هحكى لشهاب واللى يحصل يحصل خلاص مش قادر ابقى خاين لصحبى كدا بس بس انا لازم اعرف ليه اسر عايز ينتقم منه ليه 
اخد تلفونه وفضل يرن على اسر لكن مش بيرد عليه رمى تلفونه فى الارض
محمود بغضب : مش بترد ليه يازفت
عند اسر اللى فى بيته بيفكر ازاى يومه قفل كدا ازاى كل حاجه خلصت فى لحظه المفروض كان يستلم كل حاجه ازاى طلعت لميس واولادها ويشاركوه فى كل حاجه كدا ازاى
اسر : انتوا امركم سهل بس اخلص من ابن ***** شهاب دا وافضالكم كويس
رجع شهاب مع نور الفيلا وكانوا مبسوطين اوى
نور وهى بلتفت لشهاب وبتلف ايديها حوالين رقبته
نور : انا مبسوطه اوى ياشهاب عشان مالك وشاهندا
شهاب اللى لف ايده حوالين وسطها : وانا مبسوط عشان شايفك مبسوطه يانورى
نور بتحط راسها على صدره : تعرف بنبسط قوى لما تقولى يانورى
شهاب اللى باس راسها : لان انتى نورى فعلا يانور انتى النور اللى نور حياتى اللى كانت ضلمه انتى النور اللى دخل على قلبى وخلانى اشوف الدنيا حلوه انتى كل حاجه ليا يانور كل حاجه انا مهما قولت مش هقدر اوصفلك انا بحبك ازاى
نور : شهاب هو ... هو انت ممكن تزعل منى فى يوم
شهاب : مستحيل يانور
نور : مهما عملت
شهاب : مهما عملتى يانور
نور وهى بتلعب فى زراير قميصه : شهاب هو انا ممكن اطلب منك طلب
شهاب : انتى تؤامرى يانورى
نور : استنانى فى الليفينج
شهاب : نعممم !؟  هو دا طلبك
نور وهى بتجرى منه على فوق : ايوه عشر دقايق وجيالك
شهاب : يامجنونه ناويه على ايه وبهمس يلا ياخبر بفلوس اروح الليفينج
وراح على الليفينج يستى نور
عند شاهندا ومالك اللى كانوا واقفين تحت البيت
مالك وهو ماسك ايد شاهندا وبيبوسها : مش عايز اسيبك بس لازم امشى وهجيلك بكره
شاهندا بخجل : ماشى
مالك : ماشى بس
شاهندا :بس بقى يامالك
مالك : انا عارف انك مش بتحبينى بس انا مش هضغط عليكى صدقينى
شاهندا : لا ياشهاب مش كدا بس انا يعنى انا قالت جملتها وهى بتبص فى الارض بخجل
مالك بابتسامه : خلاص ماتتحوليش لطماطم يلا اطلعى وانا همشى خلى بالك من نفسك
شاهندا : وانت كمان
طلعت شاهندا ومش مالك بعد مااطمن عليها
عند نور وشهاب اللى قاعد مستنى نور ومضايق لانها اتاخرت
شهاب : قالتلى 10 دقايق ودلوقتى بقالها نص ساعه ايه ده ويقولوا على الرجاله نكدين طبيعى مامن عما..... ووقف عن الكلام لما دخلت عليه نور وهى لابسه بدلت رقص وكانت مبينه تفاصيل جسمها وكان شكلها مثير مع شعرها المفرود والخلخال اللى كانت لابسه
شهاب اللى وقف وفتح فمه من الصدمه : ايه دا !!!!
نور : ايه رأيك
شهاب : ايه دا !!!!!
نور : مالك ياشهاب بقولك حلو
شهاب : ايه دا !!!!
نور وهى بتهزه جامد : شهاب انت علقت
شهاب وهو بيهز راسه يمين وشمال وبيبص حواليه : نور فين فين مراتى
نور بغيظ : انا مراتك يااستاذ ايه فقدت الذاكره
شهاب : انتى لابسه كدا ليه
نور : هيكون عشان ايه يعنى عرض ازياء وبدلع هرقصلك يابيبى طبعا
شهاب :احييييييييييييييه هترقصى لمين ؟  وبيبى مين ؟
نور : ليك ياشهاب ماتركز بقى
شهاب وهو بيقرب وشه من وشها وبهمس : وانا لما الاقيكى داخله عليا لابسه بدلت رقص هركز ازاى بذمتك
نور بضحكه خليعه : عجبتك
شهاب بصدمته : مكدبتش لما قولت عليكى رقاصه وهو بيقعد ورينى بقى هترقصى ازاى انا راجل صاحب مزاج عالى وعايزك  تبسطينى 
نور بغمز: طبعا ياحضره الظابط وقربت من الفون وشغلت اغنيه للرقص وفضلت تتمايل عليها بحرفيه تحت نظرات شهاب اللى كان بيحاول يتماسك قدامها للاخر
عند لميس الشافعى فى غرفه اولادها وكانت بتنيمهم الموبايل رن طلعت بسرعه من غير صوت خرجت وقفلت الباب
لميس : الوووو
المتصل : ...........
لميس :كل حاجه تمام بس هو اكيد هيتاكد من القسيمه واكيد هيعمل للاولاد DNA اسر دا تعبان مش سهل ابدا
المتصل : .........
لميس: لا متقلقش انا مظبطه كل حاجه وكل مدى هفجره قنبله
المتصل : ............
لميس بضحك : اللى زى اسر دا تعبان اه بس غبى ودا اللى تأكد منه النهارده
المتصل :..............
لميس : تمام وانا هبلغك باى جديد سلام
يتبع ..........
......