احببت ظابط

الفصل السادس عشر _ احببت ظابط

اولا اسفه جدا على التاخير بس النت وحش اوى 😭 والله وشكرا لكل اللى بعتلى يسألنى عن باقى الروايه وكلامكم الحلو اللى بيشجعنى اكمل بحبكم اوى 😘
_ _ _ _ _ _ _ _ _ _ _ _  _ _ _ _ _ _ _ _ _
وقفنا البارت اللى فات عند شهاب اللى شاف نور
شهاب وهو بصدمه وفرح مقدرش يتغلب عليهم نزل من العربيه بسرعه وجرى عند نور اللى كانت واقفه مع مجموعه اطفال وبتغنى وتسقف معاهم
نور : يلا ياحلوين لو الظروف هتسخف سقف سقف اوعى توقف
شهاب وصل لعندها وفضل باصص عليها بشوق واسف ودموعه اللى اتحولت من دموع حزن لدموع فرح وليه لأ حبيبته قدامه بعد غياب شهرين حبيبته اللى كان فاكرها انها ماتت وعند النقطه دى مقدرش وطلع يجرى عليها واخدها فى حضنه جامد اوى ووفضل يبوس على شعرها وكل حته فى وشها ودموعه اللى غرقتها
شهاب : نور حبيبتى وقلبى وروحى انا مش مصدق انتى لسه عايشه ااااااه يانور لو تعرفى انا كنت عايش ازاى وكان بيقول كل كلمه وهو بيبوس كل حته فى وشها ونور اللى واقفه بصدمه والاطفال اللى واقفين بيتعجبوا من الراجل اللى اقتحم اقعدتهم  وفاجاه نور استوعبت نفسها وبكل قوتها ضربت شهاب فى بطنه بركبتها بغل
شهاب بالم كبير : اااااااااااه لا انا اتاكدت انك نور بجد حد يعمل كدا ياغبيه 😡👊
نور : احمد ربنا ان الضربه فى بطنك مش فى حته تانيه وكنت ضيعتلك مستقبلك خالص يابجح
شهاب بصدمه : تضيعى مستقبلى وبجح يخربيت لماضتك ايه لسانك دا مبرد
وبعدين ابتسم ووقرب منها ومسك وشها بايده وحشتينى يانور
نور بعدت عنه بغضب وبعدين جت فى بالها فكره خبيثه ورفعت حاجبها بمعنى تنفذها وفاجاه اقعدت تعيط جامد تحت صدمه شهاب والاطفال اللى سألوها مالها
نور بعياط : ياولاد الراجل الوحش دا فضل يبوس فيها وكان عايز يخطفنى ويعمل حاجات عيب وانا خايفه منه انتوا شوفتوه صح صح
الاطفال هزوا راسهم بمعنى ايوه
شهاب بصدمه : يخربيتك بت ايه الدماغ دى 😲
نور وهى لسه بتمثل : ياولاد هتسبوه يخطفنى مش هتعملوا حاجه مش انا الميس بتاعتكم اللى بتحبوها
الاطفال : ايوه ياميس
نور : يبقى شوفوا هتعملوا ايه مع الوحش دا
الاطفال طلعوا يجروا على شهاب وفضلوا يضربوا فيه ويعضوه ويقولوله ابعد عن ميس نور ياوحش انت هتخطفها احنا هنجبلك البوليس
شهاب وهو مصدوم ومش عارف يخلص من الاطفال
شهاب : بس ياض انت وهو ابعدوا ميس ايه دا شيطانه وبوليس ايه اللى تطلبوه انا البوليس ياحبيبى
نور : كداب ياولاد اوعى تسبوه عضوه يلا
شهاااب : بس بس دا ابليس بيصلى بسبب ياشيخه اوعى ياض انت وهو من هنا يلا قال كلمته دى بغضب وصوت عالى خلى الاطفال خافت وطلعت تجرى
نور هجمت عليه وفضلت تضربه على صدره ايه ياحيوان يامتخلف دول اطفال بتزعقلهم ليه هااا شهاب مسك ايديها وحطها ورا ضهرها وقربها منه وبغضب خفيف
شهاب : اخرسى خالص شكل الشهرين اللى بعدتى فيهم نسيتى شهاب وعايزه تتربى من جديد
نور : ابعد عنى ياشهاب راجع ليه
شهاب بشوق وهمس : وحشتينى يانور
نور : : وحشتك لا ياراجل انت اللى بعدتنى
شهاب : محصلش انا انا عايز اعرف ايه اللى حصل معاكى يانور هما مش هتقلوكى ايه اللى حصل ياحبيبتى
على الطرف التانى كان واقف واحد متابع كل اللى بيحصل بين شهاب نور
مجهول : انا عملت كل دا عشان ابعدهم وتكونى ليا يانور ازاى قدر يوصلك كدا ازاى انا مش هسمحله ياخدك منى تانى مش هسمحله انتى ليا انتى حبيبتى
وفى جهه تانيه كان مالك اللى قاعد فى شقته لوحده والحزن مخيم عليه فقد كل عيلته فاجاه بقى لوحده اللى مهون عليه هو اتصال اسر بيه كل يوم وبيحاول يهون عليه بس هو مش قادر مفتقد امه واخته وفى نفس الوقت عايز يصلح غلطه مع شاهندا بس هى مش عايزه تديله فرصه يعمل كدا مسك تلفونه وحاول يتصل بيها يمكن المره دى ترد وفعلا حصل
شاهندا : عايزه ايه يامالك انت مش بتزهق
مالك : شاهندا اسمعينى عشان خاطرى ادينى فرصه اصلح غلطى فرصه واحده بس
شاهندا : ملكش عندى فرص يامالك وقفلت السكه فى وشه
دخلت صافى على شاهندا وبغضب : انتى ايه ياشيخه ايه حرام عليكى الولد عايز يصلح غلطه فيها ايه هااا حرام عليكى مش بدل ما تفضحينا
شاهندا : ماما والنبى فكك منى وبلاش كلام فاضى مالك ايه اللى يصلح غلطته
قالت كلامها وهى بتاخد شنطتها وهتخرج
صافى : هتروحى فين دلوقتى 
شاهندا : فى داهيه ياماما ارتاحتى وخرجت من الاوضه والبيت كله
صافى : ربنا يهديكى يابنتى
نرجع لشهاب ونور .....
اخدت شهاب نور بعد الحاح كبير لكافيه يقعدوا فيه ويعرف من نور اللى حصل
شهاب : احكيلى يانور ايه اللى حصل انا جالى فيديو وانا فى المستشفى وهما بيضربوكى بالنار انا شوفته
نور بصدمه : يضربوا مين ومستشفى ايه اللى كنت فيها انت اللى بعت الناس دى علشان تخطفنى ياشهاب
شهاب : اييبيييييييييييه
يتبع ........