شهاب رجع على بيته وكان مضايق اوى من نور ومن الشاب اللى كان واقف معاها وكل مابيتخيل ان حد تانى يدخل حياتها يبقى عايز يروح يقتلها دخل اوضته وبعدين دخل الحمام ياخد شور بارد يمكن يطفى النار اللى جواه
شهاب : لا انا لازم اعرف مين الواد دا وهى كانت بتعمل ايه فى المكان دا
وفضل تحت الميه وقت طويل ومش قادر يشيل نور واسر من دماغه
اما عند نور كانت فى اوضتها بتسمع اغنيه عمرو دياب هيعيش يفتكرنى وبتعيط جامد وبتغنى مع الاغنيه
"هيعيش يفتكرنى وكل مايقابل فى بعدى هيفتكرنى يتمنى بس انه يقابلنى ..... 😭😭😭
فضلت كدا لحد مانامت
يوم جديد بااحداث جديده بدأت على ابطالنا
نور صحيت وحاسه بصداعه رهيب بسبب عياطها طول الليل
نور : اااااه ايه الصداع دا مش قادره لا انا لازم انسى بقى وابدأ من جديد النهارده اول يوم شغل ليا ولازم اثبت نفسى بقى واللى حصل هنساه كأنه محصلش اصلا الله يحرقك ياشهاب بجاز وسخ فى يوم اجازه عشان محدش يعرف يطفيك 😠
وقامت تستعد نور ليوم جديد
فى مكتب شهاب واقف قدامه واحده وواقف مرعوب بسبب قوه وعنف شهاب اللى معروف بيهم فى الداخليه
شهاب : انا اديتك اسم الشركه على اخر النهار كل المعلومات تكون عندى من اول صاحبها لحد الافراش كل المعلومات تكون عندى
المخبر بخوف : ح ح حاضر ياباشا كل حاجه هتكون عندك
شهاب : يلا واقف ليه روح
المخبر : تمام ياافندم
وخرج من المكتب
شهاب : خلينا نعرف ست نور بتعمل ايه
فى شركه نور الجديده دخلت الحسابات بابتسامه مشرقه لزملاءها : صباح الخير ياشباب انا نور هشتغل معاكم من النهارد
الشباب والبنات : اهلا نور
عدى اليوم على ابطالنا ونور خارجه من الشركه رايحه على البيت اسر من وراها : نور ... نور
نور : اسر ازيك
اسر: الحمدلله عامله ايه فى اول يوم شغل
نور : كويسه الحمدلله
اسر : طيب تمام لو فيه اى مشكله قوليلى على طول
نور لسه هترد لكن سمعت صوت جاى من وراها هى عارفه كويس
شهاب : مااجيب اتنين لمون وشجره
اسر : افندم
شهاب : مسمعتش ايه اطرش
كل دا ونور باصه فى الارض مش قادره ترفع عنيها لشهاب خافت ليبان شوقها ليه وفى نفس الوقت هى مش قادره تسامحه
شهاب لنور: عايز اتكلم معاكى
اسر : تتكلم معاها ليه انت تعرفها
شهاب بيبعد اسر : خليك بعيد ياحيلتها
اسر بغضب : ماتحترم نفسك ياجدع انت
شهاب بغضب : جدع لا انا سياده الرائد شهاب الدين ياتوتو
نور بغضب : على نفسك
اسر وشهاب بصه ليها
شهاب : نور خلينا نتكلم
نور : لا مفيش كلام بينا ياسياده الرائد اتفضل امشى ولا فيه مهمه تانيه وجاى تعملها وعايز تستغلنى تانى
شهاب بحزن : لا يانور مش
نور : خلاص اسر بعد اذنك انا همشى نتقابل بكره
مشيت نور وهى بتبكى مع نظرات اسر الغاضبه لشهاب ونظرات شهاب لنور اللى كلها حزن
رجع شهاب على مكتبه مره تانيه وفاجاه الباب خبط
شهاب : ادخل
المخبر : كل المعلومات اللى طلبتها حضرتك
شهاب وهو بياخد منه الملف : تمام روح انت
فتح شهاب الملف وفضل يقرا فيه وقدر يعرف مين اسر
وبعدها رفع عينه عن الملف وبص على نقطه فارغه قدامه
شهاب بغموض : اسر الحديدى ......
_ _ _ _
ياترى ايه حكايه اسر وشهاب هيعمل ايه مع نور 🤔
يتبع
أنت تقرأ
احببت ظابط
Humorمجنونه وطفوليه تلهو فى الحياه دون وعى حتى ساقها قدرها ووقعت فى حب ظابط شرطه الذى رغم قوته وقسوته تحول معاها لمراهق لايرى سواها واذاقها الحب والرومانسيه فى اجمل صورها فى طابع كوميدى ❤
