احببت ظابط

الفصل الثامن عشر _احببت ظابط

( مثلث الشر )

فى شقه مالك الباب خبط قام فتح
مالك : اسر تعالى اتفضل
اسر :هتفضل كدا لحد امتى هااااا قولتلك اختك عايشه هتفضل كدا لحد امتى
مالك : لحد ماافهم ايه اللى حصل ليه غيرت الخطه اللى متفقين عليها يااسر 
اسر بغل : كان لازم اغيرها لانه الحيوان شهاب طلع عايش ود.....
وقف عن الكلام لان الباب خبط قام مالك وفتح الباب
مالك : اهلا اهلا ياحضره الظابط اتفضل
محمود : بلاش تريقه وحياه اهلك انا مش ناقص
اسر : محمود تعالى
محمود:  ازيك يااسر  قالها وقعد بتعب
مالك : غيرتوا الخطه ليه انا عايز اعرف
محمود بصدمه : انت زعلان لان اختك طلعت عايشه
مالك بسرعه : لا طبعا انت مجنون انا زعلان لان ابن الكلب دا عايش
اسر : بس مش هيعيش كتير
محمود : اطمنوا ياجماعه شهاب صحبى ومش بيخبى عليا حاجه وانا هعرف منه خطواته اللى جايه ومن خلاله هنحط خطه جديده
عند شهاب ونور اللى وصلوا الفيلا نزل شهاب من العربيه وفتح الباب لنور وشالها ومشى بيها
نور بغيظ : انت ياعم انت عبيط ولا استحليتها نزلنى
شهاب : لا استحليتها ياقلب شهاب
نور : طيب نزلنى احنا قدام الباب خلاص
وفاجاه اتفتح باب الفيلا كانت صافى اللى بصت ليهم بصدمه وفرحه اول ماشافت نور
صافى : نو.... نور بنتى ان....انتى عايشه ياحبيبتى
نور بصتلها بصه غامضه وبتسمت
نور : ازى حضرتك اه عايشه الحمدلله
نزلها شهاب واول مانزلها صافى اخدتها فى حضنها جامد
صافى بحنان صادق : ياحبيبتى الف حمد وشكر ليك يااارب انتى متعرفيش شهاب كانت حالته ازاى من غيرك تعالى تعالى ادخلى نورتى بيتك
دخلت نور وشهاب الفيلا
صافى : اطلعوا ارتاحوا وانا هخلى البنات يجهزوا الغداء يلا ياشهاب خد مراتك واطلع
شهاب اللى كان هيميل ويشيل نور لكن نور بعدت
نور : اياك انا هطلع لو حدى
شهاب : انا غلطان اصلا اطلعى
طلعت نور وشهاب الاوضه دخلت نور الاول ووراها شهاب اللى اول ماقفل الباب حضن نور من ضهرها جامد وفضل يشم فى شعرها
شهاب بهمس : وحشتينى يانور وحشتينى
نور وافقه مرتبكه ومش عارفه تقول ايه جمعت قوتها
نور : شهاب
شهاب وهو بيلفها ليه : عيون شهاب وقلبه وروحه وقبل ما ترد كان هو بيبوسها وحط كل شوقه ولهفته عليها فى البوسه دى ومقدرش يسيطر اكتر على نفسه ومن غير مايحس فضل يبوس كل حته فى وشها ونزل على رقبتها فضل يبوسها برقه ولهفه ونور مقدرتش تصدم قدام طوفان مشاعره ومن غير ماتحس هى كمان رفعت نفسها ولفت ايديها حوالين رقبته وبادلته مشاعره وانفصلوا عن العالم للحظات وراحوا لعالم خاص بيهم لكن خبط على الباب هو اللى قطع اللحظات دى
شهاب وهو بيحاول يستجمع صوته : ايوه
صباح : الغدا جاهز ياشهاب بيه وصافى هانم بتقولكم انزلوا
شهاب : حاضر وبص على نور اللى كان وشها احمر من كسوفها وباصه فى الارض حط صباعه تحت دقنها ورفع راسها وبص فى عيونها
شهاب : مالك يانور انتى مكسوفه من اللى حصل بينا من شويه دا انا زى جوزك يعنى
نور بهمس : شهاب خلينا ننزل انا جعانه
شهاب باسها فى خدها ومسك ايديها وهو بيخرج من الاوضه
شهاب : يلا ياروح شهاب تعالى ناكل وقدامنا العمر كله
عند مازن اخوا اسر كان ماشى بعربيته وفاجاه حس ان فيه حاجه غلط العربيه مفهاش فرامل حاول يسيطر على العربيه بس مقدرش وعمل حادثه جامده فى الطريق  اللى وقف بسبب الحادثه دى والكل اتجمع ومن ضمن الناس دى كانت شاهندا اللى قربت واول ماشافت العربيه وشافت مازن صرخه بفزع
شاهندا : ماااااااااازن
وبخوف مسكت الفون وايديها بتترعش واتصلت بالاسعاف وطلبت من الناس انهم يخرجوا مازن لكن الناس رفضت ليكون فيه خطر على حياته لو كان لسه عايش
فى شقه مالك واللى كان  فيها مثلث الشر بيتفق ازاى هيقضى على شهاب
جى اتصال لاسر واول ماشاف الرقم رد بسرعه
اسر : هااااا حصل
واستنى يسمع الرد
اسر بفرحه : تمام تمام اوى سلام
مالك : فيه ايه
اسر وهو بيقعد وبيرجع ضهر على الكرسى وحط رجل على رجل
اسر : اخويا الكبير مازن مات
محمود ومالك بصدمه : اييييييييييييييييه
اسر بابتسامه خبيثه على وشه وهو بيرجع فلاش باك
من قبل 5 ساعات من الوقت الحالى
اسر فى مكان مهجور ومعاه واحد باين على وشه انه مجرم
اسر وهو بيمد ايده ليه بفلوس
اسر : التنفيذ النهارده وعايزها تظهر موته طبيعيه محدش يشك او لو حصل هتبقى بسبب اعدائه اللى فى السوق
فتحى : اطمن ياباشا دا انا قديم فى الشغلانه دى
اسر : اى غلطه فيها رقبتك انت فاهم
فتحى : فاهم اطمن
رجع اسر على مكتبه ودخل مازن عليه
مازن : نفسى اعرف بتختفى فين
اسر : هيكون فين يعنى يامازن فى شغل
مازن : شغل ايه دا انت بتعمل ايه من ورايا
اسر : ايه ياعم شغل العصابات دا متقلقش كدا دا شغل خاص بيا
مازن : ربنا يستر المهم انا هسافر الصين عشان اخلص الصفقه وانت هتستلم مكانى لحد ماارجع
اسر : سافر انت متقلقش
مازن وهو بيوقف وهيخرج : تمام سلام
خرج مازن من الاوضه وبعدها مسك شهاب الفون واتصل بفتحى
اسر : نفذ
فتحى : اوامرك ياباشا
فتحى دخل الجراج الخاص بالشركه وراح على عربيه مازن اللى اسر كان معرفهاله وفك الفرامل بتاعت العربيه بسرعه وخرج من غير ماحد يشوفه لكن مااخدش باله من كاميرات المراقبه اللى ظهرت وشه كامل ......
يتبع
_ _ _ _ _ _ _ _ _ _ _ _ _ _
ياترى مثلث الشر عايزين ينتقموا ليه من شهاب  وهينجح مخططهم فعلا؟
وحياه شهاب ونور الجايه هتكون ازاى ؟
ومازن هيعيش ولا لأ وايه علاقته شاهندا بيه ؟
هتكتشفوا دا فى الفصول اللى جايه 😉
بتمنى الروايه تعجبكم وياريت فووت وكومنت بحبكم ❤