احببت ظابط

الفصل السابع عشر _ احببت ظابط

وقفنا البارت اللى فات لما نور قالت لشهاب انه هو اللى خطفها
شهااب بصدمه : اييييييييه !! انتى اتجننتى يانور اخطفك انا ليه!!؟
نور بغضب : بقولك ايه بلاش شغل الاستعباط دا ياحضره الظابط انت اللى قولتلهم يخطفونى ويقتلونى بس معلش بقى مخططك فشل وانا هربت منهم
شهاب وهو بيحاول يتمالك اعصابه : اهدى يانور وفهمينى اللى حصل معاكى بالظبط انا اللى فاكره ان خليتك تعملى شغل الفيلا كله يومها وانا خرجت وكان عندى عمليه مهمه واتصابت فيها وروحت المستشفى ولما فوقت سالت عليكى وبعد كدا جى فيديو لمحمود فيه انك مربوطه على كرسى وواحد ملثم حاطت مسدس جنب دماغك وضربك بالنار قال كلمته الاخيره بوجع وذكرى اليوم دا اتكرر قدامه شهاب بوجع : حسيت روحى راحت منى يانور لما شوفت الرصاصه بتستقر فى دماغك حسيت ان قلبى وقف انتى مش عارفه انا عشت ازاى الشهريين اللى فاتو
نور بدموع : المطلوب منى اصدقك صح
شهاب : لا يانور مش مطلوب تصدقينى بس عايز اعرف اللى حصل معاكى
نور : كنت قاعده فى الجنينه من تعب اليوم وفاجاه واحد حط منديل على بوقى من ورا مشوفتش شكله لانه كان ملثم فوقت لاقيت نفسى فى اوضه ضلمه وواحد واقف قدامى معرفتش اشوف شكله بسبب الضلمه قالى انك مت وخرج بعدها بكام ساعه جى تانى وقالى انك عايش وطلبت تخلص عليا وورانى وبلعت ريقها بوجع وورانى صور  خليعه بينى وبين اسر وقالى انك فبركتهم عشان تفضحنى  وتنتقم لبنت عمتك وقالى استعدى لموتك وبعدين جى اتصال ليه سابنى بسرعه ونسى الباب مفتوح فكيت نفسى بسرعه وهربت
شهاب بصدمه بيحاول يستوعب : الكلام دا محصلش محصلش الصور دى جتلى انا قبل ماحادثه اغتصاب شاهندا تحصل فاكره اليوم اللى روحت وضربتك بيه فى بيتك كان يومها كنت موجوع وانا حاسسه انك بتخونينى واتجننت لما شوفت صورك فى حضن الو***** دا
نور : انت بتقول ايه ؟؟ 😲
فى مكان مهجور
مجهول1 : بقولك شوفته معاها انا هتجنن وصلها ازاى
مجهول 2 : لا المره دى لو رجعوا انا اللى هخلص بنفسى لازم يبعدوا عن بعض
مجهول 1: ودا هيحصل ازاى
مجهول 2 : خلينى اشوف هترسى على ايه الاول مش يمكن البت مترضاش ترجع بعد مافهمناها انه كان عايز يقتلها
نرجع لنور وشهاب
شهاب :  ورحمه امى يانور زى ماحكتلك  انا النهارده بس عرفت ان الصور متفبركه
نور : طيب مين اللى عمل كدا ؟ وليه
شهاب : مش عارف بس هعرف المهم يلا دلوقتى نرجع على بيتنا
نور وقفت وبصوت عالى وحطت ايديها فى خصرها : نر ايه يا عنيا ؟ 
شهاب فتح عينه على اخرهم وبص حواليه ليكون حد خد باله : يخربيتك ايه متجوز رقاصه ايه اللى بتعمليه دا
نور : اللى عندى ياحبيبى بيت ايه ياحليتها اللى ارجعله دا بعد اللى عملته دا كله عايزنى ارجع دا فى المشمش
شهاب وقف : رقاصه ورحمه امى انا متجوز رقاصه بس وماله نشتغل شويه فى مباحث الاداب لحد ماربيكى وقام شالها وخرج بيها قدام كل اللى فى الكافيه تحت صدمه البعض وضحك والبعض الاخر
شهاب بصلهم وبابتسامه : اصلها بتحب ان ادلعها اوى مش صح ياحبيبتى
نور : حبك برص ورحمه امى وامك لاوريك ياشهاب
شهاب : ورينى زى ماانتى عايزه بس فى بيتنا وفى حضنى ياقلب شهاب وروحه
وخرج بيها من الكافيه
نروح لشركه اسر واخوه
اسر فى مكتبه دخل مازن اخو اسر الكبير شاب طويل ووسيم وجسم رياضى
مازن : اسر انا نفسى اعرف بتختفى فين كل شويه
اسر : عادى يامازن شغل
مازن : شغل ايه يااسر اوعى تكون بتعمل حاجه من ورايا
اسر : ايه الشغل العصابات دا ياعم لا طبعا متخافش دا شغل خاص بيا
مازن : ربنا يستر المهم انا جيت اقولك ان مسافر بكره الصين عشان اتفق على الصفقه
اسر : تمام توصل بالسلامه
خرج مازن من مكتب اسر اللى شرد فى نقطه فى الفراغ ومسك تلفونه واتصل على رقم واستنى الرد
اسر فى كلمه واحده : نفذ
يتبع .................