صحيت نور الصبح وفتحت عيونها براحته لاقت نفسها فى اوضه وايدها متجمسه وصداع رهيب فى دماغها
وهى بتحاول تقعد حست بألم :اااااه
صحى ادم على صوتها اللى كان نايم على الكرسى اللى بجوار السرير
ادم بفزع :نور حبيبتى انتى كويسه
نور وهى حاطه ايديها على راسها وبألم :دماغى وجعانى وبعدين اخر حاجه فكراها البت اللى العربيه ...وفتحت عيونها بفزع
نور :: البنت ياادم البنت كويسه
ادم :اه والله كويسه اطمنى
اتنهدت نور براحه :الحمدلله سكتت شويه وبعدين اتكلمت
نور :هى ماما ومالك عرفوا حاجه
ادم اللى فتح فمه من الصدمه :هاااااااا
نور :اوعى تكون قولتلهم هيزعلوا اوى وتحديدا ماما
لسه ادم هيتكلم وفاجاه الباب خبط امر ادم الطارق بالدخول وكان الصدمه التانيه وهو مالك وشاهندا وشهاب ومازن ولميس ومعاهم النور الصغيره اللى كانت الصدمه على وجوه الكل باستثناء شهاب ولميس لانها متقابلتش مع نور قبل كدا
مالك بهمش ودموع فرح فى عيونه :نور
نور اول ماشافته :مالك حبيبى انا كويسه متخفش
جرى مالك عليها وحضنها جامد ونور فضلت تملس على شعره وبعدين خرجته من حضنها ومسحت دموعه
نور :خلاص بقى انا كويسه اوعى تكون قولت لماما حاجه كفايه انها هتزعل لما تعرف انى ف مصر بقالى يومين
صدمه تانى اترسمت على الوجوه والمره دى الجميع باستثناء ادم
مالك بتوتر :ما ..ماما !؟
نور :ايوه يامالك مالك انا عارفه انها زعلانه منى اصلا علشان وافقت على ان اتنقل تركيا بس والله كان لازم اعمل كدا وبعدين عاصم بيه راجل محترم جدا دا انا بقوله يابابا وشايف الواد الجان اللى بعضلات دا وشاورت على ادم وبعدين ابتسمت بخجل هيبقى جوز اختك
ابتسم ادم لمجرد تخيله الكلمه لكن على الجانب الاخر كان فى شخص بيطلع دخان من اذنه ايوه بطلنا المحبوب شهاب 😂
اتكلم شهاب بغضب
شهاب :وانا رجل كرسى
بصت نور ومالك وادم لمصدر الصوت وعقدت نور حاجبيها باستفهام
نور :انتو مين ؟
مالك بتوتر بص لنور :قوليلى يانور اخر حاجه فاكرها ايه
نور :ان جالى النقل لتركيا وماما رفضت حامد واتخانقنا وانا قولتلها ان هسافر وبعدين صالحتها فعلا وسافرت وهناك عملت حادثه وانقذنى بابا عاصم وادم ومن ساعتها انا فى تركيا وجيت مصر علشان الافتتاح بس ملحقتش اتكلم معاكم
صدمه تالته على الوجوه والنصيب الاكبر كان لشهاب المره دى
شهاب فى نفسه :هى بتستعبط ولا مش فكرانى فعلا
مالك اتحرك وقرب لشاهندا وسحبها من ايديها فى اتجاه نور
مالك :دى شاهندا مراتى ونور بينتى
نور بصدمه :انت اتجوزت ودى بنتك دى اللى كانت هتخبطها العربيه ياحبيبتى هاتيها
شالتها نور وفضلت تبوس فيها فى كل حته فى وشها ادم بص لمالك بنظره هو فهمها وخرج جميع الرجاله من الاوضه تحت تأثير الصدمه
مالك : لازم نسأل الدكتور
ادم :هو قال امبارح انها هترجعلها بالتدريج
شهاب اللى اتكلم اخيرا :برضو لازم نسأله بس قبل مانسال الدكتور هسالك انت نور راحت تركيا ازاى
.........:انا اللى اخدتها
التفت الجميع لمصدر الصوت واعتقد انه يوم المفاجاه غير سعيده لشهاب
شهاب :انت
عاصم :اسمها انت برضو
ابتعد شهاب بوجهه للناحيه الاخره دون رد
عاصم :انا اللى بعت رجالتى تاخدها من المستشفى على تركيا
مالك :ايوه انت مين وليه عملت كدا
عاصم :انا عاصم نور الدين ابو شهاب
جحظت عن مالك بغضب ومسك عاصم من ياقه قميصه وبغضب :انت السبب فى كل اللى احنا فيه دا انت السبب
حاول ادم يخلص عاصم من مالك وشهاب واقف يتابع المشهد بكل برود خلص ادم عاصم اللى عدل من بدله وبص لمالك بغضب
عاصم : انت عارف لو حد غيرك هو اللى عمل كدا انا كنت قتلته لكن اللى رحمك انك ابن امال واخو نور
مالك بغضب :متجبش سيرتهم على لسانك تانى
عاصم بعدم اهتمام بص لادم :الدكتور قال ايه
ادم :الذاكره جزء منها رجع والجزء دا هو اللى قابل ماوالدتها تتوفى وكمان فاكره الجزء بتاع تركى
عاصم :حلو اوى هشوف الدكتور لو حالتها تسمح هنسافر فورا
هنا وانهار جبل البرود عند شهاب وهو المره دى اللى قرب من عاصم ومسكه من ياقه قميصه
شهاب بغضب :تاخدها وتروح فين ها انت فاكر ان هسمحلك تاخد حاجه تخصنى مره تانيه تبقى بتحلم ياعاصم بيه
ابتسم عاصم بخبث ان مخططه نجح وهو بالفعل مكنش هياخد نور معاه لكن كان لازم يقول كدا حتى يرى رد فعل شهاب
عاصم :ناوى على ايه هى مش فاكراك اصلا
شهاب :هخليها تفتكرنى
عاصم :ليه
شهاب :علشان هى مراتى
عاصم :هى خدعتك وبقالكم 3 سنين سايبين بعض وضيف عليهم انها مش فاكره اى حاجه من دا يبقى هتعمل ايه
شهاب وهو بيبلع ريقه : انا سمحتها ومن زمان انت السبب فى كل اللى عشنا فيه وكفايه اللى ضاع هتقدملها وهتجوزها من اول وجديد
عاصم :مش موافق
شهاب وهو بيجز على اسنانه :انت اصلا محدش طلب رأيك
عاصم بغضب :احترم نفسك ياولد وشوف انك واقف قدام ابوك
شهاب وهو بيقرب منه :نور مراتى وهتفضل مراتى وانت كنت سبب فى بعدنا زمان ودلوقتى هتكون سبب فى اننا نرجع
مالك :وانت فاكره حتى لو ابوك وافق انا هرجعلك اختى
شهاب :هى مراتى ياحبيبى يعنى انذار فى بيت الطاعه وتكون عندى غصب عن عين التخين
فضلوا يتكلموا ونسوا ادم تمام اللى كان واقف حزن وان اخيرا الاكور اتكشفت قدام عيونه او هى كانت مكشوفه بس مش عايزه يصدقها نور مش ليه ولاول مره يشوف حب شهاب لنور فعلا انسحب بهدوء ودخل اوضه نور واستأذن من اللى موجودين وقعد مع نور
بعد مرور يومين خرجت نور من المستشفى بعد ماسمح الدكتور بكدا بس حظرهم من ان يحصل ليها انتكاسه فى حين حصلت حاجه تضايقها وفى اليومين دول كان مرافقها مالك وشاهندا والجميع كان بيجى زياره وشهاب اللى كان بيزورها ويجبلها ورد ويفضل يتكلم معاها كانهم بيتعرفوا من جديد وعرفها على نفسه بأنه ابن خال شاهندا وابن عاصم ومن جواه شال اى حقد وانتقام على نور وقرر يبدا من جديد معاها نعم انه قلب المحب ياساده يغضب مره ويغفر الف مره الحب اللى بجد هو انك تغفر لحبيبك مهما كان غلطه وتسامحه لان القلوب مش بتعرف تكره ابدا الفرص مش بتخلص بالعكس بيتخلق من كل نهايه الف بدايه والف فرصه والحب مش مجرد كلمات وورد دا عشق وانك تقبل حبيبك بعيوبه ومميزاته انك تكون معاه فى اى وقت واى حاله انك تحب يعنى طرفةيغلط وطرف يسامح طرف ناقص يكمله الطرف التانى الحب هو تعرف ازاى تخلق من كل مرحله صعبه بتعدى عليك مع حبيبك مرحله تانيه حلوه ببدايه جديده وذكريات جديده .......
يتبع ......
أنت تقرأ
احببت ظابط
Humorمجنونه وطفوليه تلهو فى الحياه دون وعى حتى ساقها قدرها ووقعت فى حب ظابط شرطه الذى رغم قوته وقسوته تحول معاها لمراهق لايرى سواها واذاقها الحب والرومانسيه فى اجمل صورها فى طابع كوميدى ❤
