احببت ظابط

الفصل الخامس عشر _احببت ظابط

عدى شهرين على الاحداث اللى حصلت وشهاب كان عند كلمته وقبض على الارهابى وسلمه للمحكمه واخد ترقيه على مجهوداته فى حمايه البلد لكن اللى كان واجع قلبه اوى هى نور مش قادر يصدق انها ماتت خلاص ولا حتى قدر يوصل لجثمانها ولا مين اللى عمل فيها كدا
شهاب قاعد فى بيته اللى تقريبا مش بيخرج منه غير للشغل وكمان ولو حاجه ضروريه غير كدا لأ خس جدا والارهاق باين على وشه جرس الباب فضل يضرب وشهاب مش عايز يفتح ولا يشوف حد لكن مع اصرار الضيف قام وفتح كانت صافى عمته الى باين على ملامحها زعلها عليه
صافى وهى بتحضنه بلهفه : ابنى حبيبى هتفضل كدا لامتى بس انت كويس ياحبيبى
شهاب بحزن : تعالى ياعمتى
دخل صافى وشهاب للصالون وقعدوا
شهاب اترمى فى حضنها كأنه كان مستنيى : مش قادر ياعمتى مش قادر اصدق انها ماتت ... ماتت وهى زعلانه منى انا لو كنت اعرف مكنتش سبتها مكنتش زعلتها بس انا كنت موجوع منها ياعمتى موجوع
صافى : احكيلى يابنى ايه اللى حصل انت فاجاه اتجوزتها عرفتها امتى وحبتها امتى فضفض ياحبيبى
شهاب حكى لصافى كل حاجه من اول ماقابل نور وازاى استغلها وحاكلها على الصور واسر واللى عمله فيها
صافى وهى بتبصله بصدمه : لا ياشهاب لا انا ربيتك على كدا يابنى كله الا جرح القلوب ياحبيبى مش بس كدا انت اتهمتها فى عرضها يابنى ومن غير ماتسمع منها
شهاب  بغضب : بقولك متصوره عريانه فى حضنه ياعمتى
صافى بغضب مماثل : مفكرتش ان ممكن الصور تكون متركبه وحد عايز يوقع بينكم مفكرتش ان لو الصوره حقيقيه هيبعتاها ليك ليه ماكان بعتها لنور على طول الا لو هو عايزك انت تشك فى نور ويحصل الا حصل
شهاب وهو بيحاول يستوعب كلام عمته : انا ازاى مفكرتش فى كدا ازاى
قام وجرى على اوضه المكتب وجاب الصور وفضل يبص فيهم من كل الجوانب مسك تلفونه واتصل بواحد
شهاب : الو انت فين
الطرف التانى : ...........
شهاب : انا عايزك فى موضوع مهم
الطرف التانى : ...............
شهاب : تمام نص ساعه وهكون عندك
اخد الصور وخرج بسرعه
صافى : رايح فين ياشهاب
شهاب : رايح اعرف الصور حقيقه ولا متركبه
صافى : ماشى يابنى وربنا يخيب ظنك
شهاب : يارب
خرج شهاب من الفيلا وفى اقل من نص ساعه كان عند واحد فوتوجرافير
مازن ماسك الصور وبيفحصها كويس وبيكلم شهاب : الصور حقيقه لكن وش البنت متركب
شهاب بعدم فهم : يعنى ايه
مازن : الصور حقيقيه ومتصور فى وضع حميمى فعلا بس وش البنت الحقيقه متشال ومتركب مكانها وش البنت اللى فى الصوره
شهاب بصدمه وفرح : يعنى الوش متركب صح متركب
مازن : ايوه ياشهاب متركب
شهاب وهو بيحضن مازن : شكرا شكرا يامازن شكرا
مازن : على ايه يابنى انا معملتش حاجه
خرج شهاب من عند مازن وهو جواه احساس بالذنب وغضب من نفسه ركب عربيه وقعد يخبط راسه بيده : غبى غبى غبى شكت فيها واستغلتها وجرحتها وهنتاها ربنا عاقبك واخدها منك اخدها وهى زعلانه منك انت تستاهل اللى بيحصلك ياشهاب تستاهل
وقعد يبكى بصوت عالى جدا
فى مكان مجهور
مجهول 1 : ابن ال..... زى القطط بسبع ترواح حاولنا نقتله مماتش لا دا اترقى كمان مش عارفين نوقعه
مجهول 2 : لا هنوقعه وهنوقعه كويس كمان
مجهول 1 : ازاى بقى
مجهول 2 : تابع الاخبار بكره
مجهول 1: ربنا يسترها لو عرفنا هيقتلنا
عند شهاب سابق عربيته وهو بيبكى ازاى شك فيها كدا وليه اسر عمل كدا هو لازم يتكلم معاه لازم يقتله لان اكيد هو اللى بعت الصور
وقف شهاب بالعربيه لانه حس خلاص مش قادر يسوق رجع راسه على الكرسى وغمض عينه وتنهد تنهيده وجع وفاجاه سمع صوت قلبه دق اول ماسمعه
" لو الظروف هتسخف اوعى توقف سقف سقف "👏👏👏👏👏
فتح عينه وبيتمنى يكون صح وفاجاه بصدمه
شهااااب : نوووووووور ❤
يتبع .............