ليل سليم

اسكربت 💛(2)

"واخيراااااا خلصت "وضعت نظارتها الطبيه علي المكتب وقامت بتدليك عنقها بتالم فقد ظلت 6سعات متواصلين تعمل علي الاب توب تقوم بعمل تقرير يخص عملها
"اما اقوم اطلع اشوفهم برا بيعملوا ايه "طلعت برا لقيت في هدوء في البيت ودا مش طبيعي ابدا "يا بشر الي هنااا "ظلت تبحث في البيت لم تجدهم حتي خرجت الي الصالون وجدت رجال ذات ازياء متشابهه يمسكون والديها ويقيدوهم ووجدت رجل يظهر انه رئيسهم لاختلاف الزي يوجهه بصره اليها
-هاتوها
"انتو بتعملو ايه ابعد عني "
اخذ يتفحصها جيدا حتي لمحت نظرات اندهاش في عينيه
-انتي ليل احمد الحديدي اخت زين احمد الحديدي
"ليه مختش بالك من الشبه والاسم ولا البعيد مش بيفهم "يلهوي انا شكلي هروح في داهيه بسبب لساني دا مالو دا بيقلب الوان
-خدوها علي البوكس وانا هوريكي الي مش بيفهم دا هيعمل ايه
&لا يبني سيبنا في حالنا والله احنا ناس غلابه سيبك منها وكلامك معايا انا
"انت بتتكلم ازاي معاه كدا يبابا ومين دا اصلا ووسع كدا انت كمان متلمسنيش وازاي تتهجم علينا وتكتفنا"
-لو علي مين انا الرائد سليم الدمنهوري وجاي هنا بخصوص قضيه اخوكي زين لقينا معاه في العربيه مخدرات
احتلت الصدمه علي وجوه الجميع
"ازاي زين مستحيل يعمل حاجه زي كدا "
اجاب بسخريه -طب في القسم نشوف الكلام دا
"اوعي طب خليهم يسبوني "
-ولو مخلتهمش يبعدوا
ابتسمت بشر "يبقا انت الي جبته ليه "ثم قامت بلف يد الظابط. الذي يمسكها خلف ظهره بحركه مفاجئه وقامت بركله وسقط علي الارض
اندهش هو من حركاتها وانها استطاعت ان تفعل هذا في ظابط من اكفء الظباط لديه ولكن اخفي دهشته و اخذ يقترب منها ببطئ وقال من اسفل ضرسه
-انتي ازاي اتجراتي وتعملي كدا انتي مش عارفه دا عقوبته ايه انا ممكن اوديكي في ستين داهيه
اجابت بتحدي "انا مغلطتش في حاجه انتوا غلطانين من الاول مش من حقكم تربطونا كدا انتو مش ماسكين مجرمين "
&خلاص ياليل اخرسي خالص انتي حسابك بعدين بس بعد منشوف المصيبه الي وقعنا فيها
القي عليها نظرات ناريه ثم امرهم بان يدخلوهم الي عربيه الشرطه
منكرش اني اترعبت منه بس مش من حقهم يعملوا معانا كدا احنا مش حيوانات ومفيش لا قانون ولا شرع يحقلهم انهم يعملوا كدا وصلنا وانا حاسه اني تايهه اول مره اتحط في موقف زي دا شوفت زين طالع من اوضه كدا وحاطين في ايدو كلابشات وحاطط راسه في الارض منظر كسرته دا قطع قلبي زين مش بس اخويا دا توئمي شبه بعض اوي بس للاسف مش من النوع الي مرتبطين ببعض اوي كنت بسمع ان التوائم بيحسوا ببعض وقريبين من بعض اوي بس احنا مش كدا عمره مقرب مني بعيد عني بعد السما عن الارض عمره ما جه وطبطب عليا وحسسني بحنيته عمري متحطيت في مشكله وجريت عليه عشان يساعدني وبعد شغله عن المحافظه الي احنا فيها وبيسافر علي طول دا بعد عننا اكتر بسمع ان الاخ ضهر وسند ومفيش احن من الاخ ووووو دا معرفتوش حتي مع ابويا عمره مخدني في حضنه وحسسني بحبه فاكر ان كل شئ فلوس ولو احنا بناكل وبنشرب ان احنا كدا مكتفيين ودا سبب لي عقده من الطرف الاخر بقيت عدائيه واسلوبي بيبقي هجومي جريت عليه عشان اطمن عليه
"زين حبيبي ايه الي حصل انا متاكده انك برئ وهتطلع من هنا "بصلي بصه عمري م هنساها بصه كسره وضياع عمري مشوفتها في عينه ابدا
=ليل انا معملتش حاجه قوليلهم اني معملتش حاجه
ابتسمت وانا ببكي "متخفش والله هطلعك اطمن "
-ليل في في جيبي سلسله طلعيها والبسيها واوعي تخلعيها لو حصل ايه كنت جايبهالك هديه بس للاسف ملحقتش "اخدوه وكانهم اخدو روحي معاه قطع قلبي جريت علي الحمام مسحت دموعي وغسلت وشي ولبست السلسله الي اختها من جيبه وحطتها تحت الهدوم لازم مبقاش ضعيفه وابقي قويه واستحمل عشان اعرف اطلعه من هنا
دخلت الي غرفه الرائد هي ووالديها جلس والديها علي مقعدين امام المكتب وجلست هي علي اريكه بعيده نوعا ما منهم
-انا عارف ان زين مظلوم صمت بعد ان وجد علامات الصدمه علي وجوههم ثم اكمل والمخدرات الي لقيناها في عربيته حد حاطتها
&طب مين الي حاططهاله
"السؤال الاهم هيستفاد ايه من اذيته ليه "
-الي حاطت الحجات دي من اتباع كبيرالمافيا وهم مش عايزين يئذو زين هم عايزين ليل
شعرت بدوار خفيف براسها من توالي الصدمات التي تحل عليهم سقطت والدتها مغشيا عليها اتصلوا بالاسعاف لتاتي واخذوهاوذهب والدها معهم كي لا يتركها وذهبوا وهي كل هذا الوقت في عالم اخر لا تدري شئ من حولها
"هم عايزني ليه "
-دي الحاجه الوحيده الي مش عارفينها هيستفاد ايه منك بس دا اكيد ليه علاقه بالشبه مبينك ومبين اخوكي
"بس برضو استفاده ايه لما لفقو لزين قضيه "
-اخوكي عرف معلومات عنهم بسبب ان صاحبه شغال معاهم وهو عرف معلومات عنهم بالصدفه وهم عرفو فكانوا لازم يلفقوله قضيه عشان ميعترفش عليهم
كاد الصداع ان يفتك براسها وضعت يدها علي راسها بالم "طب وانا ايه المطلوب مني دلوقتي "
-هم عارفين انك هنا دلوقتي وفي عين ليهم هنا في المركز وممكن هو يكون رائيسهم منعرفش لسه
قامت بتفجير غضبها وهي تاتي وتذهب في الغرفه وتتكلم بانفعال "يعني ايه الي انت بتقولو دا ازاي متعرفوش اومال انا الي هعرف "قام هو من علي المكتب وقام بالاقتراب منها وقال بغضب مكتوم
-صوتك ميعلاش انا لغايه دلوقتي بتكلم معاكي باحترام متخلنيش اوريكي الوش التاني وانتي مش قدي
لم تعد تستطيع ان تتحمل من شده الالم في راسها حتي انها لم تسمع لما قاله وفقدت الوعي التقتها سليم ووضعها علي الاريكه وحاول ان يوقظها قام برش المياه علي وجهها حتي افاقت جلست علي الاريكه وهي مغمضه العينين وقامت بضغط يدها علي راسها لعلها تخفف من الام الصداع قام هو باعطائها مسكن ومياه وقدمه لها نظرت له نظره شكر وقامت بتناولها
-احسن
"اها شكرا "
-العفو. نرجع بقا لموضوعنا
اومات بنعم فاكمل هم المفروض حسب المعلومات الي وصلتلنا هيخطفوكي النهارده بليل
"هيخطفوني ازاي ومنين "
-هيخطفوكي ازاي دي بقا اكيد هيخدروكي وهيخطفوكي من هنا عشان معروفه ان الاجرائات مش بتخلص بسرعه وانك هتستني انتي وعيلتك هنا عشان تخلصوها ثم صمت قليلا وقال مطمئنا واحنا هنكون متابعينك خطوه خطوه متقلقيش لازم تبقي قويه ومتستسلميش ليهم ابدا
كلامه طمني حسيته بيقويني اخدت نفس وطلعته براحه انا بكدا اقدر اقول اني مستعده نفسيا وجسديا
طرق الباب ليسمح سليم للطارق بالدخول ليدخل شخص كبير في السن ليقف له سليم باحترام
-اهلا اهلا اللوا توفيق بذات نفسه في المكتب نورت يا فندم
×المكان منور باصحابه ياحضره الرائد قال هذا الكلام وهو يسلم علي سليم وينظر الي ليل بنظرات متفحصه ونظرات غريبه فكانت ليل ترتدي بنطال اسود وسويتشيرت اسود وشعرها القصير الاسود يصل الي اسفل عنقها وكوتش ابيض لاحظ سليم تفحصه لها فضغط علي يده بخفه ليجذب انتباهه
-اتفضل يا فندم استريح
×لا انا جيت بس عشان اطمن علي اخبار الشغل ماشي ازاي
-كل حاجه ماشيه تمام يا فندم
×طب هستاذن انا بقا
-تمام يا فندم اذنك معاك
-ليل انا هروح مشوار سريع كدا وهاجي
حسيت برجفه في جسمي من فكره انه هيسيبني ويروح انا كنت مطمنه بوجوده معايا معرفش ليه وازاي بس كنت مطمنه
احس هو بخوفها
-اطمني يا ليل انا مش هتاخر
"طب استني انا عايزه اشوف زين "
-مش هينفع دلوقتي هو تحت المراقبه وممكن يشكوا فينا
امسكت بذراعه "ارجوك انا عايزه اشوفه او ابص عليه من بعيد "
رفع حاجبه وقال بخبث -بس بشرط
"ايه هو! "
-خليه بعدين
نظرت له بشك "طب يلا وديني اشوفه "
ذهبت معه الي غرفه بها زجاج حيث انها تراه وهو لا يراها عندما راته حتي كادت ان تنهار ولكنها تمسكت واقسمت بداخلها انها سوف تجعله يخرج حتي لو تاذت
-يلا
ذهب هو وتركها بمفردها بالمكتب اخذت تجوبه ذهابا وايابا وهي تفكر في كم الخطوره في المهمه في ظل شرودها انقطعت الكهرباء توقفت هي واخذت تنظر حولها بخوف فهي تخاف من الظلام رغم قوتها ولاكنها تخافه
يلهوي انا بخاف من الضلمه اعمل ايه دلوقتي يارب فين سليم هو قال مش هيتاخر اخذت تبكي بهستيريه وهي تبحث عن مكان الباب ولكنها لمست شئ ضخم ويصدر انفاس ثم اختفي اخذت تدور حول نفسها وهي تبكي وتصرخ بهستيريه حتي فقدت الوعي