ليل سليم

اسكربت 💛

-علي تخيل كدا ان لو الوزير ملغاش الامتحنات انا هيحصلي ايه.... انا هتمرجح
=طب متذاكري
-لا يراجل انا بقول تخيل موصلتش للدرجادي
=تخيلي لو الدفعه كلها غفلتك وطلعت بتذاكر وانتي لا
-ايعقل!
=طب يلا ذاكري
-علي انت مجنون انا مستحيل اتجراء واخون العهد
=عهد ايه
-عهد عملنا في جروب الدفعه ان مفيش حد هيذاكر ...لقد تعاهدنا علي السقوط سويا
=وحياه امك ....طب ايه رايك انك هتذاكري ودلوقتي ...انا نونوت في دماغي انك هتذاكري دلوقتي
-علي! ايه الي انت بتقوله دا. ..انت مستوعب انت بتقول ايه
=انتي عايزه تسقطي!؟..هل انتي عايزه تسقطي! ؟
-لا كدا كدا الوزير هيلغي الامتحنات
=دا امتي دا
-هيلغيها في المؤتمر الي جاي انا واثقه
=وافرضي ملغهاش
-هستني المؤتمر الي بعده مش حوار يعني
=ربع الثقه الي انتي ماشيه بيها يارب
-اشتريها من البقال هخيو هخيو هخيو
=طب والله لتقومي تذاكري دلوقتي ..والا هقوم اعمل بيض وهاكلهولك غصب عنك
-لااااااااا الا البيض بتاعك ..دا اسم علي مسمي
=يبقي ذاكري
-طيب

-علي ايه رايك نغير ديكور الشقه
=لسه مغيرينه ...ذاكري
-وانا اذاكر ليه بقي ..اديني سبب واحد اني اذاكرله
=عشان متسقطيش
-لا لا السبب دا مبقاش ياكل معايا اديني سبب تاني
=عشان تحققي طموحاتك ..وعشان مستقبلك
-طموحات ايه الي بتتكلم عنها ي علي ..انا اقصي طموحاتي اني احمر البطاتس من غير مطرتش عليا زيت ..ماصباح الفل بقا
=ولادك يقولوا عليكي ايه وانتي مش متعلمه
-هيقولو عليا سقوطه عادي يعني
=ودا بالنسبالي مش عادي وذاكري يلا ....عشان ابقي فخو...
-ششششش انا عايزه اتجوز
=انا كيس جوفه قدامك مثلا مانا جوزك
-اديك قولتها انت جوزي يعني تخليني فاشله.. يعني تقولي البنت ملهاش غير بيت جوزها... يعني معندناش بنات تتعلم
=لا يحبيبتي وانا ميرضنيش يقولوا علي مراتي مش متعلمه
-ياعم انا يرضيني ياعم
=ميااااده ذاكري

-علي
=عيون الزفت
-اسالك سؤال
=اسالي
-هو تاريخ ميلادي امتي
=2/3
-وتاريخ خطوبتنا
=22/4
-وتاريخ جوازنا
=14/9
-امم وتاريخ اول هديه
=3/5
-انت مالك متوتر كدا ليه
=اصل فاجئتيني
-طب وتاريخ ميلاد احمد
=احمد مين
-ابننا
=خلفناه امتي ومنين وازاي
-في خيالي ...انت بتسال اسأله غير منطقيه علي فكره
= انتي عبيطه
-شكلك غاوي نكد
=لا بس انا هجيب تاريخ ميلاده امتي وهو لسه متولدش
-حدته انا
=هو فرح امك!
-علي هو انت  مش بتنسي التواريخ ليه عشان انكد عليك!
=ميااااااده ذاكري
-حاضر

-علي ممكن اسالك سؤال...متبصليش كدا والله سؤال في العلم
=اسالي
-هو مش الحمار بيشوف الشياطين ..انت مش بتشوفها ليه!؟
=!!!!!
-وحياه اغلي حاجه عندك مانت قايم
=انا مش هقوم ..عارفه ليه
-ليه
=عشان حلفتيني بحياتك
-جوزي اوي

=بتعملي ايه
-بدور علي الطرحه البيضه كانت ضايعه مني
=ليه
-عايزه اغسلها عشان مش هلبسها
=عارفه لو مقعتديش وكملتي هعمل فيكي ايه ...هقوم اعمل بيض
-لالا خلاص ومتقولش الكلمه دي تاني متقولش حرف البه دا خالص
=طب بيض بيض بيض
-إيووووووه بس بس انا جسمي قشعر
=تخيلي البيض وهو مش مستوي كدا
-بس يا علي
=او وهو مش محطوت عليه ولا ملح ولا فلفل
-كفايه يا علي
=يبقا ذاكري...وذاكري بصوت عالي عشان اسمعك
بحنق-حاضر
-ارسل محمد علي جيش الي الحمله الفرنسيه لكي...
=ثانيه بس هو ايه الي جاب محمد علي للحمله الفرنسيه. ...هو ايه الي جاب محمد علي لكليه طب اصلا  ...ينهار اسوح ايه الي جاب محمد علي لكتاب الانجليزي ..لا وكمان الكتاب متشقلب. ..
-اديني فرصه بس افهمك...
بهمس=شششش سامعه الصوت دا
-ايه
=صوت البيض وهو بيناديني
-خلاص والله خلاص
زعق =ذاااكري

-علي معاك مستيكه اصل ذكري البيض قلبتلي بطني ومش عارفه اذاكر
=لا وذاكري
بشهقه -علي الحق
=ايه في ايه
-بص الحيطه مقشره ..عايزه تتلون
=تتلون! حاضر هبقي الونها بعدين
-بس انا مش هعرف اذاكر وهي كدا
=لا هتعرفي وبلاش كتر كلام وذاكري

-علي عاوزه قهوه ساده
=والقهوه دي الي هتخليكي تذاكري
-اه
=امري لله
=خدي
-ايه دا دي ساده!.... انا عاوزاها مظبوط
=نعم انتي لسه قايله عايزاها ساده
-تؤ تؤ قولت مظبوط
=خدي يكش تذاكري بقا
-دي مش بوش
=لا بوش وذاكري
-ايه دا القلم من غير لبيسه مش هعرف اذاكر كدا
=خدي قلم رصاص اهه
-القلم اتقصف! طب والله منا مذاكره

#شهد_بسيوني