ليل سليم

البارت التاني 💛

=ابنك؟!
-ابني بالتبني
=ازاي
اتنهدت -انا عندي عاده اني بروح دار الايتام ..كنت لما بشوف البهجه الي في وشوشهم برجع طفله تاني ..بحب الاطفال جدا ..لما شوفت حمزه كان هو عنده 4سنين ...كان هو بيعيط ودايما كنت بشوفه وهو قاعد في ركن لوحده بعيد عن الاطفال الي شبهه ..روحت وقعدت جنبه وعرفت ان بباه رماه في دار الايتام بعد م امه ماتت ...بس ساعتها اتاكدت من مديره الدار انه جوز امه مش بباه ..وهو كان متعلق بمامته ف من ساعتها وهو بقا منزوي وبعيد عن الاطفال ...يوميها قعدت اعيط انه ازاي طفل عنده 4سنين قادر علي الحمل دا ..حسيت نفسي صغيره جنبه ...كنت دايما حاسه ان ظروفي ومشاكلي كبيره وان مفيش حد عنده مشاكل قدي بس طلع عنده مشاكل اكتر من مشاكلي وهو طفل صغير كدا ..تاني يوم روحت واتبنيته كنت قايله لماما ومش قايله لجوزها لما روحت حطيته قدام الامر الواقع بس دا الي حصل...
=وهو دلوقتي فين
-كان مره حصل مشاكل مبيني ومبين جوز امي وكنت حاسه انه مستني اللحظه عشان يستغل حمزه ويزلني عن طريقه فبعدته عنه ووديته عند واحده صحبتي هي عايشه مع جوزها ومعندهمش ولاد ونفسها تخلف بس هي عندها مشاكل في الانجاب وهي بتحب الاطفال جدا ف وديت حمزه عندهم وانا واثقه انهم هيعاملوه بحب  عقبال ما اشوف حل ..بس الظاهر مفيش حلول...
=ومين قال انه مفيش حل
-ازاي يعني
=انا عندي فكره بس استني لما اخلص ومتاخديش قرارك بسرعه
-سمعاك
=تتجوزيني! ...استني لما اخلص كلامي قولت  ..بصي احنا ممكن نتجوز .. مش جوز امك عايز واحد غني انا ياستي اهه واحد غني وهكون قريبه كمان وهو اكيد هيوافق فاحنا هنستغل الفرصه دي هيكون جواز مصلحه وبعد منتجوز نقعد شهرين تلاته ونطلق ونقول ان احنا متفقناش ..وكمان دا سبب ان ممكن نوقعوه في شر اعماله ممكن بالجوازه دي ابويا وجوز امك يحصل مبينهم شراكه وساعتها احنا ممكن نلاقي دليل او حتي ممكن نلبسوهم قضيه ويدخلوا السجن ونكون احنا الاتنين استريحنا من شر اعمالهم ...وهيبقي كتب كتاب بس ..ها ايه رايك
- انا مش محتاجه شفقه منك
=بذمتك دا شكل واحد بيشفق عليكي ..دا انتي الي تشفقي عليا
كان نفسي اضحك بس كتمت ضحكتي -وانت هتستفاذ ايه
=مثلا ان ابويا عايز يجرني معاه في السكه الي هو ماشي فيها واحنا لو اتجوزنا وحصل مشاركه مبينهم اللعب هيبقي علي المكشوف ساعتها هنقدر نمسك ادله عليهم ونسجنهم
-هي فكره حلوه بس
=من غير بس... ها ايه رايك
-موافقه بس علي شرط
=ايه
-هيبقي كتب كتاب بس زي مقولت
=بشرط
-ايه
=توعديني انك تكوني قويه قدامه ومتسمحيش لتهديداته انها تضعفك
ابتسمت -وعد
روحني وبعد كدا روح قعدت افكر في كلامه والقرار الي اخدناه هو مفيش حل غير كدا ..وانا واثقه فيه ..معرفش ليه بس وثقت فيه او ممكن شايفاه طوق نجاه ليا ..روحت وصليت استخاره في القرار دا وحاسه اني مرتاحه...بعد يومين لقيت جوز امي بيقولي ان احمد متقدملك وطبعا هددني بحمزه بصيتله ببرود ومردتش محسستهوش اني موافقه عشان ميشكش في الموضوع ويعرف انه اتفاق ...عدي اسبوع وكله مشغول بترتيبات كتب الكتاب منكرش اني متوتره وخايفه بس خوف من نوع تاني بس طرد الاحساس دا وبقول انه هبل وانا مينفعش افكر كدا ...كتبنا الكتاب ومضيت علي الدفتر الي دخلولي بيه ..بس رفضت اني اطلع اقابل  احمد عشان  مش حابه ان الموضوع يتاخد علي موقع الجد وجوز امي يعيش الدور ...بس تاني يوم روحت وقابلته بالسر عشان ميبقاش فيه مراقبه ولو طلبت اشوفه هيشكو في الموضوع..