ليل سليم

البارت الثاني 💛

طلعت صوره حد بحبه جدا ...حد نفسي انه يجي دلوقتي واترمي في حضنه واعيط كتير ..بقالي كتير اوي مشوفتهوش...مسابنيش ابدا وقت م احتاجته ..بس هو اتخلي عني وسبني دلوقتي ...بس مش هقدر الومه انا السبب في الي حصله ...وحشتني اوي يا بابا ...الدكتور قالي اني ممكن ارجع امشي تاني لو استمريت علي العلاج الطبيعي بس انا مش حابه ممكن عشان معنديش طاقه او عشان بعاقب نفسي ...قريت الفاتحه ورجعت الصوره مكانها ...وقعدت اتفرج علي الجنينه ..غيث كان عنده حق لما قال ان المكان دا مملكه ..عدي 3سعات علي الوضع دا ..بس لازم ارجع عشان ماما متقلقش عليا ..سندت نفسي بالعافيه لغايه اما قعدت علي الكرسي ورجعت تاني الاوضه بتاعتي ..غيرت هدومي وكنت لسه هنام لقيت اختي داخله وبتقولي انهم مستنيني تحت ...شكلي مش هنام النهارده ...نزلت لقيتهم متجمعين وبيبصولي ببرود ..بصيت علي عمتي لقيتها متنرفزه جامد وعماله تنفخ ...
*اهي جنابها شرفت
بصيتلها ببرود و ماما نادتني
=تعالي يا رغد
-نعم يماما
=احنا جينا النهارده عشان موضوع الورث ..والمحامي النهارده جمعنا وقالنا ان في وصيه وباباكي الله يرحمه كان سايبها قبل م يموت بحوالي 6شهور ...وقالنا انك لازم تكوني موجوده

قلقت بصراحه ..المحامي فتح الوصيه وقال كلام كتير كدا بس جيه عند نقطه معينه والسكوت حل علي الكل ..قال ان بابا موصي اني اتجوز غيث ...لا ثانيه كدا ..! انتو بتتكلموا عني انا ..بصيت لغيث لقيته سرحان ...لقيت عمتي زعقت فجاه
*بقي ابني يتجوز العاجزه دي ..دا علي جثتي
غيث زعق =ماااما
&انا احترمتك وجيت علي كرامتي وكرامه بنتي عشان كونك بس اخت المرحوم لكن لحد هنا وبس ..انا مسمحلكيش انك تقولي علي بنتي عاجزه
لقيتها جايه عليا وهي بتزعق
-لو فاكره اني هموت عشان اتجوز ابنك تبقي غلطانه ..انا لسه سامعه الوصيه دلوقتي زيي زيك ..فيا...
*انتي ليكي عين تتكلمي اصلا مش كفايه انك كنتي السبب في موت اخويا..
"مكنتش السبب " لقيت ميس هي الي اتكلمت المرادي ووقفت قصاد عمتي وزعقت ..
"اختي مكنتش السبب ورا موت بابا الله يرحمه ..بابا الي كان بيسوق العربيه وحصلت الحادثه يعني قضاء وقدر ..واظن انك مش هتدخلي في قضاء ربنا ..ولو علي ابنك ف احنا ميشرفناش ان حماه اختي تكون زيك ..ولو هتتم الجوازه دي هتبقي بموافقه رغد ولو مش موافقه يبقي احسن بردو "
بصيت لميس وعيني اتملت دموع ...وهي ابتسمتلي
*بس ابني مش موافق علي الجوازه دي
=لا انا موافق
كلنا بصينا لغيث ..تعابير وشه كانت كلها جد
*انت بتقول ايه ..انت عايز تتجوز الي كانت السبب في موت عمك ..وكمان عاجزه
=مع احترامي لراي حضرتك دا قراري انا ..ولو انتي زعلانه علي موت اخوكي هي زعلانه عليه اكتر منك ..ولو علي سبب عجزها ف انا عايزها كدا وقابل بيها دي حاجه متنقصهاش في حاجه ...دي مشيئه ربنا ..وحابب افكرك ان لما بابا اتجوزك كنتي مبتخلفيش وانتي جبتيني بعد عمليات كتيره وبرضو بمشيئه ربنا ..انا حبيت افكرك بس عشان متنسيش...وانا هاخد رغد منكم خمس دقايق وارجعهلكم تاني
جه عليا وحرك الكرسي
-انت بتعمل ايه ..سبني ..بقولك سيبني
فضل ساكت لغايه اما وصلنا للبلكونه
=انا اسف بس كنت لازم اعمل كدا انا عارف انك مكنتيش هترضي تتكلمي معايا بس لازم اتكلم معاكي
-كويس انك عارف اني مش عايزه اتكلم معاك
وحركت الكرسي عشان اطلع لقيته حط رجله قدام الكرسي
اتنرفزت -قولتلك مش بحب حد يتحكم في حركه الكرسي انت كدا بتحسسني بعجزي
قولتها لا اراديا والدموع بتحرق عيني
شال رجله وقعد علي رجله قدامي ومسك ايدي وباسها
=وانا عمري مهحسسك بعجزك ولا هقلل منك ..بس سيبيني اتكلم معاكي
سكت
=انا مش عارف ابدا منين بس انا كنت مع باباكي من قبل الحادثه ..ومن قبل الوصيه كمان...انا الي اقنعته انه انا اتجوزك...من وانتي عندك 14سنه وانا بحبك ..كنت انا ساعتها عندي 20 سنه قولت ان دا حب مراهقه وكلام فاضي بس انا اتاكدت من مشاعري بعديها لما علي طول مش بتفارقي بالي بس كنت بقول لنفسي ان ازاي احب طفله بس انا حبيتك ...مكنتش عارف افضل بعيد عنك والمسافه مبينا كبيره ..قررت اني اروح واسكن قريب منكم ونقلت شغلي هناك كله ..راقبتك في كل مكان روحتيه وشوفت كل مراحل حياتك وانتي بتكبري قدامي ..
قاطعته -انت كنت سعات بتقف تحت البيت
=اه كنت بقف تحت البيت ..كنت بلبس كاب عشان متشوفنيش وتاخدي بالك...بس لاحظت انك بصيتي عليا كذا مره ...عشان كدا بطلت اجيلك خوفت لاتقولي لبباكي ويعرف اني بقف تحت البيت ..كنت بدور علي اي فرصه اني اشوفك فيها ...انا اتذللت لابوكي اننا بس نتخطب او حتي نقرا الفاتحه عقبال متتخرجي بس هو رفض وقالي لما تتخرجي عشان مشغلش وقتك او اشغلك عن دراستك ..اتحايلت عليه مره واتنين لغايه اما حن عليا وكتب الوصيه دي ..معرفش هو كان تفكيره في ايه بس المهم اني كنت فرحان انك خلاص هتبقي ليا ...بعديها حصلت الحادثه مبقتش مستوعب ايه الي حصلك ..كنت عامل زي المجنون وانتي في اوضه العمليات ..وفضلت معاكي وكنت بدخلك بليل وانتي نايمه ومفيش حد وكنت بتكلم معاكي ...وهاكذا فضلت لغايه اما خرجتي وبعديها بقيت اراقبك واروح الكافيه ..
-انت الي ساعدتني قبل ما اقع
حرك راسه بنعم وسكت وهو بينهج من الكلام
انا عيني دمعت وسكت مش عارفه اقول ايه كلامه عجز لساني ...مش متخيله انه عمل كل دا..بابا كان بيقولي اني عمري م اسلمك لواحد اخدك علي الجاهز لازم يعافر عشان يوصلك ..لازم وقت م احط ايدي في ايده تكون الايد دي استحملت وعافرت عشان توصلك ..عشان انتي نجمه ومش هيوصلك غير القمر..بصيتله لقيته قلقان من رده فعلي بس انا ابتسمت -تستحق اني اديلك فرصه
ابتسم حسيته هاين يحضني قال بصوت عالي=يا فرج الله ... تعرفي انا عايز اعمل ايه دلوقتي
ضحكت -خليها بعد كتب الكتاب
=لا دا احنا نروح نجيب الماذون دلوقتي
-تعالي بس استني في حجات كتير لازم تحصل الاول
=يا ستي تعالي بس نجيب الماذون ونتكلم بعدين
-استني بس ...انا عايزه اعرف حاجه
=ايه
-عجزي وكدا ..غيث انا مش هكون زي اي بنت انا..
=انتي فعلا مش زي اي بنت ..انتي استثناء 
-انا قصدي اني هكون مرتبطه بالكرسي ومش هعرف اقف
=بالله عمرك شوفتي اميره بتكلم الشعب وهي واقفه
-يبني براحه عليا مش كدا
ضحك=يلا بقي نجيب الماذون
-نجيبه بس عندي شرط
=طبعا انتي تؤمري
-نجيب الماذون بعد سنتين
=!!!!!
-غيث...غيث انت معايا
=انتي بتهزري ..لا بجد انتي بتهزري
اتكلمت بسرعه -هم سنتين بس ونتجوز بعد كدا
=انتي ليه محسساني انهم ساعتين
-دا اول طلب ليا
مسح علي وشه =انت الحنين علي عبادك يا رب
بصيتله زي القطه الي بتتمسح في صاحبها ...
=هتموتيني في يوم ببراتك دي
-بعد الشر
=ايه!
-يلا بينا نخرج...اه صح بس سؤال اخير
=هتقوليلي ناجلها اكتر  هتلاقيني نطيت من البلكونه وتتجوزي واحد متكسح
ضحكت -لالا سؤال تاني .....انت هتعمل ايه مع مامتك
اتنهد =لسه مش عارف بس انا هتصرف معاها متشغليش بالك
طلعنا برا وانا بلغتهم بموافقتي ...ساعتها عمتي لطمت ..كان هاين عليا ارقص من الفرحه عشان اغيظها اكتر وتموت بفرستها ...طلعت فوق وميس طلعت ورايا واول مقفلت الباب اترمت في حضني حضنتها جامد كان واحشني حضنها بجد ..عيطنا احنا الاتنين
=انا اسفه بجد انا عارفه اني بعدت عنك واذيتك نفسيا مع ان انا المفروض اكون واقفه جنبك من بعد الحادثه بس مكنتش قادره استحمل فراق بابا ..فراقه كان صعب عليا ..انا ملمتكيش علي موته ولا كنت بفكر انك السبب في موته ..انا بس كنت بعدي بمرحله صعبه ومكنتش بكلم حد اصلا ..انا اسفه بجد
حضنتها تاني وقعدت تعيط لغايه اما نامت في حضني ..
.العيله مبقتش تعاملني زي الاول بقت تعاملني من باب اني هبقي مراه غيث ..بس مش فارق معايا هم اصلا ...وحماتي طبعا فضلت مُصره علي رايها وتعبت او كانت بتعمل نفسها تعبانه عشان تحنن قلب غيث عليها ..بس هو فضل مُصر علي رايه وهو عارف انها بتمثل ...وقالها انه هياخد بيت برا لو لقي التعامل معايا وحش ..كبر في عيني اكتر واكتر ...تمسكه بيا دا مش قليل هو بيحاول يكون حاجه كبيره في نظري ويكون الزوج الي استحقه وانا هحاول اني ابقي الزوجه الي يستحقها ...انا طلبت منه السنتين عشان قررت اني ابدا العلاج الطبيعي عشان ابدا حياتنا وانا علي رجلي واقدر اعمله الحاجه الي هو عايزها مش هقوله وهبين اني علي الكرسي عادي وهفاجئه يوم الفرح ...هو تقبلني وانا عاجزه ومقللش مني وانا هفرحه ومش هخلي حد من العيله يقلل منه ويقول انت متجوز عاجزه ..مع انه مش عيب ولا بيقلل من الشخص من حاجه ..بس في عقليات مريضه ...عدي السنتين وهو بيثبتلي فيهم انه كان قد الفرصه الي ادتهاله ..
*يلا يا عروسه عشان العريس برا وعايز يشوفك
ابتسمت بتوتر -يترا يا ميس رده فعله ايه لما يشوفني وانا واقفه
*اممم خلينا نتفرج دلوقتي ايه ردت فعله
سمحولو انه يدخل اول ما دخل وبصلي فضل مصدوم ...قعد يقرب براحه ووقف قدامي وانا مبتسمه ..
=هو انتي واقفه ولا انا بيتهيقلي
ضحكت -لا واقفه ومن غير م حد يسندني كمان تخيل
لقيته دمع وحضني فجاه انا اتخضيت في الاول بس حضنته -انت بتعيط ليه دلوقتي
=اصل طلعتي قصيره
-امممم طب ودوني علي بيت ابويا بقي
=استني بس افهمك
-وعلي ايه بيت ابويا انا هقعد في بيت جوزي
=مراتي العقله
-بس بعد م اتطلق
=مراتي المجنونه
-مش احنا لسه كاتبين الكتاب من شويه ورايحين الفرح قولهم بقي ان العروسه رجعت في رايها....انت واخدني علي فين
=تعالي بس انا هوريكي الطلاق علي اصوله
باس راسي وايدي=بقي بالله بعد م فوزت بيكي اسيبك تروحي مني كدا بسهوله
-احم احم احنا هنتاخر علي الفرح وعيب اوي لو الناس فضلت مستنيانا ..طب والله عيب ...تعالي بس دا انت زوجي وقره عيني

خُلقتَ لتُكملنى..وخُلقت أنا خِصيصًا لأُكمل ضِلعكَ الأعوج 💛
#شهد_بسيوني