ليل سليم

اسكربت 💛

-ادخليلي بقايمه الاسماء
=اول واحد اسمه وائل
-حلو
=اعزب
-ينهار قمر
=مسيحي
-ينهار اسود
=هتعملي ايه دلوقتي
-هعمل ايه يعني هدخله ف الاسلام ...ادخلي علي الي بعده ياشيماء
=تاني واحد اسمه محمد
-اهه مسلم الحمد لله
=بيدلعوه مادو
-ايه القمر دا
=طويل وعنده عروق في ايده
-ايه العسل دا...ايه قله الادب دي يمتدينه حرام غضي بصرك
=علي اساس الي احنا بنعمله دا مش حرام
-احنا بنجيب معلمومات بس مش بنتغزل فيهم
=انا متخيله الشيطان دلوقتي وهو بيأذن
-دا احنا هندخل جهنم  بزحليقه
=ها اكمل
-كملي
=مش بيفكر في الجواز حاليا
-هخليه يفكر متدققيش انتي ها ايه تاني
=امه ميته
-الله اكبر حماتي ميته
=لسه صاحبه منزل بوست وهو في المستشفي ومبين الحياه والموت
-يلا بالشفه ادخلي علي الي بعده ...ولا اقولك فكك من شباب دفعتنا خالص دول عيال خرعين ادخلي علي كراشات الي متخرجين
=تمام ...اسمه حازم
-الله بحب الاسم دا
=بيدلعوه زومه
-كرهته
=عايز مراته تبقي منتقبه
-ايه بتبصيلي ليه ...انا اصلا بفكر انتقب ..اعتبريني انتقبت
=عايز مراته تبقي حلوه ومتعلمه واخلاقها عاليه
-ربنا يخليك
=هو متزوج من اسبوع اصلا
-ربنا ياخدك
=كدا اليسته خلصت
-طب دوري تاني يمكن واحد وقع منك ولا حاجه
=دا انتي الي التربيه وقعت منك
-في ايه يا شيمو دا انا بهزر معاكي ..خلاص والله مش هعمل حاجه تاني
=هنبقي محترمين
-اه
=هنغض بصرنا
-اعتبريني غضيته
=هتنسي موضوع الكراشات دا
-انا نسيتهم اصلا
=ايوه كدا عشان نبقي بنات محترمين و...
-افتكرت في واحد جارنا لسه مدورناش ع الاكونت بتاعه
=عااااااااااااااااااااا

-جيبتي الاكل
=اها جيبته
-طب يلا ندخل المحاضره عشان هموت واكل
=يلا
دخلنا المحاضره وقعدنا ورا شويه عشان نعرف ناكل من غير مالدكتور يشوفنا
-بصي احنا خلصنا اكل ...احنا ننام دلوقتي ونصحي نركز جامد جامد اوي
=!!!
-شيماءانتي نمتي !...طيب
طبعا مهمناش ان احنا في المحاضره احنا اصلا مش شايفين الدكتور بس احنا مش فشله خاااالص احنا جوانه طاقه مذاكره بس شايلنها للامتحنات
=انتي يا زفته منك ليها
فوقت علي صوت تهبيد ع البينج الي احنا فيه بس مش فايقه اوي-ايه يا شيماء سيبيني انام شويه عقبال البغبغان دا يخلص شرح
هبد جامد وقومنا احنا الاتنين مفزوعين =بقا انا بغبغان دانتو وقعتكوا منيله
بصينا عليه لقينا حاجه ف منتهي القمر كدا الي هو انا وشيماء بصينا لبعض وضحكنا زي الهبل عشان كل واحد فهم التاني الي هو هنبدا برحله البحث عندك ولا عندي و ناسيين ان احنا بنتهزق
-قطع لساني لو قولت عليك بغبغان
=ممكن اعرف انتو كنتوا بتعملو ايه
انا وشيماء بصوت واحد -كنا نايمين
بسخريه =ومالكو بتقولوها بفخر كدا
-انت بتتريق علينا
رفع ايده باستسلام =حاشا الله...رايحه فين
-انا انسحب لانك سخرت مني وهذا غير لائق
=رايحه فين ..انا ممكن اسقطك ف الماده
-الغي رحلتشي
طلعت وانا متنرفزه ازاي يقفشنا كدا ..اكيد شيماء هزقته جامد اصل هيا مش بتسكت
-ايوه صح ياشيمو ..شيماء..شيماء انتي فين
الندله اكيد جوه وانا طلعت لوحدي ...الله علي غدر الصحاب ...روحت وقعدت علي السلم وانا مستنياها ...عاجبك كدا لولا كرامتك الي نقحت عليكي كان زمانك جوا دلوقتي..التلفون رن
-ايوه ياحجيج
=اسمها السلام عليكم يا جزمه
-السلام عليكم يا جزم....اااه يا حجيج
=مش كان عندك محاضره
بصوت واطي-احم احم  اتطردت منها
=علي صوتك مش سامعك
عليت صوتي جامد -بنتك اتهزقت واطردت يا حج
=دا انتي لو طلعتي من اوائل الدفعه مش هتقوليها بفرح كدا
-اصل الدكتور بصراحه رزل كدا وبارد ودمه تقيل وسمج
=وعشان كدا هو طردك
-لا عشان نمت
=فعلا ايه الوقاحه الي هو فيها دي دا ايه الدكتور القفوش دا
-شوفت يبابا بنتك اتظلمت
= دا اخوكي الولد اهه ومطردش من محاضره قبل كدا ...هتشربي بانجو امتي يا سعديه
-عيب يا بابا ايه الي انت بتقوله دا
=ايوه فعلا عيب انا مينفعش اقول الكلام دا بنت
-بنتك وبلا فخر بتشرب حشيش بس .....بابا. ....بابا ...قفل في وشي...اين هي كرامتي الان انا لا اراها
سمعت صوت ضحك ورايا بصيت لقيته الدكتور وشيماء مسخسخين من الضحك ..ماهو زي القمر وهو بيضحك اهو
وقفت وبصيت علي شيماء من ورا الدكتور وعملتلي علامه انه هيقتلني طبعا رفعت راسي للسما كدا ونفشت ريشي الي هو لو هتبدا المعرك انت الخسران
حاول يتصنع الجديه =بقا انا رزل وسمج وبارد
شيماء بهمس *ودمه تقيل
=ودمه تقيل؟
برقتلها الي هو انتي معاه ولا معايا
-مين الحيوان الي قال عليك كدا ...ايه قله الاحترام دا ...معرفش والله الاهالي مبقتش بتربي زي زمان ليه ...دا المفرود يربوهم علي الاحترام ويكونوا ملتزمين زي كدا بالظبط
كاتم ضحكته =طبعا
=طب وبالنسبه انك كنتي تعبانه ولسه طالعه من المستشفي امبارح وجيتي للكليه  النهارده ومن التعب نمتي
شيماء بصيتلي فهمت ان هي اتحججتله بالموضوع دا
مسكت راسي بالم وسندت علي شيماء -ااااه صح فكرتني ..اااه قصدي انا فعلا تعبانه
=مش كنتي من شويه بتضحكي وبتهزري
-بنضحك الي حوالينا وجوانا متفتفت ...(زعقت) ..وبعدين انت كمان باصصلي في الهزار كمان ياشيخمنكلله
=والله مقصدي د....
-اومال لو قاصدها كنت عملت ايه ..اااه يمرراتي يانا
=مش كان صداع من شويه
-عادي صداع في مرارتي ايش فهمك انت
=صح
-خوديني يا شيماء من هنا لحسن هيجيبلي جلطه
*معلش يا حببتي انا عارفه ان الكليه وجعاكي
=ايه دا!!!!
*معلشي يا دكتور اصل كان عندها سخنيه
=!!!!
مشينا بعيد عنه ووقعنا انا وشيماء مالضحك
=يخربيتك دا انتي جيبتيله حول في دماغه
-احسن احسن يستاهل
=دا طلع دكتور احمد الي الدكتور الجديد الي كانوا بيقولوا عليه هيديلنا
-الي اسمهم احمد دول عليهم شويه خوازيق ..فلازم نخلبالنا
=بس نيجي للصراحه هو قمر
-هو من نحيه القمر فهو قمرين مش قمر واحد تحسيه كدا يدخل القلب .. ايه الي انا بقوله دا ! ...مش وقته خالص ..
=طب انتي هربتي منه النهارده هتعملي ايه المره الجايه
-متخافيش هتصرف...هي المحاضره التانيه امتي
=بكرا
ابتسمت بشر-حلو اوي

=مريم انتي متاكده انه مش هيقفشك
- طبعا يبنتي ..الطقيه والشال مش مبينين حاجه
=ربنا يستر ومنتطردش تاني
دخلنا وقعدنا بس مش ورا اوي ولا قدام اوي عشان ميشكش فينا
بصلي وركز شويه اتوترت طبعا واتاكدت من الطقيه والشال وهمست لشيماء
-الحقي ي شيماء دا بصلي
=اكيد بيتهيالك دي الطاقيه والشال واكلين نص وشك
خلصت المحاضره وحمدت ربنا انه متكشفتش كلو طلع واحنا لسه هنطلع
=يا انسه
يسواد السواد يابا روشدي دا عرفني شيماء بصتله وانا لسه مدياله ضهري
*نعم يا دكتور
=اطلعي انتي انا بكلم الانسه الي جمبك
الله اكبر ...همست لشيماء-حضري المايه السخنه وقماش ابيض
*ليه هتولدي
-لا هموت
مشيت وهي بتضحك المهزقه ...طب اعيط انا ولا ايه
ديرت وبصيتله وشاورتله بايه
رفع حاجبه =متتكلمي ولا انتي خارصه
الله فكره حلوه انا هعمل نفسي خارصه حركت راسي باه
=اممم طب انتي مغطيه وشك ليه
شاورت علي نفسي وعملت نفس بكح علي اساس يفهم اني عندي برد بس البعيد مفهمش
=مش فاهم
كنت عايزه اقوله وانت من امتي بتفهم بس طبعا هتفضح قعدت احرك ايدي وارسمله حرف البه واقوله برد وبرده مفهمش ...قومت شايله الشال -ب برد يا ذكي
ابتسم ابتسامه مكر كدا وانا تنحت وحطيت الكوفيه تاني =وميم مريم برضو
ياوقعه سوحه دا عرف ماكيد هيعرف بعد قمبله الغباء الي عندي دي شيلت الشال والطقيه ورفعت راسي بكبرياء وانا هموت واعيط مالاحراج اصلا
-اكيد لازم تعرف ما انا لسه قايله مش من ذكائك يعني
لساني دا عاوز الحرق بجاز
ابتسم=بس انا عرفت من الاول
-ازاي دا
=اولا من عينك ثانيا من صحبتك شيماء الي نسيتي وقعدتيها جمبك دا من ذكائك يعني
ضربت علي راسي -اوبسسس
باستفزاز =غ غبي
ببرود-س سمج
=ه هاجي اشرب الشاي مع ابوكي
-ب بار..ايه!
بابتسامه =ب بحبك
تنحت-نعممم!
ضحك=حبيت هزارك وضحكك وروحك الحلوه وحسيتك هتبقي نصي الحلو  وهاجي اشرب الشاي مع الحج
-!!!
بزعل =شكلك مش موافقه خلاص انا مش هغصب عليكي
بسرعه -لالالا
بخبث =ايه مش انتي مش عايزاني
حراكت راسي بلا
=لالا انا عايز اسمعها منك
-م..سكت
بزعل مصطنع =مش موافقه
ضحكت عليه -م موافقه يا ذكي

لكَ ان تتخيل، من اول لقاء وقِفل قلبى مُغلق من الداخل 💛✨
#شهد_بسيوني