ليل سليم

اسكربت 💛

"ابقى بجانبى حتى وإن لم تكن "

=حبيته يبابا
-....
=انت ساكت ليه
-بسمعك
=يعن...
ابتسم -روحي اعمليلنا فنجانين قهوه من ايديكي الحلوين وهسبقك علي البلكونه

روحت وعملتله القهوه وانا بفكر في رده فعله بس انا مش مستغربه عشان بابا معودني اني ابقي صحبته اقوله كل الي في قلبي مبيزعقليش ولا بيضربني لما بعمل غلط بس انا بزعل علي زعله فبتجنب الغلط دا ..من ساعه م ماما ماتت وهو بقي هادي وزعلان علي طول بس الابتسامه م بتفرق وشه وانا موجوده بس بشوف في عينه الحزن ...هو اتجوز ماما عن حب وكان روحه فيها ..انا بتمني الي هيتجوزني يكون بيحبني حتي لو ربع حب بابا لماما الله يرحمها

حطيت الفنجانين ع التربيزه =الله الريحه وصلتلي من المطبخ ..تعرفي دي تاني احلي قهوه دوقتها
بزعل-وهي مين بقا اول واحده
=كانت من ايد مامتك الله يرحمها
قرينالها الفاتحه وسكتنا شويه
=سامعك
-حبيت خطيبي يبابا او الي كان خطيبي ..سكت شويه وكملت ..انا كنت هبله لما ضيعته من ايده ..لما كنت بعامله ببرود وهو كان بيعاملني بحب ..بس والله مكنش بالقصد ..كنت خايفه اتعود عليه ..كنت خايفه اتعود علي حبه وبعدين يجرحني ..كنت خايفه اني احبه بس للاسف حبيته بس بعد فوات الاوان ..كنت خايفه احس بالوجع الي انا حاسه بيه دلوقتي ..نار فراقه بتكويني...نفسي ارجع لو بس لحظه اصحح غلطتي ..مش غلطته انه سابني ..اكيد اي شخص هيشوف المعامله الي كنت بعاملهاله طبيعي هيبعد ....قولي اعمل ايه ازاي اخرجه من جوايا ..ازاي اكرهه

سكتنا يجي ربع ساعه وبعدين هو اتكلم = مفيش حل ..المرادي انا هسيب ايدك ..جيه الوقت الي تفسري مشعرك من غير اي تتدخل مني ..مقدرش اوهمك بمشاعر تانيه عشان هيتشال القناع دا بعدين ....انا ممكن ادخل بس في الوقت المناسب ..جه اليوم الي هتحسي بنفس الوجع الي كان هو بيحسه ..هو اه انتي مكانش ليكي ذنب في الخوف الي كان جواكي  بس انتي سيبتيه يتملك منك غلطتك انك مفسرتيش مشاعرك ناحيته قبل كدا ...علي الاقل مكونتيش اتخطبتيله لو خايفه  ..انا هقولك حاجه بس ..ادعي ربك انه يهدي قلبك

دخلت اوضتي وانا بفكر ..طب ايه الحل انا عايزه انساه ...عايزه يطلع من قلبي ...لو ربنا بيبتليني بنفس احساسه ....للدرجادي هو كان بيتعذب بسببي ..روحت اتوضيت وبدأت اصلي وانا مقرره اني ادعي ربنا انه يطلعه من قلبي ..بس لقيتني وانا في السجود بطلبه من ربنا ..قعدت اعيط ..مش عارفه فضلت قد ايه اعيط وانا ساجده بس علي الاقل استريحت شويه ..هل هو دلوقتي بيعاني ببُعدي برضو

"دائما كُنت أخاف من أن أُصاب بالإمراض وأتجنبها دائما حتي أصبتني أنتَ.."

-خلاص اهه لسه طالعه م السوبر ماركت وجايه حالا ..اه جيبته ب....
وقع مني الفون
-مش تحاس.....
هو انا بحلم! ...لا مستحيل ...دا هو ..ايوه هو انا مستحيل اتوه عنه..انا فضلت متنحه..وهو نزل وجاب التلفون ..بصيتله هو بيتهيقلي ان عينه مطفيه مدققتش اوي ومشيت قبل ماتهور وارمي نفسي في حضنه واعيط ...فضلت ماشيه وانا بعيط ...قلبي واجعني  عليه ومنه ..انا السبب في كل حاجه ...لو رضي يسيبلي فرصه تانيه ..بس طبعا مش هقدر اروح واقوله الكلام دا ..معرفش هو لسه بيحبني ولا لا ..مش هفرض نفسي عليه ..ولا اقدر اقلل من كرامتي واطلب الطلب دا ..نفسي اصرخ باسمه واقوله انا بحبك