ليل سليم

اسكربت 💛

-احضرلك الغدا
=لا يا حبيبتي مش عايز اكلت برا
-بس انا حضرتلك الاكله الي انت بتحبها
=بعدين عشان عايز انام ...صحيني كمان ساعه عشان عندي مشوار
دخل وانا ماسكه دموعي بالعافيه طلعت البلكونه...كريم بقاله فتره متغير معايا بحسه بارد ...مشاعره بارده كانه بيتعامل معايا كاني حمل عليه.... او مجامله بيتصنع الاهتمام حتي كلمه "حبيبتي " بيقولها كانه اتعود عليها بيقولها بفتور غير لما كان بيقولها زمان ...احنا اتجوزنا بقالنا اربع سنين  ...اتجوزنا عن حب وحب كبير اوي عدت  تلات سنين  كان معيشني في جنه... من بعدها بدا يتغير... المشكله انه  معملش حاجه غلط في حقي عشان امسك فيها ....بس اهتمامه قل.. كلامه قل مبقاش يتكلم معايا كتير زي زمان... بقي يهرب في النوم مني.... زمان كان بيدقق في ادق تفاصيل تخصني ...كان بيتكلم معايا كتير كان بيقولي ارغي في اي حاجه عايز اسمع صوتك.. قولت ممكن عشان شغله وهو مشغول عني بس شغله زي ما هو بتاع زمان متغيرش فيه حاجه ....ممكن تكون دي لهفه البدايات وخلصت ...بس انا حبي ليه مقلش بالعكس.. طب ممكن يكون هو الي بطل يحبني.. يبطل يحبني! انا مش مستوعبه الكلمه ...قلبي وجعني من الكلمه
مسحت دموعي ودخلت عشان اصحيه قعدت جنبه اتامله هو فعلا ممكن يكون مبيحبنيش
-كريم اصحي
=اممم
-اصحي عشان شغلك
=حاضر يا رغد قايم
-اص...حي ...رغد!
انا تنحت هو قال ايه ! مين دي ...لقيته قام مفزوع لما قولتله الاسم
بجمود -مين دي
اتوتر =مين ايه
بهدوء-مين رغد يا كريم
=انا قولت رغد انا قولت همس مين رغد دي
كان لسه هيرد لقيت تلفونه رن ومكتوب اسم بالاماني ولقيت ملامحه اتوترت اكتر
ابتسمت -الحق رد عليها عشان متقلقش
=همس انتي فاهمه غلط انا م..
-انت فاكرني مش هعرف الماني يعني
=لا مش القصد..
روحت وفتحت الدولاب وطلعتله بدلتين وابتسمت
-ايه رايك هتروح تقابلها بالبدله دي ولا دي....ولا اقولك في طقم هيعجبها اوي استني
مسكني من دراعي =همس اهدي بس افهمك
شديت ايدي وزقيته -اهدي ايه... منا هاديه اهه... شايفني بشد في شعري
=بقولك اهدي واسمعيني
صرخت-اسمع ايه ...اسمعك وانت بتحكيلي علي حبك الجديد ...انت فاكرني هبله ومش دريانه بالي حوليا. .....انا عارفه انك اتغيرت الفتره الي فاتت ..وانا عارفه ان في حاجه ورا دا ...(سكت وبصيت للارض بحاول استوعب )...بس متخيلتش انك تخوني
=همس انا مخونتكيش بس انا...
-انت ايه
=للاسف حبيتها
حبها!  هي الكلمه خرجت منه ولا انا بخرف ...هو قالها كدا عادي. من غير ميخاف من غير ميرمش
-حبتها! ....اتجوزتني ليه مدام انت بتحبها
قال بسرعه = انا والله لما اتجوزتك كنت بحبك ولما قررت القرار دا كنت عشان بحبك بس... بس
-بس ايه
=بس لما قابلتها اكتشفت اني كنت منبهر بس بيكي كان اعجاب ...نزل راسه ..للاسف حبيتها
اعجاب!...انبهار !....حبها!  كله كان بيتردد في عقلي كانه صدي صوت
اتكلم باسف =انا اسف مكنتش متخيل ان هيحصل كدا ...همس ...انا اسف
ضحكت بصوت عالي-اسف!  ....روح يا باشمهندس عشان متتاخرش عليها
سيبته وانا بطلع هدومي من الدولاب وكملت بضحك -ومتنساش تبعتلي ورق طلاقي لبيت اهلي
لبست ونزلت وهو لسه واقف في نص الاوضه مصدوم ركبت تاكسي وروحت لاهلي