ليل سليم

اسكربت 💛

اخدت نفس طويل وخرجته ببطئ بحاول بقدر الامكان اهدي نفسي من النار الي في قلبي... احساس وحش اوي لما تحس انك مكروه من اهلك او من صحابك او من اي شخص انت بتحبه عموما ...بس انا قلبي مش هيستحمل كل الكره الي بشوفوا في عيون اهلي من نحيتي ...مش هقدر اتحمل اني منبوزه وانا معاهم .....بابا وماما علي طول خناق دايما مبينهم مشاكل وياريت يراعوا ان في قلوب بتتكسر هنا ....مش بيراعوا اني بتعذب كل اما اشوفهم وهم صوتهم عالي وزعيق علي طول بحس اني عايزه اصوت واقولهم كفايه حتي لو مش عشان نفسهم عشاني ...مدام هم بيتخانقوا دايما ليه. خلفوني!...خلفوني عشان اشوف العذاب دا واتعذب معاهم ...دايما بشوف كل الناس اهاليهم كويسين مع بعض واتمني اكون شبهم بس بستغفر بعديها واحمد ربنا علي انه اداني اهلي كويسين وبصحه كويسه وان في ناس تانين يتمنوا ضوفرهم ..ببقا بتمني حضن لكل شئ فيا وملاقيش حضن فيهم  يساع ..دايما بحاول اقرب منهم واحاول معاهم يمكن الاقي حل بس بلاقي رد يخيب املي "ان مفيش حل غير الطلاق "بس انا مش عايزاهم يتطلقوا عايزاهم هم الاتنين قصادي ...انا مش انانيه انا بس مش عايزه يجي في يوم ويخيروني مبينهم ...
=مش هتمشي ...الدنيا ليل وانتي لوحدك
اتفزعت من صوت الشخص الي جه من ورايا وقفت وبصيت حوليا ..الدنيا بقت ليل وانا قاعده كل دا وببص للبحر ومحستش بنفسي ....بصيت حوليا بدور علي صحابي ملقتهمش عيطت اكتر
=خلاص اهدي اهدي متخافيش انتي جايه لوحدك
اتكلمت بصعوبه مبين عياطي -لا انا كنت جايه مع مجموعه كبيره... وبعدت عنهم شويه بس مش عارفه راحو فين
=خلاص ونبي بلاش العياط والشحتفه دي قلبي مش هيتحمل
عيطت اكتر -انت بتتريق عليا
=خلاص خلاص بهزر عشان متخافيش بس
-انا ماشيه
=علي اساس انك عارفه تروحي لوحدك
بصيت حوليا انا مش عارفه اصلا فين البوابه عشان اطلع بس لساني الغبي اتكلم قبلي -اه عارفه متشكرين
مشيت وانا حضنه نفسي من الخوف قبل البرد انا خايفه لاتوه بصيت علي التلفون احاول ادور علي اي حد من صحابي  ممكن يجيلي في الوقت دا بس ملقتش حد يقدر يعملها عشاني ..محدش صاحبي اوي عشان اطلب الطلب دا ومحسش اني تقيله عليه ...فكرت ف اهلي ممكن يلاحظه تاخري بس للاسف مش هيلاحظ كل واحد في العالم بتاعه بيفكر في نفسه وبس انما انا!  ابتسمت بسخريه للدرجادي انا وجودي زي عدمه قعدت علي الارض وحطيت ايدي علي وشي وفتحت في ماصوره عياط تانيه انا مش عارفه امتي هخلص من العذاب دا يارب ...ولاول مره الاقي حد جنبي في وقت انهياري او عياطي ..حسيت ان في دفئ هَل عليا وحد قعد جنبي
شيلت ايدي من علي وشي وبصيتله لقيته قاعد وحاطت ايده علي رجله واخد رياكشن عبله كامل
=ايه دا الي حافظه المكان بتعيط انا اول مره اشوف حافظه المكان بتعيط
غصب عني ضحكت شكله كان يضحك اوي مقدرتش امسك نفسي بدل مكنت بعيط من همومي  عيطت من الضحك ...خلصت ضحك لقيته هادي وبيبصلي وبيبتسم اخدت بالي ان احنا الاتنين قاعدين قريب من بعض وقفت بسرعه حسيت بدوخه شويه وصداع بس خف شويه شويه ...نفضت هدومي  وهو وقف لاحظت ان في حاجه دافيه  علي كتفي بصيت لقيت الجاكت بتاعه ...لا دا اخد عليا اوي... جيت اخلعه لقيته بيمد ايده وشاورلي=لا لا خليه معاكي الجو برد
باحراج-لا شكرا مش سقعانه
=يسلام باماره انك كنتي بترتعشي من شويه
زعقت -وانا قولت مش سقعانه
زعق =عليا الطلاق منتي شيلاه
انكمشت من صوته العالي وبصراحه خوفت ليطلق مراته عشاني يعني مش ناقصه خراب بيوت هي مشي هو قدامي وانا مشيت وراه وماشيه زي الهبله بشوف فرق الطول الي بينا كان كبير ....وصلنا لغايه البوابه ومشينا شويه كمان لغايه اما ظهر الشارع الرئيسي فكنت لسه هشكره لقيت لف وبصلي
=انتي الي هتمشي قدام عشان انا مش عارف بيتك وقبل متعترضي انا مش هسيبك تروحي البيت في الوقت دا لوحدك هوصلك وبعد كدا همشي