ليل سليم

اسكربت 💛

دايما بسال نفسي هل نصنا التاني دا اتخلق عشانا عشان يكملنا هل زي مبيقولوا بندور علي نصنا التاني عشان نوصل للكمال طب هنعرفه ازاي هنحس بيه مثلا طب افرض اختارنا غلط واحنا فاكرينه هو الصح وبعد ميضيع مننا كل حاجه نكتشف العكس بس بعد مخسرنا كل حاجه هنكون خسرنا طاقتنا خسرنا روحنا وقلبنا هيضيع كل ذره حب جوانا بس هنتضر نكوي روحنا عشان بكل بساطه الحياه مش بتقف علي حد بس اقولكم حاجه فعلا الحياه مش بتقف علي حد بس احنا الي بنقف مبنكونش عارفين يا ترا نحبس نفسنا في وجع الماضي ولا نفضل منغير روح في الواقع ولا ندور علي مستقبلنا ونسعي ونتضر ننسي الماضي بس مهما حاولنا ننسي هيفضل محفور في عقلنا وهيفضل نقطه سوده في حياتنا مهما حاولنا نتعايش معاه هتكون في فتره انتكاسه هترجع للقوقعه الي انت كنت فيها فمفيش حاجه اسمها النسيان متحاولش تنسي عشان مهمي حاولت بالعكس هتفتكر هو موضوع وقت وتعايش مع الوضع اصل انت هتهرب من ايه حاجه واتفرضت عليك فاتعود عليها احسن
حصل معايا اني كنت بؤمن بالحب وكنت بكتب جوبات كتيره عشان لما الاقي الشخص الصح اديهاله وعارفه اننا هتيجي فتره ونحب فيها بس يترا القدر هيبقا معانا ولا علينا اصل هيا لعبه مكسب وخساره
اتعرفت علي شخص كان معايا في الجامعه الصدفه جمعتنا وكنا في مشروع واحد هو شخص عاقل وهادي بيشوف الامور ببساطه وان كل مشكله وليها حل كانها مساله رياضيات عباره عن مشكله وبنحلها كان كلامنا سطحي لغايه اما في يوم قالي
-تشربي قهوه
=تمام بس احنا ورانا محاضره كمان شويه
-نخلصها ونتقابل في كافيه(........)
=تمام
منكرش اني اتشديت وفضولي هيموتني اني اعرف هو عايز ايه طبعاا مركزتش في المحاضره وكنت مستنيه المحاضره تخلص علي نار خلصت المحاضره وروحت في المكان الي قالي عليه لقيته مستيني
=معلش اتاخرت عليك
قابلني بابتسامه هاديه -لا مفيش حاجه حصلت اتفضلي
طلبلنا قهوه واحنا ساكتين لغايه اما هو اتكلم
-احم بصي انا مش هلف وادور بس بصراحه انا معجب بيكي واتشديتلك وكنت عايز نتعرف علي بعض ونتكلم بعيدا عن الدراسه وكدا
حسيت اني طايره من الفرحه اعجبت بصراحته وهو شخص محترم قعدنا نتكلم كتير ونفتح موضوع نتدخل في موضوع تاني لغايه اما بصيت في الساعه ولقيتني اتاخرت جامد بقالنا 3ساعات بنتكلم حسيتهم 3دقايق مهو فعلا الوقت بيعدي بسرعه لما نكون مع الشخص الي بنحبه بحبه! نبقي نشوف الموضوع دا بعدين مهو مش معقول حبيته في مقابله واحده نقدر نقول انه اعجبت بيه عدت الايام واحنا بنتكلم في الفون مش بنام غير علي صوته نبره صوته بحس بيها بالامان كان صوته بيحضني مش قادره اوصف احساسي يوم ما اعترفلي بحبه قعدت اتنطط واجري حسيت نفسي طفله الي حد جابلها شوكلاته اعترفتله بحبي انا كمان قررنا نتقابل وحددنا معاد لبست فستان ابيض طويل وسيبت شعري وحطيت ميك اب خفيف حستني جميله فوق جمالي هو معقول الحب بيحلي كدا روحنا اتقابلنا علي البحر دا احلي مكان بحس روحي صافيه والجو بيديلنا اشراقه ويورلنا ان ازاي الحياه حلوه روحت لقيته مديني ضهره وباصص للبحر حطيت ايدي علي كتفه لفلي لقيت عيونه ضحكت لقتني بتلقائيه ضحكت كل دا واحنا متكلناش كنا هادين خالص وكل واحد باصص في عين التاني كان عيونا هي الي بتتكلم قعدنا نتمشي علي البحر فجأه قالي
-هو انتي ازاي حلوه كدا
اتكثفت جدا =اممم ممكن عشان معاك
-لا انتي بجد حلوه مش بس شكلا روحك روح طفله قلبك ابيض زي لون فستانك حلوه ببساطك
=ايه رايك نجري
ضحك والدنيا ضحكتلي معاه هو ازاي كدا
-مش قولتلك طفله
بعديها قعدنا نجري واحنا بنضحك حجات كتير اثبتتلي انه هو الشخص الي مستنياه الشخص الي الاقي نفسي معاه مسابنيش يوم ما احتجتله او بالاصح هو كان بيحس بيا ويعرف انا زعلانه او لا من صوتي او من عيوني حجات كتير اتغيرت معاه حسيته بيصحح عيوبي من غير ما اخد بالي او اعرف خلصنا الكليه وفي يوم التخرج كان عاملي مفاجئه اخدني وروحنا بهدوم التخرج بتاعتنا علي المكان الي بنتلاقي فيه البحر لقيته جايب يخت ومزينه ببلالين وورود كانت حاجه خرافه ولا في الاحلام ركبنا لقيته شغل اغاني ورقصنا مع بعض فجأء لقيته راكع في الارض وبيطلع خاتم من جيبه
_تتجوزيني
دموعي نزلت مكنتش مصدقه الي انا فيه كاني في حلم ومش عايزه اصحي منه لقتني بدون وعي نزلت علي ركبتي وحضنته وعيطت
=موافقه
لبسني الخاتم
-انا جايلك البيت بكرا
=سليم انت مش متخيل انا بحبك قد ايه
-انتي الي مش عارفه انتي نورتي حياتي قد ايه انا كنت في ضلمه وانتي اختيني من ايدي وطلعتيني للنور
=استني انا كمان جيبالك هديه
=خد دي جوبات من صغري وانا بكتبها عشان اديها للشخص الي هحبه بس طلعت اني كنت بكتب عنك .