ليل سليم

البارت الثاني💛

*توته بتعملي ايه
-بكتب اسكربت جديد
*ايوه بقا يا عم فنجان قهوه مع اغاني واخر روقان
ضحكت-عاوزه ايه يا زفته
*يعني انا جيالك من اخر الدنيا عشان تقوليلي عايزه ايه .....دا مش اسلوب ضيافه دا علي فكره
-طيب اطلعي وخودي الباب في ايدك
غنت مع الاغنيه  *متختلفيش عن الي زمان كانت قاااابلك وسهل يجي من باااااعدك...
-نشااااااااز اخرصي ....اهه سيبت الزفت عايزه ايه
*احم احم مامتك بعتاني عشان اقنعك بعريس
-ايه دا يعني مش هتلفي وهدوري وتقوليلي دا سيد الرجاله وبيحبك وماما لسه متعرفش والجو دا
*انا قولتلك قبل كدا جو التعالب دا مليش فيه
رجعت مسكت الفون -هي عارفه ردي هيبقي ايه
سكتت شويه *همس طب انتي ليه مش راضيه ....ادي لنفسك فرصه تانيه ...مش يمكن يكون قرارك دا يبقي صح
-انا مش مستعده اجازف بسنين من عمري تاني ....مش مستعده احسب لاحتملات تانيه ...وانا كمان لسه مطلعتش من العلاقه  الي قبلها عشان ادخل في واحده جديده
*قصدك ايه انك لسه مطلعتيش
-مفيش يا ريم.... بالله سيبيني عايزه انام شويه مش قادره اتكلم
*تمام يا همس ...بس فكري في الي انا قولتهولك ...متسمحيش لتجربه فاشله تعمل فيكي كدا ...وتدفني نفسك بالطريقه دي
مشيت وانا قعدت افكر في كلامها ...هو كلامها صح بس انا مش مستعده اجازف تاني بقلبي ...وكمان لسه في كلام كتير مقولتلهوش ...حسابه معايا مخلصش ...انا قلبي لسه بيوجعني عشانه ...يااااارب انا امتي هخلص من وجع القلب دا
بعتله رساله اني عايزه اشوفه في مكان اول مره اتقابلنا فيه عايزه اقفل كتابه ...عايزه يتقفل في نفس المكان الي اتفتح فيه ..عشان محنش ليه كل اما اروح المكان دا وافتكر جرحه ليا ...واقدر اكمل في حياتي من غير مالتفت
لبست وروحت البحر ...البحر في الشتا بجد دا حاجه خرافه ... افتكرت اول مره اتقابلنا كنت ساعتها رباط الكوتشي كان مفكوك وسمعت صوته ورايا بينبهني انه مفكوك فاتحرجت اني اقوله اني مبعرفش اربطه واني مستنيه  عقبال ما صحبتي ترجع وتربطهولي  فقولت شكرا وبصيت النحيه التانيه فجاه لقيته رجع ونزل يربطلي الكوتشي وقالي مدام مبتعرفيش تربطيه جيبي ابو لزق ساعتها عيط من الاحراج معرفش ايه الهبل الي انا عملته دا بس مش مهم بعديها قعد يضحك ومن ساعتها وقلبي موشوم عليه ضحكته قالي طب انا معيش مناديل دلوقتي خدي امسحي في الكوفيه طب ضحكت من وسط دموعي قالي ايوه كدا خلي الشمس تنور

فوقت علي صوته
=برضو رباط الكوتشي مفكوك
نزل وهو بيربطهولي =مش قولت تجيبي ابو لزق
طب انا اضحك ولا اعيط علي قلبي الاهبل الي عايز يروحله
بخفوت -شكرا
قعدت افرك في ايدي مش عارفه اقول ايه  بس كان لازم اواجه واطلع الي في قلبي عشان اقدر اتخطاه
-احم فاكر المكان دا
=وانا هقدر انساه
-انا جيت اقابلك النهارده عشان اقفل كتابك ..مش هقدر اقول صفحه عشان انت كنت اكتر من كدا ...جايه اخرج الي في قلبي يمكن انساك واقدر اتخطاك شبه مانت اتخطتني ...
اديته ضهري وبصيت للبحر. ....مش هقدر ابص في عينه عشان هضعف واقوله اد ايه انا محتجاه ...
بصوت مهزوز-انت بغلطه مني ومنك كسرت حاجه جوايه مش هقدر اصلحه مهما عملت وهيفضل الكسر دا يفكرني بتجربه فاشله عديت بيها ...ممكن يكون انت السبب او انا السبب مش مهم مين الغلطان ...المهم اني مش قادره اعدي المرحله دي ...انا بقولك كدا وانا عارفه اني كرامتي هتتجرح بس لازم اطلع الي جوايه ممكن ارتاح
اخدت نفس وكملت.-فاكر لما كنت بتقولي ان انا عوض ربنا ليك ...وكنت بتقول انا عملت ايه في دنيتي عشان يديني هديه زيك ...فاكر دموعك وقت فرحنا وكاني كنت جايزه كبيره انت مكنتش متخيل انك تاخدها
ديرت وشي ليه -عايزه اعرف بس هي بجد كانت من قلبك ولا كنت بتمثل عليا برضو
لقيت في دموع في عينه محبوسه  كانه بياكدلي انه كان فعلا من قلبه....بجد مبقتش عارفه الحقيقه من الكدب
-قولي كان فعلا من قلبك ولا لا
دير وشه =همس كفايه
زعقت -بصلي وانا بكلمك ...عيونك مش هتكدب ...قولي كانوا من قلبك ولا لا
بصلي وسكت
كملت -قولي حل اني انساك