ليل سليم

اسكربت 💛

=مالك واقفه كدا ليه
بصيت للارض -حازم هو الواحد لو عمل حاجه من باب التجربه وفشل الناس هتقول عليه ايه
=قولي عملتي ايه يا حور من غير لف ودوران
-بص انا معملتش حاجه والله غير اني كنت بطبق الي اتعلمته
=هار اسوح عملتي ايه في الكهربه يا حور
-بصراحه كدا وانا معديه من البوابه لمحت كوبس الكهربه ومعجبتنيش لون الاسلاك
=لونتيها؟
-لا قطعتها
=دا انتي نهار ابوكي مش فايت ..قدامي وريني هببتي ايه
-اهه بص والله معملتش حاجه جامده يعني
=ايه دا يا حور
-مكبس الاسلاك
=فين الاسلاك دي انا مش شايف حاجه
-لا في اسلاك اهه
=يارب يكون العيب في عيني ولا يكون الي ف بالي....انتي وديتي الاسلاك فين
-احم احم كنت محتجاها عشان اعمل بيها زينه رمضان
=دا انتي ابوكي هيعمل منك اسلاك صغيره
-منا عشان كدا جيتلك
=والله منا دايس معاكي في الحوار المرادي
-انت ابن عم انت ولا انت لاقيني طبلي شويه ونبي وراضيني
=دا انتي لو اتشقلبتي قرد والله منا مخبي عليكي
-افتكر جمايلي عليك
=جمال مات ودفناه سوا
-افتكر اني خبيت علي بابا موضوع خناقه عمك عبد الله
=هو انا عارف مهندس كهربه صاحبي  كويس هيظبطلي الموضوع من غير شوشره
-ايوه كدا اظبط معايا
=ماشي يسطا
راح وجاب الراجل لا ثانيه جدا ايه القمر دا ....احنا هنهرج يا جدعان. ..همست لحازم
-حازم هو انت روحت وجيبت القمر دا منين
=يابا احلي كف خماسي هيلوح وشك
-خلاص انا بهزر متبقاش قفوش
*مين المتخلف الي لعب في الاسلاك
-احم دا حرامي كهربه
=حرامي؟
-اه حرامي
=معرفش يا اخي الناس الي مشمتش ريحه الربايه دي هيروحو من ربنا فين
*دا انا لو طولت الواد الي لعب بلاسلاك هلعب في وشه
-طب استاذن انا عشان ورايا كام مشوار كدا
=تعالي هنا رايحه فين مش هتمشي غير لما تتحل المصيبه الي انتي عملتيها
*مش كان حرامي برضو ولا ايه
بهمس-عجبك كدا تفضحني
=عشان تلمي الدور بعد كدا ومتبوظيش حاجه
-طب يلا يابتاع نوال من هنا بقي
=اششش يخربيتك انتي بتقولي ايه
-يا بتاع نوااااال وهروح اقول لنوال كمان
=اتهدي بدل اما اقول لابوكي
بصيت لصاحبه -متاخدش ابن عمي دا وتديني كتكوت
*يا انسه خلصيني وديتي الاسلاك فين
-ثانيه اروح اجيبها
-اهه خد
*نهارك مش فايت ايه دا!
-اسلاك
*انتي لو عايزه تعمليهم بودره مش هيبقي بالصغر دا
=وايه الحل دلوقتي
*انا هروح خمس دقايق اجيب اسلاك تانيه واجي واياكي تمدي ايدك علي حاجه
-حاضر
=محترمه يا بت
-ملكش داعوه يا بتاع نوال انت
=ابوكي نازل كمان شويه عشان يصلي وهقوله
-وحياه سيدك ابو العباس متقول
=يبقي تسكتي ووتقفلي بؤك
-حاضر اهه
بابا نزل وبص علي كوبس الكهربه ولقاه بايظ
*مين الي عمل في كوبس الكهربه كدا
=حور
دا اعترف عليا ولا انا بيتهيقلي ...يابن ال....دا اعترف قبل القلم ...هو ليه الانسان بيعمل في اخوه الانسان كدا ..
بابا بصلي واستغفر ومشي
-دا انا هعمل منك سلطه خضار دلوقتي
=هو الي سال وانا مينفعش اكدب عليه
-لا يراجل ..مش عليا الكلام دا
=طب اسكتي بقي عشان صاحبي جه
-هوريك بس بعد ميمشي
*بصو انا هركب الاسلاك مكانها بس فاضل حاجه واحده ودي مش لاقيها حل
-طب انا عندي فكره ايه رايك تربط السلك دا هنا وتلحم الطرف التاني
*فكره حلوه
-لا متبصليش كدا دا احنا بقينا مهندسين شبه بعض
=طب مانتي مهندسه اصلا
*مهندسه كهربه وعملت كدا في الكهربه...
-انا في تاني سنه لسه متخرجتش
*دا انتي معدتيش من قدام الجامعه ولا شميتي ريحتها
-الكرامه يااااا
=متخلص بقا خلينا نخلص
بهمس-في ايه يا حازم حد يتكلم مع الراجل كدا دا كتر خير...
=ينفع تسكتي ياما تطلعي فوق
-هغور من خلقتك يمكن استريح
طلعت وانا متنرفزه من اسلوبه معايا...والله لوريك يا بتاع نوال الكلب ..والمشكله اني بحبه اصلا بس البعيد لطخ مش بيفهم ..دا بيفكر في الاكل اكتر مبيفكر في مستقبله ...عيل فارغ والله ..وانا افرغ منه ..
=ايه رايك في الطقم كدا حلو ولا البس البنطلون البيج
-حلو
=رايح اقابل نوال النهارده
-حلوف ..عليا الطلاق حلوف
=واما اغلط فيكي
-هغلط في الي جايبينك
=الي جايبيني برا ولو سمعوكي هيعملو منك شاورمه
-روح يا خويا عشان متتاخرش علي حبيبه القلب
=هروح اعترفلها النهارده ادعيلي
في سري -ربنا ياخدك انت وهي
-هدعيلك روح انت بس عشان متتاخرش
راح وانا في الاوضه رايحه جايه وانا مفروسه عايزه اجيبه من شعره الحيوان دا ..طب اعمل ايه عشان ابينله اني بحبه ...انا مش عارفه امه كانت مرضعاه ايه عشان يطلع لطخ كدا ...طب اروح اتقدمله طب ...لا هيتكسف وهيرفضني ...ايه الي انا بقوله دا!..روح يا شيخ الاهي تتزحلق في قشره موز وتقع في بلاعه وقدام نوال كمان عشان تبقي تخليني اكلم نفسي كدا تاني..
-ينهاااار ايه دا
=كنت لسه هقولها بحبك لقيتني وقعت في بلاعه وهي قعدت تضحك عليا
-دعواااااتي
=ايه
-لا ولا حاجه..كمل
=طبعا مش هعرف اقولها حاجه اصلا مش هعرف اوريها وشي بعد كدا اصلا
-احسن احسن
=ايه
-لا ولا حاجه
=يا كرامتك الي ضاعه يا حازم ..يا شبابك الي ضاع في البلعات يا حازم
-هتفضل تندب كدا كتير
=متراعي احزاني وجروحي شويه
-في مطعم شاورمه فاتح جديد
=يلا بينا
-طب واحزانك وجروحك
=انا جروحي بتلم بسرعه
روحنا وجيبنا سندوتشات وعمالين نلف شويه في الشارع واحنا بناكل. ...انا عندي اقعد علي الرصيف اكل ولا اكل في مطعم ..
-تعرف يا حازم انا الصيف دا بوظلي النظام الاكل بتاعي وبدات اتخن
=وانتي البعيده كانت موديل قبل كدا
-!!!
=قولت حاجه غلط
-ردت في قلبي قتلتني والله …طب مش واكله
=خدي بس هنا
-لا مش هاكل ولو اتحايلت عليا من هنا لبكرا
=اتحايل علي مين متصلي علي النبي في قلبك ..انا بسالك بتاعك فيه توميه ولا لا
-انت جلف يلا
=ليه؟
-وبتسال
تلفونه رن وفتحه واتكلم بس لقيت تعابير وشه اتغيرت 180درجه وشه احمر وكان بيبصلي من وقت للتاني..خلص المكالمه وبصلي
=يلا نروح
-ايه الي حصل
زعق =قولت يلا
انا استغربت .. ايه المكالمه الي هتخليه يبقي كدا دي لو اتقلبت الدنيا حواليه مش بيبقي كدا...وصلنا البيت وهو راح شقته من غير ولا كلمه ...عدي يومين وانا مبقتش اشوفه انا مستغربه اصلا هو ايه الي خلاه يعمل كدا ...حازم مش بيعدي يوم غير لما يكلمني او نقعد مع بعض فيه ..قررت اروح اساله...
-حازم
=نعم
-في ايه مالك من ساعه المكالمه دي وانت مبقتش طايق حد
=مالي
-مالك في البنك يا خويا
لقيته فجاه زعق =انا مش اخوكي وياريت تفهمي دا كويس
-انت بتتكلم كدا ليه
سابني ومشي هو ماله دا بيتكلم كدا ليه ..انا كنت بهزر معاه عشان يفك شويه ويقولي ماله بس لقيته اتقلب فجاه ...بعديها بشويه لقيت بابا داخلي
=في عريس متقدملك يا حور
-مين دا
=حازم بيقولي انه صاحبه مهندس الكهربه
-مش موافقه يبابا
=طب قابليه طب
-لا يبابا انا شوفته قبل كدا ومش موافقه عليه
=براحتك يا بنتي
اكيد دي المكالمه الي عصبت حازم ..يكونشي بيغير عليا ...الله يا عيال دا الحب ولع في الدره بقا اما اقوم اغيظه شويه...طلعت لقيته في البلكونه..بصتله ببرود وهو بصلي بقلق كدا اكيد عارف اني عرفت
-احم احم الجو عامل ايه النهارده
=لطيف
وحياه امك -بقولك ايه ...ايه رايك في صاحبك دا
وشه احمر=ماله
-يعني تحسه لطيف كدا ووسيم
=عادي يعني مفيهوش حاجه
علي ماما يلا -يعني انت ايه رايك في اخلاقه اكيد انت صاحبه وعارف
=ميغركيش شكله يبان طيب بس هو سوسه اصلا ومليان خبث ومش نضيف من جوا كدا
شامه ريحه شياط -طب ايه رايك فيا
=ازاي يعني
-يعني انفع زوجه ليه
زعق =لا
-طب ننقي اسامي ولادنا بقا
=انتي عايزه مني ايه
-عايزه سلامه نظرك
سكتنا شويه ولمحته عايز يداري حزنه لا كفايه عليه كدا ..اكيد لما يعرف اني رفضته هيعترفلي...
-علي فكره انا رفضته
قفشتك وانت بتبتسم متداريش =كويس
ايه دا! -انت برج الجموسه يلا
=ايه
-ولا حاجه
سكتنا شويه... الواد دا هيجبلي جلطه
-ايه رايك في القمر
=حلو
-بس انت احلي
=عارف
يلاااااااهواااي دا مش طبيعي ..دا انت بني ادم براس كلبه
- انا بحبك
=انا بحبك
قولناها في وقت واحد ..بصيت في السما واي كأنني مسمعتش ..
=قولتي ايه
-ولا حاجه..وانت
=ولا حاجه
لا كدا كتير انا داخله لاحسن الانسان عنده مراره واحده وانا محتجاها ..
مسك ايدي =علي فكره انا قولت بحبك
-يامو نيازي صحي ابنك نيازي وقوليله الواد اعترف
=كان باين عليا اوي كدا
-اوي يا جدع
سكتنا شويه ...البعيد دا متوحد؟ معندوش اي ذره رومانسيه ..طب اقنعني بيك طب ..
-طب ايه؟
=ايه!
-ولا حاجه يا حازم ولا حاجه ..روح كل جاتو

ضميري انت ، و"الضاد" ألف
طبيبي انت ، و"الطاء" حااء..

لكن لسوء حظي "حلو" انت يتبعها "فاء"  💛

#شهد_بسيوني