ليل سليم

اسكربت 💛

=هتروحي فين النهارده يا رغد
-هروح الكافيه الي كنت بقعد عليه يماما
=تمام وانتي يا ميس خلبالك من اختك ومتسيبهاش لحظه
اتنرفزت-انا مش عيله صغيره يماما مش ميس الي اصغر مني هي الي هتخلبالها مني
=دا لمصلحتك يا حبيبتي
سيبتها ودخلت الاوضه اغير هدومي مخنوقه بجد من كل حاجه بتحصلي مش عارفه انا بعمل ايه ولا هعمل ايه..
-يلا
مسكت الكرسي روحت مزعقه-قولت مبحبش حد يمسك الكرسي ويزقني انا عاجزه ف رجلي مش عاميه
=انا اسفه بس كان قصدي اساعدك
سبتها ونزلت في الاسانسير وهي ورايا ..انا عارفه انها مش قصدها بس انا محظرها كذا مره ان الحركه دي بضايقني بتحسسني اني فعلا عاجزه ..شيفاها زعلانه بس انا مبقتش قادره اصالح ..مش قادره اتكلم اصلا ...معنديش طاقه ..حاسه ان روحي تقيله عليا ..
وصلنا الكافيه وهي استنتني ف العربيه بعد مقعدتني ف الكافيه ...انا باجي هنا عشان المنظر جميل وبريح اعصابي ..مش بحب حد يبقي معايا بحب اصفي افكاري وارتب حساباتي من تاني...بس ذكريات الحادثه مش سيباني ...شكل بابا وهو بيموت قدامي وبسببي مش مفارق بالي ...
عيوني اتملت دموع والدنيا بدات تضلم وكان لازم اروح اخدت حاجتي وسيبت الفلوس ومشيت وانا مش شايفه قدامي من دموعي ...اتخبطت في حاجه وكنت هقع من علي الكرسي بس حد مسكني ..عدلت نفسي ومسحت دموعي بصيت عشان اعتذر بس ملقتش حد بصيت حوليا في الكافيه كلو قاعد ومفيش حاجه غريبه ..مشيت وروحت لميس وروحنا ..طول الطريق وميس ساكته بصيت عليها ودموعي في عيني ...عايزه احضنها ..نفسي نرجع زي زمان نتكلم ونضحك قبل الحادثه ...بس هي مش هترجع زي الاول ...وهيفضل اليوم دا وشم اسود علي روحي مش هيزول ابدا ...
-ميس ممكن نتكلم شويه
=جايه تعبانه نبقي نتكلم بعدين
مشيت ودخلت اوضيتها وانا دخلت اوضتي ..حاسه ان جسمي كلو بيعيط بس عيني لا ...الدموع خلصت ..صليت وغيرت ورفعت نفسي للسرير بصعوبه وفردت جسمي وفضلت ابص للسقف...
-بابا هو احنا رايحين فين
ابتسم=عاملك مفاجئه
ضحكت -ايه دا
=دي العربيه بتاعتك ...دي هديه تخرجك
بصدمه -حضرتك بتتكلم جد
ابتسم=لا بهزر وهاتي المفاتيح
-لالالا خلاص مصدقاك
روحت وحضنته وانا فرحانه=تحبي تجربي
-اجرب طبعا
ابتسم =بس انا هسوق الاول واعلمك عشان متوديناش في داهيه
بفخر-لا يا حج علي فكره بنتك بتسوق جامد اوي
بضحك=باماره عربيتي يوم محبيتي تسوقيها خرشمتيها
-قلبك اسود اوي يا حج
=طب يلا
ركب العربيه وودانا منطقه فاضيه شويه وواسعه عشان يعرف يعلمني ومخبطتش في حد ..واحنا في الطريق
-نشغل ايه عقبال منوصل
=ام كلثوم
بضحك-يبابا يا رايق.......البتاع مش راضي يشتغل ليه
=وريني كدا ....لفي الزورار دا وبعدي.......
صوت-باابااااا حااااااسب
لف العجله بعيد عن عربيه النقل الكبيره والعربيه اتشقلبت بينا وبعدين مش فاكره حاجه غير اني فتحت عيني لقيت بابا وشه كلو دم وانا مش قادره احرك اي حاجه من جسمي وبعدين اغمي عليا تاني ...
زاد عياطي اكتر وقعدت اعيط بصوت عالي في وجع جوايا مش راضي يروح ...وجع فقدان ووجع ضمير ...فكره ان بابا مات بسببي بتموتني.نفسي اصرخ فيهم واقولهم عاقبوني موتوني بس خلصوني من وجع الضمير دا ..بحلم بكوابيس وشايفه الحادثه قدامي ...كنت بسمع ان الضمير دا مفيش اوفي منه عشان دايما بيعاقبك علي الحجات الي بتعملها غلط ومش بيسيبك ..تئنيبه ليك طول الوقت مش هيروح ابدا ...خسرت حجات كتير بعد الحادثه دي خسرت بابا وخسرت اختي ..اختي الي طول عمرنا مش بنفارق بعض بعدت عني عشان ففكرها اني انا الي موت بابا هي كانت متعلقه ببابا اوي ...هي مبتكرهنيش بس ..مبتحبنيش ..!
=قومي يا رغد يلا
-الساعه7لسه بدري
=اصل احنا هنسافر البلد عند اهل ابوكي الله يرحمه
اتصدمت -ليه
=عايزينا عشان موضوع الورث وحجات من دي
-ماشي يماما هلبس والحقكم
طلعت وانا قعدت افكر مش هينفع اروح انا كدا هتعب اكتر ..مش هنسي نظراتهم ليا ساعه العزا كانت كلها لوم وشفقه وانا بكره كدا ..هم فاكرين ان انا الي كنت بسوق وعشان كدا العربيه اتقلبت ...ومش عايزه حد يعايرني او حتي يبصلي بنظره اللوم ويحسسوني ان انا الي موت بابا..
لبست هدومي وصليت وقعدت ادعي كتير في الصلا ان ربنا يعدي الايام الي هنقعدها دي علي خير ..نزلت لقيتهم حاطين الشنط في العربيه ومستنيني...روحت وهم ساعدوني عشان اتنقل من الكرسي للعربيه ...انا شايله هم النزول من العربيه وقدامهم هناك من دلوقتي قولت لماما انهم يوقفو قبل المكان بشويه عشان انزل ونكمل الخطوتين مشي وهي وافقت ..ماما فهماني اني مش عايزه اتحرج قدامهم ...ماما مش مني علي الي حصل او هي بتحاول انها متبينش ماما كانت بتحب بابا جدا ..وبعد الحادثه عيطت عليه كتير اوي ..هي بتحاول تبين ان الموضوع نصيب وقدر بس هي بتتكلم بعقلها بس قلبها رافض دا وانا بتحمل نتايج الرفض دا ..
نزلنا قبليها شبه متفقنا وصلنا لقيت العيله كلها مستنيه وكلهم راحو يسلمو علي ماما واختي وكام واحده من مرتات عمي هي الي سلمت عليا بس ببرود اتحرجت وحسيت اني هدخل في نوبه عياط تاني فاستاذنت من مراه عمي وقولتلها اني هطلع استريح شويه وجت معايا عشان توريني الاوضه...وصلنا لباب الاوضه وجيت افتحه لقيتها قفلته تاني بس جامد وبصتلي بحده
=اوعي تفتكري عشان انتي عاجزه وكدا انك تسمحي لتفكيرك انه احنا هنسامحوكي علي الي حصل وانك كدا اخدتي جزاتك بقعدتك علي الكرسي لااا احنا عمرنا مهنسامحك علي انك السبب الاساسي ف ان اخويا يموت ..انا كل ما اشوف وشك بكرهك اكتر واكتر وكنت اتمني بجد ان ربنا يكون موتك ولا يكون موت اخويا....بس للاسف انتي عيشتي واخويا مات بس انتي هتعيشي بعجزك دا علي طول وبجد انا فرحانه في الي حصلك
مشيت وانا قاعده وم مصدومه ولا حاجه انا في مرحله اسوء من كدا عيني حمره وحاسه ان الدنيا بتلف بيا ...وكمان القعده الكير تعبتني وضهري واجعني بس التعب النفسي اكتر من وجعي الجسدي ..كنت لسه هدخل بس سمعت صوت ورايا
=احم احم
بصيت ورايه لقيته شب بس انا حاسه اني اعرفه انا بقالي كتير مجيتش عند عيله بابا من وانا عندي14سنه
-نعم
=احب اعرفك بيا بما انك مجتيش هنا من وانتي صغيره ..انا غيث ابن عمتك ...وللاسف ماما تكون الي كانت لسه ماشيه دلوقتي
كنت هرد بس هو اتكلم بسرعه
=من حقك انك تزعلي وكمان تغضبي من كلامها بس انا حابب اعتزرلك بالنيابه عنها...هي بس متاثره بال الي حصل بس هي قلبها طيب ..اتمني انك تقبلي اعتزاري
-للاسف انا مش قبلاه اولا عشان انت معملتليش حاجه ..ثانيا انا مش هسامح اي حد اذاني نفسيا
بص حوالينا وبعدين اتكلم بهمس =طب انا عندي ليكي سر بس متقوليش لحد
استغربت بس حركت راسي ب اه
=تعالي معايا
لقيته لسه هيزق الكرسي بصيتله بغضب هو فهم ورفع ايده الاتنين كعلامه استسلام وانا ابتسمت ومشينا ..لقيته عمال يدخل من طرقه لطرقه البيت كبير اوي عامل زي القصر ..وصلنا لسلالم بصينا لبعض كنت لسه هقوله مش هعرف انزل وهسيبه وارجع الاوضه لقيته فجا شالني ونزل بيا انا صوت صويته صغيره من الخضه
-انت بتعمل ايه ..نزلني
=متخافيش ..مش هخطفك يعني
كنت لسه هتكلم لقيته طلع من باب ولقيت جنينه كبيره اوي وواسعه فيها ورود كتيره واشجار ولقيت حاجه عامله زي الكنبه بس علي شكل دايره ووغويطه كدا راح وقعدني عليها وراح جاب الكرسي وحطه جنبي وقعد جنبي بس بعيد شويه المكان تحفه بمعني الكلمه حاجه خرافه
-انت ليه جيبتني هنا
=بصي دا مكاني السري الي باجي فيه دي الحديقه الخلفيه للبيت الكبير الي انتي شيفاه دا ...انا عامل المكان دا وانا الي مصممه ...الكل عارف انه بتاعي ومحدش بيدخله غيري وانا حتي الي بهتم بالزرع ...وانتي اول شخص يدخل مملكتي دي
-ليه
تجاهل سؤالي=وانا باجي هنا لما اكون مخنوق وحابب اصفي ذهني ..فجيبتك هنا عشان ترتاحي شويه
بصيتله بامتنان وكان هيمشي =وعلي فكره في اسانسير عشان لو حابه ترجعي (وجري)