ليل سليم

اسكربت 💛

-ست الحبايب يااااحبيبه
&صوتك وحش اسكتي
-احم ..ان ان ان اااااان. ...حذر فزر جبتلك ايه
&اكيد طقم الكوبيات ابو ايد من الجناب  بتاع كل سنه ..صح
-لا يماما بعد محاولات كتيره من التفكير  جبتلك مج وعليه صورنا
&صوركوا مش كفايه اني بصطبح بالخلقه دي كل يوم تقومي جايبهالي علي مج
احم ايه الاحراج دا -خلاص سيبك من دي ....خدي الورد دا لست الورد
&ابقي اشكريلي سليم علي الهديه
ايه دا في ايه!  دي لو بتقرا افكاري  مش هتعرف ..
روحت خبطت علي بيت عمي مهو مستحيل يكون سليم قايلها ..اذا كان احنا الاتنين متفقين عليها يقوم يقولها
=ايه يماما هتكسري الباب
-انا مخبطش علي الباب رنيت الجرس وطلعتله لساني
=حرقتيه ..حرقتي الجرس
-ادخل ولا هتسبني واقفه علي الباب
=ادخلي يا لمضه
-ماما عرفت انك الي جيبت الورد
=ازاي يعني دا مفيش غير احنا الاتنين الي عارفين
-تكونشي كانت بتتصنت علينا
=هي امك فاضيالك عشان تقف تتصنت عليكي ياشيخه اتوكسي
-تكونشي بعتت ناس تراقبنا واحنا منعرفش
=بتسمعي افلام هندي كتير انتي علي فكره
-تكونشي جابت ست ام احمد تقرا الفنجان وعرفت
=لا وسعت منك اوي
ضحكت بغباء-وفي الاخر زهره الي قالتلها
سكتنا خمس ثواني نستوعب وفي وقت واحد
-زهرااااا
=زهراااا
دخلنا عليها الاوضه لقيناها ماسكه الفون واول ماشافتنا طلعت علي السرير سليم مسكها من قفاها
*لو قعت احلفلك من هنا للصبح اني مقولتش لمراه عمي حاجه مش هتصدقني صح
=انتي عارفه انا ممكن اعمل فيكي ايه دلوقتي
ببكاء مصطنع *اخويا حبيبي انت اكيد مش هتعمل حاجه صح
=طبعا
سابها وبصيلي -منتي لو بتفكري في هدايا لامك مكنتيش اتحطيتي في الموقف دا هي مش ذنبها ان عندها بنت غبيه
انا واقفه مصدومه واخده رياكشن احمد الخولي بالظبط
الاتنين ماتوا من الضحك
-لااا دا كدا كتيررر انا راجعه البيت بكرامتي
زهره مسكتني *الباب من هنا
-لااا انا عايزه اروح من هنااا
-واوعوا كدا محدش يمسكني عشان انا مش هرجع في قراري
كتم ضحكته =علي فكره محدش ماسكك
بصيت لقيت هدومي شبكت في مفرش التربيزه الي جنب الباب
هو الجو حرر كدا ليه!
سبتهم وهم نايمين في الارض من الضحك وروحت البيت انا اتهانت اوي النهارده دي كرامتي لو اتكلمت كان زمانها مسحت بيا بلاط السلم عشان احس بيها دخلت وعملتلي فنجان قهوه ودخلت البلكونه وفتحت روايه وحطيت الهاند فري  وقعدت اقرا فيها وانا مندمجه
=ليل ...ليييل...ليييييييل
اتفجعت وكنت هكب القهوه بصيت لقيت سليم في البلكونه بتاعتهم لازقه في البلكونه بتاعتنا
-انت بتعمل ايه هنا
=بعمل تان في الشتا....هكون بعمل ايه يعني
-طيب
=ريحتها حلوه
-تشرب قهوه
=الله علي الادب
-خلي امك تعملهالك
=الله علي قله الادب
=يبنتي اعملي احترام اني راجل وبشنب
-فين دا!
=الشنب؟!
-لا الراجل!!
سبته مصدوم ودخلت ...يسسس رديت حقي .. اكيد كرامتي مبسوطه دلوقتي صح ..
كرامتي: هايل يا فنان

&جهزي نفسك  عشان سليم هياخدك  وتروحوا تجيبوه حجات من وسط البلد
-ليه دا وماخدش زهره ليه
&اولا زهره في الكليه ومش فاضيه وثانيا مش انتي كنتي نفسك تخرجي واهي جاتلك الفرصه ولا اغير رايي
-لالالا وانبي اسبتي علي رايك
جريت دخلت ولبست فستان نبيتي وخمار اوف وايت وكوتش ابيض

طلعت لقيت سليم واقف مع ماما
-جهزت
بصيلي ثواني =يلا
ركبت جنبه في العربيه -ها بقا هنروح فين
=معرفش لسه.... الي انتي عايزاه..اليوم يومك
-ايه دا مش انت قولت انك هتجيب حاجات
=لا انا قولت اخرجك عشان بقالك كتير مخرجتيش
-هيييييي شكرا اخويا حبيبي
اضايق وبصلي بغيظ ومشينا
سليم دا يبقي ابن عمي واحنا ساكنين في بيت عيله انا عارفه انه بيحبني. ...وانا بحبه بس هو ميعرفش.... بس انا بحب اغيظه.. بحب اوي فتره الي قبل الاعتراف الي هو كل واحد يستعبط علي التاني ويعمل نفسه مش فاهم... بتسلي اوي
=ها مقولتليش هنروح فين
-وقف العربيه
=ليه!
-وقف العربيه بس
وقفها ونزلت وهو نزل كمان
=هنعمل ايه هنا
-هنتمشي ...مش بحب انا اننا نقعد في مكان واحد ونخنق نفسنا خلينا نمشي احسن
=الي انتي عايزاه
قعدنا نتمشي ونتفرج علي المحلات والبحر ونسمع صوت الترام دا كفايه ريحه البحر. ...الله لو نفضل طول العمر نمشي في طريق من غير نهايه مع الناس الي بنحبهم دي تبقي عندي بالدنيا
-الله بص هناك
كان في اتنين شكلهم كاتبين كتب كتاب او مخطوبين وبيعملوا سيشن علي البحر وشكلهم بيحبوا بعض
=وانتي منفسكيش تبقي زيهم
-اممم....لا
بزعل =ليه
بحماس -انا استثناء....مش عايزه حاجه شبه العاده... عايزه حاجه مش طبيعيه اعملها في يوم زي دا فاهمني
=اه فاهمك ...طب انتي بقا عارفه الشخص الي هيعملك كدا.
عملت نفسي مش واخده بالي -عايزه ايس كريم
راح للعربيه الي شاورتله عليها وجابلي انا وهو
=خدي.....ها بقي قوليلي قابلتي الشخص دا
-اممم ..
=قابلتيه!؟
-لا انا بتكلم علي طعم الايس كريم...جميله
اتنرفز ووقف قدامي وحاول ياخد نفسه =ليل انا بحبك
بصتله -وانا كمان
فرح -بجد!؟طب مقولتيش ليه من الاول
=اقولك ايه ...اقولك اني بحب نفسي ...مطبيعي اني احب نفسي
سيبته ومشيت وانا ماسكه ضحكتي بالعافيه وقف قدامي تاني ومسح علي وشه واستغفر بيحاول يهدي نفسه =ليل انا بحبك ...ومتستعبطيش عشان انتي عارفه من زمان ...وانا قايل لعمي من الاول بس حبيت اعرف الاول رايك ..حتي اعمليلي اشاره بس علي موافقتك ....مالك ساكته ليه
كنا واقفين في الشارع قدام مكتبه بصيت عليها وابتسمت
-اشتريلي كتاب وانا احبك

قابلتك يومها كُنا اتنين . ودلوقت أنا إنتِ .💛✨
#وتيني
#ليل_سليم
#شهد_بسيوني