ليل سليم

اسكربت 💛

=شمس فين القميص الي قولتك أكوهولي عشان عندي أجتماع مهم النهارده
بصيتله بتوتر-ااا ..آآه طبعا ..ثواني هجيبهولك
دخلت الأوضه ، يتري لو عرف إنه أتحرق هيعمل فيا أيه؟ ، روحت فتحت الدولاب وطلعت القميص وبصيت مكان الحرق لقيت حاجه بسم الله ما شاء الله فتحه تسيع راسي ،بصيت في الدولاب تاني بطمن علي الشنطه الي مجهزاها عشان أخد كرامتي فيها واروح لأهلي،  أهدي يا شمس مش لازم يشوفك خايفه الأسد بينقد علي الفريسه لما يلاقيها خايفه،  إنتِ تتشجعي كدا وترميله القميص في وشه كدا وتقوليله لو طلقتني هطلقك ، حلوه دي ، روحت فتحت الباب لقيته لسه هيدخل خبيت القميص ورايا
=فين القميص؟
-هدهولك بس عايزه أقولك حاجه
=قولي بسرعه
بصيت في الأرض  - سعات الواحد بيبقي مضغوط وبيكون عقله فيه حجات سيكولوجيه بتخلي العقل مش واعي وممكن يغلط، وإن الإنسان مش معصوم من الخطأ و..
ربع أيده قدامه=مكوتيهوش؟
بدات أعرق -ياريت
أتكلم بنفاذ صبر وهو رايح يجيب حاجه
=أخلصي مش فاضي هتاخر
ياربي هجيبهاله أزاي دي،  طب ،طب أرميه واجري ولا أعمل أيه
بصلي لما لقاني ساكته ورفع حاجبه
=مش قولت بسرعه ؟
فضلت ساكته راح مقرب مني،  رجليا مالها سيبت كدا ؟!، سحب القميص من ورا ضهري وفرده قدام عينه كدا بقينا نبص لبعض من فتحه القميص ، يعيني دا اتصدم
أتكلمت بسرعه -فدايا القميص،  فدايا ألف قميص
أتكلم بنرفزه =وأنا هروح الشغل أزاي بقا ، مفيش وقت أني أكوي قميص تاني
نفخ وراح طلع قميص  تاني ولبسه من غير ميتكوي وأخد المفاتيح ومحفظته وراح لباب البيت
-أقفل أخر زورارين بس لتستهوي
بصلي بغضب روحت بعتله بوسه في الهوا
-في رعايه الله
هبد الباب وراه ، قعدت أتنطط بفرحه ،أحسن عشان الحلاوه الزياده دي بتجيب نسوان وأنا مقبلش كدا علي جوزي أبدًا وتحديدًا بنت التيت الي معاه في الأجتماع بتاع النهارده الي لما روحتله هناك لقيتها عماله تبحلقله دي والله أروح وأشدها من شعرها عشان تبص لواحد متجوز ومش أي جواز دا متجوزني أنا،  الهي تتشكي ف معاميعك يا بعيده يالي خلتيني أزعل جوزي حبيبي ، منا برضو لازم أصالحه بعد ميجي، روحت المطبخ وعملتله الأكل الي بيحبه،
وبعدين روحت كلمت أسماء عشان تلاقي حل معايا مهي صاحبه فكره القميص
-أصالحه أزاي يا فالحه
=بصي بقا إنتِ لما يجي تكوني محضراله أكله هو بيحبها
-فكرت فيها قبلك قولي حاجه تانيه
=اممم أدلعيله شويه
-بنت !عيب
=طب بقولك أيه متبعتيلي من ورق العنب الي بتعمليه عشان أنا هفتانه ومش هعرف أفكر غير لما أكل
-وإنتِ عرفتي منين إني عملت ورق عنب
=شمس فوقي إنتِ مش بتعرفي تعملي غيره
-أيه دا صح
=طب أبعتيلي بقا
زعقت -أسماء متنرفزنيش أخلصي قوليلي علي حل قبل ميجي
=للأسف الأسيف معرفش
-وحياه أمك!
=مالها أمي
-أسماء أنا لو قطعت علاقتي بيكي هتزعلي؟
=أوف كورس نوت بيبي
سمعت صوت مفاتيح أكيد هو -طب أقفلي عشان جيه
قفلت معاها من هنا وشميت ريحه غريبه من هنا، أحيه ورق العنب! ،جريت علي المطبخ طلعت ورق العنب من الفرن والدخان طلع معاها ضحكت زي الهبله
-هطلق
سمعت صوت أحمد ورايا =هو إنتِ مش نافعه في حاجه خالص كدا
منين يا كرامه وأنا أشتريكي، طب أنا موقفي أيه هنا بقي، حرقتله القميص والأكل كمان الله أكبر عليا بجد ربنا يحميني
طلعت نص راسي من المطبخ وأنا هموت من الكسفه
-أتغديت برا؟
أتكلم وهو مديني ضهره =اه الحمد لله
طب أيه، روحت أتصلت بأسماء
-أسماء ألحقيني أنا حرقت الأكل
=لولولولوي هشوفك في المحكمه أمتي ؟
-منك لله يا أسماء إنتِ الي لهيتيني عن الأكل
=وأنا مالي يا لمبي
-أدي أخرت الي يمشي وراكي،  ألحقيني بسرعه قبل م أطلق
=روحي أتاسفيله
-نعم!  دا لو أخر حاجه ممكن أعملها مش هروح أتاسف هو أساسًا الي غلطان أزاي يسمح لحتت بت زي دي تبصله
=بت!  أسمها باشمهندسه رشا هانم يا حيوانه وأتكلمي بأسلوب أحسن من كدا عنها ، إنتِ مشوفتيش شكلها عامل أزاي
-كل دا صناعي يا ماما
=يعني مش طبيعي؟
-تؤ تؤ صناعي
=أنا لو منه أساسًا أروح أتجوزها دي حته قشطه كدا
-أسماء إنتِ مش بتطبليلي ليه! 
=روحي أتأسفي لجوزك بس وهطبلك بعد ما تصالحيه او في بيت أهلك مش ضامنه
بما إن كرامتي ناقحه عليا فأنا مستحيل أروح أتاسفله ،وعشان أنا بسبت علي قراراتي وأنا أخدت قرار حازم في الموضوع دا، مش هروح وأتأسفله،  دا مين دا أساسا الي أتأسفله ،  مكانش حته قميص ولا أكله الي تخليني أروح أتأسفله