ليل سليم

اسكربت 💛

تشربي قهوه"
دي كانت اول كلمه يقولها او كانت بدايه لكلام كتير حكيناه كان بدايه لاول نطفه حب تتزرع جوه قلبي يمكن هو جالي عوض ليا عوضني عن حجات كتير عن خزلان ايا كان بقي صحاب او أهل جالي جبر لخواطر كتير فيا اتكسرت تعرفي يا زهره مكنتش اعرف ان الحب جميل للدرجادي ضحكت بحزن بس وجعه وحش اوي
-قومي بقا يا ليل هتتاخري علي اول يوم جامعه
"حاضر قايمه اهه "
قومت غسلت وشي بصيت في مرايه الحمام ببص علي وشي وشكلي الي بقوا باهتين والسواد الي تحت عيوني وبخبيهم بكريم عشان محدش يلاحظ دايما بحلم بصديقه تكون جنبي ايوه بتخيلها فيها ايه مدام الي في الحقيقه بيئذو كدا اتخيلها اقولها احكيلها عن الي بيحصلي ممكن تحس بيا علي الاقل مش هتمشي بس بصحي بعديها علي كابوس... الحياه دي اكبر كابوس والله لبست عشان اجهز لاول يوم في جامعه بس في سنه رابعه  كليه طب
روحت الجامعه وزي كل مره بروح اقعد لوحدي بعيد عن المه انا مش معقده ولا كئيبه بس مش حمل اني اصاحب حد ويفارقني  كلنا فترات في حياه بعض انا لما بحب شخص بهتم بتفاصيله بهتم بكل صغيره وكبيره فيه انا من النوع الي بيدقق في التفاصيل وشايفه ان دي ميزه بس بتئذي لما تحس بالرفض من الشخص الي قدامك فليه اجيب الاذي لنفسي مدام هما هيبعدوا فميقربوش احسن. خلصت اليوم عادي روحت للبحر متعوده اروح احكيله او اشكيله منه سبب عذابي وقهرتي طب هو انا ليه مش بنساه طب ليه هو عايش جوايا مش بيقولو البعد بيعلم الجفا طب ليه انا لسه بحبه او بالاصح لسه واحشني ومستنياه .....كل يوم بيعدي عليا من غيره بحس اني من غير روح اخدت نفس وطلعته يمكن يطلع معاها بس شكله مش هيطلع غير مع طلوع روحي
-ممكن اقعد جنبك
بصيت لقيت بنت تقريبا في سني
"اكيد اتفضلي "
قعدت -ممكن نبقي صحاب
-بصراحه انا اول ما شوفتك حبيتك علي فكره  انا زميلتك وانا الي اخدت منك القلم في المحاضره
"معلش مخدتش بالي "
-علي طول بشوفك سرحانه انا معنديش صحاب زيك كدا بس تعرفي ممكن نكون مختلفين شويه يعني ممكن تكوني انتي هاديه وعاقله وانا طايشه ومجنونه بس هنكمل بعض
"بس انتي هتمشي ومش هتكملي معايا بصي بلاش احسن انا متاكده انك هتمشي زيهم "
سكتت شويه وكلمتني وهي باصه علي البحر
-بصي انا معاكي ان الانسان دايما بيتعرض للخزلان من اقرب ليه وانا عارفه الاحساس دا عشان مريت بيه بس مش هنفضل حابسين نفسنا الدنيا دي محتاجه الي يساندنا في الطريق يمسك ادينا ونستقوي بوجوده فيها ايه لما نجرب مش يمكن نداوي جروح بعض
كلامها لمس قلبي ممكن عشان محتاجه حد جنبي محتاجه الي يسمعني مليت الوحده ......الوحده لما بتتفرض علينا اصعب من اننا نختارها عدا شهر. وهي قربت مني اكتر بجد هي صاحبه تتحب.... معايا وقت مبحتاجها هي كان عندها حق لما قالت ممكن نداوي جروح بعض... بتهون عليا كل حاجه
-يلا يبنتي هنتاخر
"حاضر حاضر اهه "
-اوباااا ايه الجمال دااا دا احنا بقينا جامدين
"بس يازفته احنا في الشارع "
-احنا هنبتتدي منين بقا عشان انا جعانه
" انا خايفه لتاكليني اهدي يماما مش كدا احنا لسه في بدايه اليوم "
-ها هنروح فين
"معرفش "
-في كافيه جديد علي البحر لسه فاتح جديد
"طب مستنيه ايه يا زهره "
تكلمت بحنق -انا مش عارفه انتي ليه بتناديني زهرا قولتلك ميه مره انا اسمي اسمااااء اسماااااء اغنيهالك
ضحكت " مممم ممكن عشان انتي فعلا الصديقه الي كنت بحلم بيها وبتخيلها "
-كنتي بتحلمي بيا!؟
"اهاا يستي كنت بتمني دايما يكون عندي صديقه الي تبقا بالنسبالي سند وبير اسراري الي تكون معايا وقت ما احتاجها فتخيلتها وبقت تظهرلي في الحلم وسميتها زهره وكنت بحب اوي فتره النوم عشان اروح احكيلها "
-طيب ياسيدي شكرا
"تصدقي انا غلطانه اني بحكيلك يلا عشان نطفح "
-نطفح؟! ليل انتي بيئه ليه؟!
-عشان معاكي ياروحي هخيو هخيو هخيو اسمااااء اسمااااء استني بس متبقيش قفوشه كدا 
اول مادخلنا الكافيه  وتبص للبحر تحس بالهدوء وهوا البحر يردلك الروح كدا و الديكور بتاعه جميل جدا  وراقي
-هييييي سرحتي في ايه
ابتسمت بحزن "افتكرته لما كان بيقولي انا نفسي افتح كافيه علي البحر عشان انا بحب البحر  ويسمي الكافيه ليل سليم كان بيقولي اني شبه الموجه بمشي مع نفس النغمه (دمعت)  وحشني اوي "
-تفتكري هيرجع
"معتقدش ....انا غلط غلط كبير اوي لما مصدقتوش غلط لما صدقت صحبتي ومصدقتوش غيرتي عمتني صحبتي..او الي كنت فكراها صحبتي وقعت مبينا... قالتلي ان هو خاني معاها وورتني شات مبينها ومبينه وهو بيقولها بيحبها وانا الغيره عمتني ورحت هزقته ورميت الدبله في وشه. حتي مسمعتوش مكنتش حاسه بحاجه ساعتها غير بنار بتاكلني  بعديها سافر..... ومن ساعتها اتقطعت اخباره عني  سمعت. بعديها صحبتي وهي بتتكلم في التلفون وهي بتقول ازاي وقعت مبينا وهي سرقت الخط وهو افتكر انه ضايع ونجحت انها وقعت مبينا انا السبب ازاي موثقتش فيه "
-خلاص خلاص متعيطيش اهدي
"مش قاده يا زهره مش قادره علي بعده بعده بيموتني "
"ثانيه كدااا ...دي ريحته. ...انا متاكده ان دي ريحته "
-استني يا مجنونه انتي بتعملي ايه بدوري علي مين
"انا متاكده يا زهره ان دي ريحته هو قريب مني "
-اهدي يا ليل يمكن يكون حد حاطط من نفس البرفيوم ....
"يلا نمشي انا اتخنقت من المكان يا زهره "
-طب يلا
خرجت وانا حاسه ان في جبل علي صدري مش قادره اخد نفسي ليه حاسه انه قريب مني خلاص اصحي يا ليل هو سافر ومش هيرجع. فوقي مش هيرجع وكل دا بسببك بسبب غبائك انتي الي ضيعتيه
-استني يا ليل بصي
بصيت مكان مشاورت "مستحيل "مش معقول!!!!!!!! اسم الكافيه! (ليل سليم) حسيت ان الزمن وقف وضربات قلبي عليت حسيته هينط ويخرج ويروحله معقول يكون رجع!  يكون موجود. معقول هشوفه بعد 3سنين غياب يترا شكله اتغير ولا لا
=لا يستي صدقي
دا صوته! هو مال الهوا اختفي كدا ليه بصيت ورايا لقيته! يربي هي روحي رجعتلي امتي!؟ وشه باهت بس لمعان عينه لسه موجود لابس قميص ابيض الي انا بحبه وحاطط ايده في جيبه مش مصدقه
"سليم هو انت رجعت ولا انا بحلم "
عيونه ضحكت =لا مبتحلميش دا حقيقه
"انت بتتكلم جد يعني ...يعني انت مش خيال ولا انا.."
=اهدي اهدي مالك انا معاكي اهه والله
"قول والله "
ضحك=اه والله
"طب..."
=وحشتيني
"بس.."
=وحشتيني
"يعني مش هتمشي "
=دا انا هموت لو بعدت عنك تاني ويلا بقا عشان ماما وبابا والمازون مستنيينا"
"انت بتقول ا..."
=ليل انتي رغايه ليه
ضحكت "عشان معاك ويك ويك ويك خلاص خلاص متبصليش كدا "
"طب استني زهره هي فين صح "
=متخافيش سبقتنا علي البيت
"يعني انتو كلكوا متفقين عليا "
=اه ويلا بقااااا
بارك الله لكما وبارك عليكما وجمع بينكما في خير 💛

=اليس المُنادي في اللُغه منصوباً ، فمالي كُلما ناديتكِ لا اُفكر الا في ضمكِ 💛✨
"يعني ايه "
حضني =يعني كدا
"قهوتي اليوم بنكهة أمان، بعبق طمأنينة أنت زرعتها "
ضحك =يعني ايه
بمشاكسه "تشرب قهوه "

‏دعني أقولُ بكل اللُغات التي تعرفها والتي لا تعرفها أُحُبكَ أنتَ 💛✨
#وتينى
#ليل_سليم
#شهد_بسيوني