ليل سليم

اسكربت 💛

-كرييييييم بالله خودني معاك
&هو انا رايح اتفسح
-بالله يا كريم خودني معاك بقالي كتير مخرجتش م البيت ولو مخرجتش هكتئب يرضيك اكتئب
&اكتئبي ولا تولعي انا مالي
بيحبني اوي اخويا دا
-شكرا يارجوله ...ابقي جيب سيره زهره كده او اني المحلها بحاجه
&احم..ليل حبيبتي انتي كنتي عايزه ايه من شويه
-عايزه سلامه نظرك يا حبيبي
&خلاص هاخدك معايه واحنا بنختار الهدوم ابسطي اهه
-لا غيرت رايي
&خلاص هتيجي معايه وخودي خمسين جنيه
رفعت له ايدي بمعني زود
&هتيجي معايه وخودي 100جنيه والبسي السويت شيرت بتاعي
-....
&خودي السويت شيرت لمده اسبوع
-.....
&خودي السويت شيرت خالص
-ايوه كداا ...مكان من الاول لازم اوريلك العين الحمره
بهمس&استغلاليه
-بتقول حاجه
بغضب &مبقولش مبقولش

-اهه جاهزه
بغضب&بت اتظبطي كدا انا مش هقعد اضرب اي حد يعاكسك
نظرت الي نفسها -يبني انا لابسه الفستان الي ان بتحبه والخمار طويل وحلو اهه في ايه
من تحت ضرسه &مهو عشان حلو ....شكلي هلم من وراكي الجثث... يلا وقام بتخطيها
بهمس-نمنمنمنمنمي
قام باحاطه زراعه خلف عنقها وجذبها اليه فضحكت بمشاكسه ..... اخويا دا اجمل حاجه حصلتلي بجد هو ابويا وامي وصحبي وكل حاجه في حياتي... عوضني عن حنان امي وابويا الي ماتوا وانا صغيره .....عمره محسيت في حياتي اني من غير اب او ام وهو معايا ...بيغير عليا جداااا وكل اما يكون في عريس متقدم وكدا يقعد يطلع فيه عيوب عشان ارفض خايف لحد ياخدني منه ....حتي هو مش راضي يتجوز غير اما انا اتجوز عشان مبقاش لوحدي او يقصر من ناحيتي ....معرفش ايه التناقض دا بس مش مهم المهم انه معايا ومش هيسبني ابدا

بحماس-ها بقا هنبتدي منين
&امممم الاول هنروح المول نجيب هدوم وبعد كدا هنتمشي ع البحر شويه
صفرت-اوعي بقا شكلنا هنخربها

&انا لو سمعت صوتك واحنا في المحل هقتلك ماشي المحل هيبقا فيه رجاله
اشارت له بيدها علي فمها اشاره السكوت
دخلنا قعدنا نتفرج وكل اما تعجبني حاجه اخدها عشان يلبسها في البروفه
قال بهمس&يلهوي ايه كل دول انتي جبتيلي هدوم تكفيني 5سنين قدام
بنفس الهمس-لا اصل انا مش جايبه ليك انا جيباه ليا انا كمان
ضيق عينه &هو انا ليه شاممه ريحه انك بتنقي الهدوم عليكي مش عليا
-يبني دول كانهم مرسومين عليا
&يارب صبرني
هو ليه احنا كبنات بيكون لينا هدوم كتير اشكال واللوان وبعد منجيبها ميعجبناش ...غير الولاد بيكونوا جايبين حجات بسيطه بتبقي حلوه ...دا قمه الشياكه عندهم يلبسوا قميص فوقيه بلوفر ... ومعندهمش حته ايه دا!!! انت جيبت القميص دا منين ولا ايه دا!!! البلوفر دا رخيص يعع وهو اصلا يكون ب400جنيه ولا عندهم حته ايه دا!!! انت تسريحه شعرك دي قديمه اوي ..دا لو صاحبهم ماشي من غير راسه مش هياخدوا بالهم اصلا .... هو انا ليه مش ولد!؟

&ايه دا يا جدع انت هنا بتعمل ايه!
ابتسم=اكيد يعني بعمل الي انت بتعمله
همست -ويك ويك ويك قصف جبه معتبر
نظر لها فقد سمع همسها
&اعرفك دي اختي ليل ....ودا ياليل سليم صاحب عمري
ابتسم=اتشرفنا
ابتسمت ابتسامه بلهاء -انا اشرف اكتر منك
=ايه!!!
-ايه انت!
كتم ضحكته &سيبك منها ...يلا انا هطلع احاسب
=وانا كمان
مشيت وراهم زي الهبله وهم عمالين يتكلموا عن ايام الجامعه ويستعيدوا ذكرياتهم وانا كيس جوافه مبينهم بسمع وخلاص ...مسكت ايد كريم علي اساس انه يفهم اني زهقت واننا نمشي لقيته بصلي
&في ايه يا ليل بتتكي علي ايدي ليه
احرجني ابن التيت
-لا ولا حاجه
&ماشي
ماشي!!! مشش في ركبك يبعيد ....روحنا وقعدنا في كافيه وهم لسه بيتكلموا وانا مربعه ايدي ومبوزه وكل اما سليم يبصلي ببصله بغضب علي اساس انه يفهم انه تقيل ويحس علي دمه بس شكله معندوش دم حرفيا
بنرفزه -انا رايحه الحمام
&تمام ..متتاخريش
ماشي ياكريم انا هوريك انت وصاحبك.... روحت الحمام وظبط الخمار وكدا رجعت لقيت كريم مش موجود ولقيته واقف برا بيتكلم في التلفون والسمج دا قاعد وبيبتسم زي الاهبل كدا ...قعدت ولا كان. في حاجه
-بقولك ايه بقا عشان انت جيبت اخري
شاور باستغراب علي نفسه =انا!
-لا امي ...بقولك ايه انت تاخد بعضك وتخلع عشان اليوم دا بتاعي انا والمفروض يخرجني.وانت جيت وكتمت علي نفسنا
=وان قولت مش ماشي
-بص بقا عشان انا استحملت كتير ودا عكس طبيعتي انت تمشي بالذوق والا...
رفع حاجبه وقال بخبث =والا ايه؟
اتوترت -وا..والا
جه الويتر وهو بيحط فناجين القهوه بعد ما مشي الويتر جه كريم وقعد
&معلش اتاخرت عليكم كانت مكالمه مهمه
-لا اصلا سليم كان بيستاذن عشان يمشي صح؟
وبرقتله
=لا محصل...اااه
خبطه في رجله من تحت التربيزه
&في ايه
بصلي وهو متغاظ =لالا مفيش دي قطه وخربشتني
&فين القطه دي
=لا تلاقيها مشيت
=ها كنا بنتكلم في ايه ....اه بقولك ايه رايك نروح ال....
لا دا بارد ومش هيمشي بالزوق روحت ضربت الترابيزه من تحت راحه القهوه مقلوبه عليه قام فجاه وهو مسروع واخد ناديل من علي التربيزه وبيحاول ينضف نفسه ...احسن يستاهل
&تعالي نروح الحمام تنضفه
مسكت في كريم -لا احنا لازم نمشي بقا عشان الوقت متاخر
برقلي كريم علي اني اسكت وراح معاه وانا قعدت علي التربيزه دا ايه دا يا ربي اهو عكنن اليوم علينا الله يعكنن عليك يا اخي ..رجعوا بعد منضف هدومه وكان بيبصلي بغيظ روحت بصيتله بتحدي
بخبث=ايه رايك نركب العربيه ونرجع ايام زمان
ضحك&اشطا يلا
ايه دا دول مشيوا وسابوني
-لوتفي استني يا لوتفي
ركبنا العربيه وهم قعدو قدام وانا قعدت ورا بصلي في المرايه بمكر معرفش ايه البصه دي.....يلهوي ايه دا دا بيسوق بالعربيه جامد
-بطئ العربيه شويه ونبي
المشكله انه شغل اغاني عاليه عشان كريم ميسمعنيش وانا مش لاقيه حاجه امسك فيها صرخت جامد فيه عشان يبطئها وانا مرعوبه من سرعه العربيه مسمعش وكريم كان مشغول في التلفون بيشوف حاجه .....عيطت وانا مرعوبه انا بخاف من سرعه العربيه روحت ضرباه علي كتفه راح موقف العربيه وقفل الاغاني روحت طالعه من العربيه وروحت علي جنب ورجعت سرعه العربيه ولفها كذا مره خلي بطني تتقلب وادوخ لقيت كريم ومسكني من كتفي بعد مخلصت واداني مايه
&انتي كويسه ...فيكي حاجه
-....
&ردي عليا متجننيش
اخدت منه المايه وغسلت وشي وشربت شويه
-عايزه اروح
&طيب يلا
=الاول نوديها المستشفي نطمن عليها
بصتله بغل -ملكش دعوه
اتحرج طبعا وركبنا العربيه ومشي بيها عادي انا كنت دايخه ومش قادره اتكلم سندت علي الشباك ونمت