عشق الشيطان : باللهجة التونسية

في ضيافة العصابة : (1)

ما تقلّيش بش تقعد بحذايا نهار كامل ؟؟
- علاه ، بش نقلقك
- لا سي طلال ، أنا عليك إنت ، قالت دلال
- أنا مايهمّكش فيّا بطبيعتي ما نخدمش ، جاوب طلال
- كيفاه ، موش قلت تخدم شرطي
- أي ، أو توّا مضروب ما نخدمش ، إنت ما تتلهاش بيّا برشا ركّز على خدمتك كالعادة
- باهي ، أنا هاني بش نهز الوراق هاذم للأولاد بش يراجعوهم
- أو أنا نمشي نجيب قهاوي ، آش رايك ؟؟ ، قال طلال
- باهي مشات معاك ...
أو مبعد خرجوا ، أو عينين زهرة كانت تبّع فيهم ، أو مخها يخدم   أو قررّت بش تضرب عصفورين بحجرة ، تطّلع دلال سارقة أو طلال خاين قال شنوّا يخون في ليلى خطيبتو مع دلال ... أو مبعد مشات لبيرو دلال بعد ما تأكدت إلي البلاصة فارغة  ، حلّت الباب بالشويّا  دخلت تلوّج على الساك  ، و لقاتو حلّتو هيا مدّت المنڨالة بش تحطها أو الباب تحل ، ودخل ....
**********
- عسلامة سي وليد
- مرحبا حليمة ، بابا لنّا
- لا
- وين مشا عالصباح ، قال وليد بتعجب
- سي وليد ، سي عادل ما باتش لنّا البارح
- كيفاه ، وين مشى ، ما قالش ؟؟ قال وليد بخوف
- قال إلي بش يتمشّى شويّا البارح، أو من وقتها ما رجعش
- ياربي الراجل وين مشى ، قال وليد
أوخرج ماشي لرْجالو ،  نادا محمد
جاه يجري أوقلو :- نعم سي وليد
- ماريتش بابا وين مشى ؟؟
- لا سيدي
- باهي نحبّك تمشي تشوفو في دار نرجس أختي ، الله أعلم بالك مشى بحذاها
- حاضر سيدي . قال محمد و مشى ... و قعد وليد يخمّم ، زعمى وين ينجّم يمشي بوه ؟؟
**********
في بقعة مسخة ظلام أو باردا ، دخلو برشا رجال يظهر من هيإتهم إنهم مجرمين ، قال واحد منهم
- آ. هايلة البلاصة هاذي 
- عل أخّر ، خصوصا إلي بش نفرحو فاها بضيافنا
- هههه ، بالطبيعة ، هيا دخلوه
أو دخلو  برشا رجال أخرين جايبين معاهم واحد شايب  مكتّف مغمضينلو عينيه وقفوه في الوسط ، أو جاه الزعيم متاعهم أو قلّو  :- حضّر روحك عادل ، اليوم الحساب ، أو كل شي بش يخلص منّك او مالكلب محمد
- حرام عليك الراجل ميّت ، قال الراجل المكتف بصوت مبحاح
-موش إنت إلي باش تعلمني يا ******، يا ***** ، و تزيد كلمة  بركا ، ما تحل عينيك كان في دنيا أخرى ، دار لرجالو أو قلهم ، هزو أربطوه عالكرسي ، أو سكرولو فمّو ما نحبّش نقتلو قبل ما يجيو  ضيافنا الثاني و الثاث  أو نفرحو بيهم مع بعضهم ههههههه .....
**********
- فاش تعمل بساك الطفلة ؟؟
- أنا ، آ.آ.آ ، ما عرفتش زهرة شنوّا تقول ، أو بالخوف طيحت المنڨالة من يدها
- شنوّا هذا ، ما تقلّيش كنت تسرق ؟؟ قال طلال أو هوّا حالل عينيه عل أخّر
- لا و الله لا ، قالت زهرة أو ولاّت تبكي
- ما لا باش تفسّر إلّي كنت تعمل فيه تكلّم ، صاح فاها طلال
صوت من وراهم قال
- طلال ، آش فمّا شبيكم ؟؟
- آسر الطفلة هاذي كانت تحب تسرق دلال 
- كيفاه ؟؟، قال آسر بتنرفيز
- تكلم عاد برّرلو ، شبيك سكتت ، عيّط طلال على زهرة
-شنوّا ، آش فمّا صياحكم واصل حتى اللّوطا ، قالت دلال
- تفرّج ، تفرّج طلعو يخدمو معاك سرّاق ، قال طلال أو عطى زهرة نظرة إستحقار  ، في الوقت إلي كانت فيه الأخرى تبكي أو موش منجما تتكلّم
- طلال ، عيشك خلّي الطفلة تتكلم ، مايجيش هكّا ، شوف زهرة في يدّك حل واحد إنك تحكي الحقيقة ، فاش كنت تعمل لنّا ؟؟ سألها آسر
-أنا ، أنا ... ما نجمتش تكمّل أو طرشقت بالبكاء
- باهي إيجا معايا للبيرو متاعي نحكيو بالباهي ، قال آسر
- ملاّ حثالة تسرق في صاحبتها !! ، كان الغدر و الخيانة ، قدّاش تقزّز ، قال طلال بٱستحقار
- طلال  ، عيشك يزّي ، ياخي موش إنت إلي تقول المجرم بريئ حتى تثبت إدانته ، كي تطلع غالط في حساباتك أو فهمت بالغالط ، جاوبو آسر
- مستحيل نطلع غالط ، وتوّا ترى بعينيك أو تسمع بوذنيك
- أدخل زهرة ، أدخل ، دخلت زهرة أو البكاء متاعها كل مرّة يزيد ، سكّر الباب قلها آسر أو توا فسّرلي الحكاية الكل
- و الله ما نقصد سي آسر ، مانيش سارقة
- باهي أحكي خلّي نفهم الحكاية
- حاضر " أو قتلو كل شي ، كيفاه بعثتها مريم أو عطاتها المنڨالة بش تحطها في ساك دلال أو تطلع سارقة "
- مريم ، encore une fois، مريم ياخي وقتاه بش تعتقني هالمخلوقة ، صاح آسر
- و إنتي ، قال لزهرة ، تمشي تلم حوايجك أو تخرج منّا أو ما عادش ترجع ، ريت خليقتك ما عادش نحب نراها ، فيسع ، خرجت زهرة بدموعها في عينيها ذليلة رخيصة تمشي أو راسها في القاعة
- ريت ، آش قتلك ، قال طلال أو نظرة الإنتصار في عينيه
- دلال ، قال آسر ، زهرة كانت بش تحطلك المنڨالة في ساكك أو تتّهمك بسرقتها
- كيفاه !؟؟ قالت دلال بصدمة
- إلي سمعتو  أو أنا هاني طردتها ، أو نطلب منّك السماح في بقعتها ، الله غالب شي أقوى منّو الواحد ، قال هذا وخرج أو خلّى دلال موش مصدقة ، صاحبتها  عِشرة سنين بيناتهم  حبّت تردها سارقة ، علاه ؟؟
**************
- قلّي إلي لقيتو محمّد
- لا سي وليد  موش لنّا
- ياربّي الرّاجل وين مشى ؟ نحس في راسي بش يتكسّر ، فجأة جاه ميساج مكتوب فيه " كان تحب بوك يرجعلك إيجا وحدك للعنوان هذا ، أو رد بالك تنسى' وحدك ' "
تصدم وليد دوبا ما قرا الميساج أو مبعد مشى يجري أو ركب في كرهبتو ،  يسب أو يلعن في النهار إلّي خلى فيه بوه من غير حماية ....
- مثبّت قراى الميساج
- أكيد متأكّد ألف بالمئة
- أو توّا بش إيجينا ولدك العزيز يا عادل  ، الشيطان الصّغرُون نكملو نفرحو بيه معاك ، آه بش يتعدّى أحلى نهار في حياتي أو أنا نشوف في أعدائي الكل تتحرق ، تتعذّب أو بَحْ !!تموت ، هههههه
- ما تفرحش برشا يا جلال  ننصحك ، ولدي موش سيدي تاتا ما تخافش أضحك توّا أو بعد تشوف آش بش إيصير فيك 
- أسكتتت، صاح  فيه جلال ، شكون قلّك تكلّم ، أوقام تنطّر بحذاه أو شدّو من فموّ حتى لين قريب يكسّرهولو
- ما نيش أنا جلال كان ما نقتلكش إنت أو ولدك يا كلب يا ***** يا ******  ، أو صاح بأعلى صوتو رجعو سكرولو فمّو موش لازم يتنفّس ال*****
***********
خزر آسر للوقت يلقى الأربعة قريب تجي أو الوقت إلّي تفاهم فيه بش يتقابل مع عادل قْرُب ، طلع في كرهبتو أو إتّجه للعنوان إلي بعثهولو ... بعد ربع ساعة كان في المكان المحدّد في بلاصة مهجورة معبيا بالخردة ، هبط من كرهبتو أو قعد يخزر  باهت في البلاصة إلي ختارها عادل للّقاء ، فجأة خرجولو خمسة رجال في يديهم السلاح ، دارو بيه أو قالولو يقعد  عاقل أو ساكت و يسمع كلامهم ، تصدم آسر أو ماصدّقش ، يطلعشي إلّي قراه في الأوراق على عادل صحيح ؟؟ ، مالأوّل حاول إيقاوم آما ما نجّمش كانو أكثر أو أقوى منّو ، فرضخ لهم أو مشا معاهم ، دخلوه للكاراج أو وقفوه قدّام عادل المربوط أو آسر كل مرّة صدمتو أو حيرتو تزيد ، حتى جاه واحد من تالي أو قلّو
- مرحبا ، مرحبا بخليفة محمّد ، إنت آسر ، عسلامة ، او مد إيدو بش إسلّم عليه ، ياخي آسر ما مدّش إيدو ، شويّا ضحك جلال أو قلّو : ظاهر فيه بوك المجرم الكلب ال***** ، هوّا ما كمّلش كلمتو أو جاتو بونيا من عند آسر إلي قلّو : بابا خير منّك يا كلب ، او مايحس كان بالرجال تكدسو عليه يضربو فيه في أي بقعة و من كل جيهة أو مابعدو عليه كان ما دمدموه أو خلاّوه دايخ ، مشا جلال أو وقف قدّامو أو قال لرجالو : هزّوه منّا ، بش نبدلو البقعة للمخزن القديم ، أو دار لعادل أو كمّل ، أو حلّو هذا أو هزّوه ، بش نلعبو متاهة مع ولدك العزيز  ، فيسععع

شويا مشات عباد تهز في آسر ، أو آخر يحل في رباط عادل إلي دوبا ما فكّولو الحبل طاح عالقاعة قدام الدم إلي خرج من آسر ، أو كيف راى إلي الكل تلهاو  قعد يكتب في الدم في حروف كانت " و.آ. مح. هنا. ( تصويرة دار )+ anci) كتب هذا   من غير ما كمّل الكلمة الأخرة خاتر خاف لا يفيقو بيه أو قام على أمل إنّو ولدو وليد يلقى أو يفهم  الرسالة و يجي إيمنعو أو مشا معاهم لوين يهزّوه   ...
************
زعما وليد بش يخلط في الوقت المناسب ؟؟ و الأهم هل إنّو بش يفهم رسالة بوه و لا لا ؟؟ أو زعما شنوّا يستنّى فيهم من مفاجآت أخرى حضّرهم جلال ؟؟
تابعونا بش تعرفو هذا أو أكثر 😘😘