عشق الشيطان : باللهجة التونسية

شجار :

و أخيرا كمل الإجتماع ، آسر صايي راسو ولا يوجع أو معادش فيه ، تعب عل الأخر أو حب إيروح يرتاح ، أو قال لدلال : - أنا الحق ما عادش فيا ، نحس في راسي بش يتكسر ، بش نروح
- أي باهي سي آسر ، توا نكمل أنا بقية الخدمة أو غدوة تكون عندك حاضرة
- يعطيك الصحة ، و الله ما نعرش منغيرك آش كنت نعمل ...
فجأة ولاو يسمعو في حس صياح و عياط متاع مرأة ، أو مايفيقوا كان بالباب تحل بالقوي أو مريم واقفا قدامهم أو هيا تصيح و تعيط :- بالشويا ، ياخي تسخايل روحك داخلا لكوري ؟؟ صاح علاها آسر
- إنت بالذات ما نحبش نسمع صوتك
- بربي !! قال آسر أو عينيه و لاو حمر بالغش
- و الله ، جاوبتو مريم أو مشات سكرت الباب متاع البيرو أو قالت
- توا هانا وحدنا راس راس
- سامحوني ، أنا عندي خدمة ، قالت دلال أو قامت بش تخرج
- إنت بالذات تترص غادي
- مريم خلي الطفلة تخرج ، صارت حاجة ما بيناتنا هيا ما عندها حتى دخل
- هيا المصيبة الكل الحيوانة هاذي 
أكهو للصبر حدود قام آسر من بقعتو أو مشالها
- إنت ظاهر فيك قلقت من حياتك و اتحب تموت يا طفلة
- إي ، أقتلني على خاطرها هالكلبة
- صدقني مازلت تجبدها لسانك نقصهولك
- ما لا شد عندك ، كلبة أو ****** أو ******
.....فجأة  صوت متع ضربة و إلا حاجة تكسرت ملى الدنيا ، معاه هوا سكتت مريم أو سكت كل شي كان النفس قعد داخل خارج ...
**********
- فاش تعمل إنت لنا ، قلها طلال من بين سنيه أو وجهو أحمر بالغش
- أنا ... الحقيقة ...آآآ.... ماعرفتش ليلى شنوا بش تجاوبو أو قعدت ساكتة ، حتى لين تكلمت صاحبتها إلي معاها
- ماك تعرف هالأيامات ضغط الخدمة برشا أو أنا قلت كان نخرجو نتفرهدو شويا خير
- أول حاجا أنا نسأل في ليلى موش فيك يعني إنت تسكت ، ثاني حاجة شكون شاورت إنت للا باش تجي لنا ، أو ثالث حاجا موش قتلي إلي تخدم أو ما تكمل كان في اليل
- إي ، هاي قتلك مرام ، تعبنا ياخي خرجنا نبدلو في الجو
- شكون شاورت
- ياخي لازم نزيد نشاور
- إنت عالنفس بركا المفروض تشاور
- بربي!!
- و الله ، أو توا قدامي تمشي تروح إل داركم ، و تنحي الشوالق إلي لابستهم ، شوف كيفاش الرجال بش ياكلوك بعينيهم ، أو أمور الخرجات و الدخلات و الخدمة  هاذي تو نتفاهمو فيهم
- ما عنا فاش نتفاهمو
- كيفاه قتلي ، أو شدها من يدها بل قوي ، عاود ماسمعتش
- إنت راك ماكش بش تمشي عليا كلامك
- لا يا للا غالطة في حساباتك راهو ، ماليوم الكلمة إلي نقولها هيا إلي تمشي ، أو زاد كبس على يدها ، فاهمة و إلا نعاودلك ؟؟
- طلال سيب الطفلة ، فضحتنا راك ، قالت صاحبتها مرام
- إنت موش قتلك تسكر فمك ؟ و لا ما تسمعش ، و إنت آخر مرة نراك معاها الطفلة هاذي ، و اتحرك قدامي لداركم
- طلال عيشك خلاها تجي معايا ، و الله عندي خدمة
- قتلك إل داركم ، ماتسمعش ؟؟
- باهي تو نروح أنا وياها
- و الله يا ليلى كان ما تمشيش توا و تسكر فمك إلاما تشوف شيصير فيك
- باهي ، هيا مرام معايا
أو خرجت تجري طول لدارهم ....
**************
- يا كارولين ، أنا نقلك بش نتفضحو و إنت تقلي وسع بالك ؟؟
- تو نلقاو حل ما تخافش ، تي نحنا خبينا جريمة كاملا 14 سنة بش نحيرو في هذا عادل
- المشكلة إلي هوا قابل آسر
كارولين وجها تقلب ملي سمعت إسم آسر بعد إلي عملو في بنتها ما عادش تطيق حتى إسمو ، مبعد قالت
- ياخي ولدك هذا ما تجي من وراه كان المصايب
- كان يطلع عرف مشينا فاها
- لا، منتصورش ، عرف أو ما يعملش ردة فعل مستحيل
- هوا رزين برشا ينجم يسكت حتى لو كان يعرف ، آما  طلال هذاكا راو قلب على ريوسنا الدنيا
- لازمنا نتأكدو
- كيفاه ؟؟
- تو نقلك
**********
وقفت مريم مصدومة ، أو موش مصدقة ، ضربتها بكف ، أي دلال عطاتها كف ، أو ماتسمع كان فاها تقول :
- شنوا تسخايل في روحك إنت ، تجي تسب و تعيط على العباد هكاكا ، أنا راني لنا نخدم ، مانيش قاعدة  نفكلك في خطيبك كيما تقول ، أو ما تخافش أشبع بيه خاترو ما يهمنيش ... قالت كلامها أو خرجت تجري....  ، أو هيا هابطة في الدروج دخلت في عبد ماراتوش ، حتى سمعاتو يقول :- إنت مرة أخرى ، أسمع كان صدفة برشا راهو
- عيشك ، سيبني مانيش ناقصا ، قتلو أو عيناها بالدموع
- شبيك ، لاباس ، آسر قلقك ؟؟
- لا ، حتى شي
- قلي بربي ، كان هوا قلقك نتفاهم معاه
- لا موش هوا
- شكون مالا ؟؟
- سي طلال عيشك ، و الله مانيش لاباس
- أيي ، هاك فيسع حفظت إسمي ، قداشني مزهار و الله ،قلها طلال أو هوا يضحك شويا 
ضحكت ضحكة صغيرة أو هيا ما عينهاش ، او قتلو
- أو إسمك يتنسى هوا
- صار كان إسمي ما يتنساش ، أنا لا ، على كل حال ما دامني ضحكتك بش نمشي معاك تغسل وجهك أو تحكيلي إلي صار
- لا ما تقلقش روحك ، تو نتصرف
- بربي وين تشوف فيه القلق  ، أنا بيدي فاضي شغل ، خلي نعمل حاجة تنفع
- على كيفك ، قتلو دلال أو هبطو مع بعضهم
،
في نفس الوقت إلي وقف فيه آسر مصدوم ، موش مصدق إلي سمعو صدق كل شي صدق العياط و الصياح في بيروه صدق الكف ، آما ما صدقش كلامها ، هيا قالت عليه عرفها آكهو ما يمثللها حتى شي  ، حتى ذرة ملي تمثلهولو هيا ، يحس في قلبو تحطم كلماتها دمرتو أو قتلت الأمل إلي كان عندو في حبها ، أو مريم كانت دموعها تجري بش تهبل مالكف إلي خذاتو ، أو مبعد قامت إتصيح :- إلا ما نقتلك ، صدقني إلا ما نقتلك ، أو مشات إل آسر أو قعدت تضرب فيه على صدرو وتقلو،  و إنت تخلي الكلبة هذيكا تضربني و تقعد ساكت ، تحب وحدة****** كيفها تهيني و إنت ساكت
- يزي ، صاح آسر  ، أسكت كلمة أخرى لا ، شبيك رخيصة يا طفلة ماو قتلك إلي بيناتنا وفا إنتهى إفهم ، إنت تحب تجي تصيح و تعيط و تهين الطفلة أو هيا تسكتلك ، و الله كان موش هيا عطاتهولك الكف أنا كنت بش نعطيهولك ، أو توا برا إقلب منظرك من قدامي
- إلا ما تندم ، صدقني
- قتلك أخرج ، صاح فاها آسر
- إلاما نوريكم في زوز تو تشوف
أو مبعد خرجت أو خلات آسر قريب يهبل ***********
- أحسن توا ؟؟
- أيه ، خير
- هيا أحكيلي توا آش صار
- منحبش نتذكر و الله
- ميسالش ، حاول ، هيا راني بش نموت نحب نعرف
- علاه آش بش تعمل كي تعرف
- نتفاهم مع إلي بكاك
- بأي  مناسبة ؟؟
- بمناسبة تعرفنا على بعضنا ، و إلي إنت صديقتي ، موش سبب هذا ؟؟
- أنا ما قبلتش صداقتك على فكرة
- أو أنا نحبك صديقتي ، آش بش تعملي ؟؟
- حتى شي 
- ما لا أحكي
-تعاركت مع خطيبة سي آسر
- مريم ؟؟ قال طلال أو هوا يحاول يفهم
- إي
- علاه ؟؟
- جات تصيح و تقول إلي أنا فكيتلها خطيبها
- فكيتلها آسر تقصد !
- بالضبط
قاللها آسر بٱستهزاء :- صار إنت هذا علاه تبكي ، أو عاملا قضية ...
- لا
- فما حاجة أخرى
- أيه
_شنيا ؟؟
- بالشويا حسستني كايني في تحقيق
- باهي ، أحكي راك طلعتلي روحي
- كي قالت هكاكا أو سبتني ضربتها بكف
- إنت؟؟!! ، قلها طلال بدهشة
- ما لا شكون
- ملا مجرمة !! لازمك تجي تخدم معايا إنت
- وين زادا ؟؟
- في الشرطة ، مادامك طلعت تضرب
- ياخي إنت شرطي
- ما لا آش فيبالك ؟؟
- و الله أول مرة كيف ريتك فيبالي كلوشار
- شنوا ؟؟ ، قلها طلال أو هوا منرفز
- أول مرة كيف ريتك قلت هكا
- مالا صلح معلوماتك ، قلو كلوشار
- باهي سامحني غلطت فيك
- صحيت أطلب السماح ، خاطر ما نحبش نقلك أنا شنوا حسبتك
- شنوا؟؟
- ما تسمعش خير ، إي و شنوا بش تعمل توا
- بش نقدم إستقالتي  .....
*********
إدعمونا بتعليقاتكم 😘 و إنشاء الله تعجبكم