وصل وليد للعنوان ، وقّف كرهبتو خذا سلاحو أو حط سكينة إحتياط في صبّاطو أو هز تاليفونو يكلّم في رجالو
- حاضرين ، قال وليد
- أي سيدي
- كيما تفاهمنا ، ساعة و تكلم الشرطة و تجيو ، باهي
- حاضر سيدي ...
مبعد ما علق التليفون تنفّس مليح ، أو هبط من كرهبتو قدام خربة كاراج قديم في بلاصة مهجورة ... خزر وليد للباب قال بسم الله أو دزّو و دخل محضّر روحو للمواجهة
***********
- هيا دلال عاد ، يزي ،قال طلال أو هوا يحاول ينسّيها فلّي صار
- كيفاه بش ننسى كيفاه ؟؟ أنا حياتي الكل ديما هكّا لاصاحبة لا رفيقة الكل إيبيعوني أو يغدروني ، أو ولاّت تبكي ، في كل مرّة نقول هاني لقيت العبد المناسب ، الصديق إلي يفهمني و يحس بيا يغدرني و يبيعني ، علاه علاااااه ؟؟ أو قعدت تبكي أكثر
- أسمعني ! قال طلال ، رد بالك تتصوّر إلي فما بخلاف أمك أو بوك شكون يحبك هكّاكا في سبيل الله منغير مقابل ، لذا إبعد موش لازم أصحاب خلّي روحك وحدك ، ساعات العزلة تكون أحسن حل
- ضاهرلي هذاكا آش بش نعمل ، ماكانش مانيش بش نفرح في حياتي بل كل
- هيا ، هيا أمسح دموعك أو خلّيني نوصلك إل داركم
- باهي ، جاوبت دلال ، أو مسحت عيناها أو قامت ....
********
دز وليد الباب و دخل بالشويّا ، خزر ما شاف حد ، آما خلّى روحو ديما في حالة تأهّب لعلّى يهجمو عليه في غفلة منّو ، آما باقي شي ما فمّا حد ... قدّم أو صاح " أخرجو خلّنا نتفاهمو " باقي شي ما جاه حتى جواب ، و بهذاكا تأكد إلي ما فمّا حد ، يطلعوش ضحكو عليه و الحكاية ما فمّاش منها ، يحس في راسو بش يتكسّر أو التخمينات الخايبة الكل جات قدّامو ، فجأة راى بقعة دم ، مشى قدّامها وعرف بالخبرة متاعو إلي هوا دم جديد ، يعني ما عندوش حتى نصف ساعة في البقعة هاذي ، أو شدت إنتباهو حروف تصورت في الدم حاول يقراها لكن ما نجّمش زاد ركّز ولّي فهمو الكل كان " و. آ. مح . لنا " أو دار مع حروف بالفرنسي ، حاجة غريبة أو رسالة مشفرة ، زعما الي خطف بوه خلاّها ؟؟ موش فاهم !! زاد ركّز أكثر أو حط عدّة إحتمالات : الأول إنو العصابة كتبت هذا ليه بش يدلّوه على بلاصتهم و الثاني إنّو بوه هو إلّي خلاّ هذا ، أو قعد يخمّم زعما شنوّا المكتوب .... " ال و شنوّا تنجّم تكون ، و. و. و ، مستحيل تكون العصابة خلاّت هذا الأكيد إنّو بوه ، أي بوه إلي كتب هذا و ال و تجي كان وليد إلي هوا إسمو و إلا ولدي يعني بوه خلالو هذا باش يلقاه ... عرف كلمة أو مزّال الأصعب ، أو توّا ال آ شنيا تنجم تكون ؟؟ ربطها مع الكلمة إلي بعدها مح ... ياربي ، شنيا تنجم تكون ؟؟ زاد ركز ... تنجّم تكون محمّد ، أي وعلاش لا " آسر بن محمد لنا " مستحيل فش يعمل لنا ، و الدار ، أي المخزن القديم تجي " معناها بابا قلي وليد آسر بن محمد هنا و نحنا في المخزن القديم " هاذي رسالة بوه حلها .... كيفاه بش يتصرّف ، تنفّس مليح بش يركز أو خذا تاليفونو و طلب رقم مازال كيف تقيّد فيه .... نوقز التليفون أو جاوبو الطّرف الآخر
- نعم شكون معايا
- أنا وليد الرّايد
- تفضّل خويا
- ما عرفتنيش ؟؟
- الحقيقة اللقب موش غريب آما الإسم ما عرفتوش
- أنا ولد عادل الرايد يا طلال بن محمد!
تذكر طلال في الجيهة الأخرى إلي هوا قراى الإسم هذا في الورقة إلي عالبيرو متاع خوه ، أو جاوب
- تفضّل آش حاجتك ؟؟
- هكا تفرحو بالعباد في عوايدكم ، ما يهمش شوف الموضوع راهو مهم أو حساس نحبّك تركز معايا أو تفهمني
- لا تهنّى هكاكا ، بركا إنت أحكي ، قال طلال من فوق من قلبو، في الوقت إلي تنهد فيه وليد خاتر طلال قاعد يستفز في كل خلية فيه
- خوك تخطف ، قال وليد من غير مقدمات
- كيفااااااه ؟؟ جاوب طلال بصدمة
- إلي سمعتو ، في إيدك 5 دقايق بش تجي للعنوان هذا ، شارع ال.... رقم .... بالطبيعة كان تحب تنقذ خوك ... أو علّق التليفون
قعد طلال مصدوم موش مصدق ، أو دلال تسأل فيه علّي صار ، ياخي ما جاوبهاش أو بدّل الطريق متاع الكرهبة أو هوا موش فاهم إلي صار لخوه يسب أو يلعن فلي عملولو هكا ... بعد 9 دقايق كان طلال في البلاصة المحددة وين قلّو وليد إيجا بالضبط ، وقف كرهبتو خذا سلاحو أو قال لدلال إلي مازالت في الكرهبة معاه :- أقعد عاقلة أو ما تعمل شي ، نحل حاجة بسيطة و نجيك اما كان قعدت أكثر من ساعة كلّم الشرطة باهي .... أو حتى من غير ما يسمح جوابها هبط أو سكّر علاها البيبان الكل ... كان وليد يشوف في المشهد الكل و النار زادت شعلت في قلبو أو كل مرة يزيد يقوى الشعور متاعو في الإنتقام من طلال إلي فكلو حب حياتو ...
- وينو خويا ، وقف طلال قدام وليد أو قلّو
- لنّا موش سينيما بش... ما كملش وليد كلمتو أو طلال قص عليه أو كمّل بتحدي
- أنا نحبّو يكون هكّا سينما ، باهي
- أسمع يا طفل ، قال وليد ، كان تحب تلعب راهو موش معايا ، اما إذا كان تحب تجرّب مرحبا تو نتلها بيك مبعد أو توا مذابيك تبّعني كان مازلت تحب تروّح بخوك حي ....
***********
زعما شنوّا يستنّى فيهم أو هل إنهم بش ينجحو أو ينقذو آسر أو عادل ؟؟ أم إنّو بش يصير ما لم يكن في الحسبان ؟؟
تابعونا بش تعرفو هذا أو أكثر 😘😘
أنت تقرأ
عشق الشيطان : باللهجة التونسية
Romanceعندما يعشق الإنسان يكون ضعيفا أسيرا لمعشوقه سجينا لحبه لا يرى سواه و لا يلمحه إلا هو ... فما بالك إن كان معشوقك الشيطان !! " عسلامة أو مرحبا بيكم نشاء الله تعجبكم "
