مَلــَكتـني💕

£ p̷a̷r̷t̷ 17 £

#مـلـڪتـنـي 💕 ...

هذا ياهو الگلچ اطرب عالغريب ؟؟
هو منهو الگالچ انه جنحي گوه ؟؟؟

*    *   *

بريش جنحاني الك حصه و نصيب ...
و بالعيون هواي الك حصه و ضوه ...

*    *   *

انه لو ما ريشك و ذاك الدلال ،،،
چان اول ما طرت جنحي التوه !!!

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 17 ღ_‗ـ−¯«Ξ❤Ξß ـــــــــ

صاح

الشيخ : لحظه حنين !!!

كزبر جلدي من صوته الرجولي الخشن ..

انداريت و گتله

حنين : آمرني يا شيخ ..

و بلحظه تحولت نضراته من الغضب و العصبيه لابتسامه حنينه ...

الشيخ : ما يامر عليچ ظالم ما تردين شي اجيبلچ وياي ؟؟ اليوم طالع بغداد

حنين ( ابتسمت بحزن و گتله ) :ما محتاجه غير سلامتك .. خيرك و افضالك مغرگتني الله يديمك النه ...

باوعت لام علي عيونها تذب شرار من العصبيه ...

الشيخ ( ابتسم ابتسامه عريضه چنه حيل فرح بالگلته ورد گلي ) : دام نبضچ يا الغاليه انتي ...( و اشر على صدره و گال ) دام هالنفس يصعد و ينزل بالريه ما خليكم بعازه احد بعون الله ...

الحجيه : الله يحفظك و يرضى عليك يا يمه ...

ام علي : چا شمالي انه و ما تسألني ان چنت بعوزه شغله لو لا ...

الشيخ : انتي كل اسبوع ترحين السوگ ويه اهلچ و انه ما مقصر وياج و السوگ تندلينه بس هذي المگروده من يوم جيتها للبيت ما طلبتني بشي ...

ام علي ( بصوت ناصي ) : ساعه السوده الشرفتنه بيه الخانم كون رجليناتها تگطعت و لا دخلت البيت ...

الشيخ : خير شگلتي ام علي ما سمعت زين ...

ام علي : كولشي ما گلت .. ( و طلعت من المطبخ )

الحجيه : يمه رح اطول سفريتك هاذي ؟؟؟

ابو علي : بس اكمل شغلي ارجع يعني تقريبا كلها يومين وراجعلكم بعون الله ...

الحجيه : تردلنه بالسلامه يا بعد گليبي انته ...

ابو علي : سالم گليبچ يا الحجيه ... انه رايح بلا ما اتاخر اودعناكم ..

الحجيه : مودع بالله روح الله يسهللك دربك و يبعد عنك ولد الحرام ياااااا رببب ...

حنين ... اني چنت واگفه يم الكليدور .. تقرب و راد يطلع بس رفع راسه و گلي بصوت ناصي و خشن بيه بحه حلوه ...