مَلــَكتـني💕

£ p̷a̷r̷t̷ 8 £

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 8 ღ_‗ـ−¯«Ξ❤Ξß ـــــــــ

الشيخ حمد ..

گمت من مكاني علساس ارجع لفراشي بس حسيت اكو واحد  ورايه

انداريت و جفلت ...

الشيخ حمد : مهند !؟

مهند : شعجب سهران بو علي ..

الشيخ حمد : ما جاني نوم فگلت اطلع اشتم هوى و انته ليش ما نايم ..

مهند ( تقرب و گعد يمي و گال ) : ما من طبعي النومه من وكت

الشيخ حمد : ما من طبعك لو هذا ( و اشرت على گلبه ) متلهف ؟

مهند ( ابتسم و گالم ) : متلهف و منسمط جد جده همات  ..

الشيخ حمد : عجل يا خويه انته عاشگ من زمان

مهند : من تلث سنين بس چنهن قرون ..

الشيخ حمد : و المحروسه تدري انك عاشگها ؟؟

مهند : لا و لا ناوي اخبرها الا واني ماخذلي مشايه عليها

الشيخ حمد : زين تسوي .. و يمتى ناوي تفرحنه بيك ؟؟؟

مهند : لو بيدي هسه قبل باچر بس منتضر اتخرج

الشيخ حمد : والله امبين محترگ عليها يا خوي نصيحتي انك ما تستعجل  كون نفسك و رتب امورك و شوف حياتك دامك عزابي  شلك بالزواج تراه مسؤليه و هموم و مشاكل ..

مهند : عندي الزواج احسن من القهر و الشوگ

الشيخ حمد ( بضحك ) : ههههههه والله و كبرت يا ابن ابوي و صرت تسولف بالعشگ و الشوگ يالله عوف هاي السوالف هسه و گوم لفراشك نام باچر وراك دوام و گعده من وكت ...

مهند ( بضحك ) : صار يا بو علي تصبح على خير

الشيخ حمد : و انته من اهله

راح مهند لغرفته و اني رجعت لچربايتي و اضحك عليه و على كلامه ،،، اني بعمري ما فكرت  بالحب و العشگ و هاي السوالف دومي مهموم و مقهور و شايل فوگ چتافي مسؤليه اهلي و اخواني من و اني زغير و دائما اضحك على هيچ شغلات يمي الحب سوالف مراهقين ما تمشي عليه ... حتى زواجي چان زواج تقليدي من بت عمي ما تروجت وحده غريبه مستحيل اجيب وحده ما من ثوبنه و تربايتنه لبيتي .......

شويه و حسيت الباب يندگ طلعت بره و شفت السما لونها احمر بحمار لون الدم ضليت اذكر اسم الله و فتحت الباب