مَلــَكتـني💕

£ p̷a̷r̷t̷ 13 £

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 13 ღ_‗ـ−¯«Ξ❤Ξß ـــــــــ

مهند وجهه گام ينطي الوان اما الشيخ زمخ بصوت يهز البدن  خله الكل يفز من مكانه ...

الشيخ : ولككككككككك كراااار !!!

حنين ( اهنا اني طفرت من يمهم و ركضت على غرفتي ادري  رح تعلگ لان هذا كرار اخوهم شكله چفص و الشيخ رح ينفجر بوجهه الله يستر )

کرار ( باستغراب و صدمة ) : خير بو علي شجالك تنرفزت مني ؟

الشيخ : منيييين جبت هالحچي !!

كرار : يا حچي ؟؟

الشيخ : ولككك تقشمر عليه انته رد عليه يا بغداديه و شنو نفرح بيك !!!

كرار : اهدى خويه والله الحجيه گلتلي خويك مهند متكفل بذيچه البنيه و انه شفتها حليوه گلت نزوجهم و نفرح بيهم ترى ما بيها شي ....

الشيخ : لكككك شون ما بيها شي،، حجيه انتي گايله هيچ حچي !!!

الحجيه ( بارتباك ) : لا والله يا بعدي انه ما گلت هيچ گلت خويك متكفل بيها بس ما گلت مهند ...

كرار : و شنو يفرق خويك عن مهند اي مو اثنينهم نفس الشي ،،

الحجيه : چا انه چان گصدي ابو علي مو مهند ...

كرار ( باستغراب ) : شووون !؟ يعني الشيخ هو المتكفل بالبغداديه ؟؟

الحجيه : عجل شعبالك !؟

كرار ضل متصنم و متفاجئ من الي سمعه و گال ...

كرار : انه اسف خويه لا تزعل مني  صار سوء تفاهم ....

الشيخ ( تنهد و گال ) : يلا ما صار شي بس ما اريد اسمع هالحچي مره ثانيه هاي البنيه صارت عرضي دامها دخيله عدي ...

كرار : صار من عيوني يالشيخ ...

""""""""""""""""""""""""""""""""""""""""""""""

Ξ❤Ξ»¯−ـ‗_ღ یوم الثلاثاء  ღ_‗ـ−¯«Ξ❤Ξ

حنين ....

وره يومين من ذيچه السالفه

گعدت الصبح على صوت الحجيه تنشدلي اساعدها بالطبخ
لان الشيخ ذابح ذبايح و عازم عمومته و خوانه

نزلت و اشتغلت ويه الحجيه و ام علي دگ و سوينه انواع اشكال اكلات و مقبلات

شويه و اجوي ولدهم ( بيت كرار و بيت ساجر )

الحجيه عرفتني بيهم و گمت اسولف وياهم و نشتغل هم

همه حچولي عن نفسم و عن حياتهم و الي عرفته منهم انو ..

الشيخ حمد هو الابن البچر لابوه و للحجيه عمره ٣٧ سنه خريج كليه علوم و لزم الشيخه بعد وفاه عمه الچبير قبل تسع سنوات الي چان يعزه كولش ،،، الشيخ حمد معروف بكرمه و هيبته و اخلاقه العاليه بالعشيره و الكل تحترمه و تقدره ،، و بعدها تزوج تغريد ( ام علي ) باعتبارها بنت عمه و هو اولى بيها من الغريب و زوج اخته ( زهره ) لكامل اخو تغريد و فوگاها عمه الچبير ( ابو تغريد و كامل ) وصاه على تغريد ،،، و تغريد هم بنفس عمر الشيخ ،،،  مگدرت تحبل لتلث سنوات و حارت شتسوي بس حتى تجيب لان چانت خايفه لا الحجيه تلح عالشيخ حتى ييثني و يتزوج غيرها فراجعت كومه دكاتره يلا گدرت تجيب (علي) وگدرت تسكت الحجيه ،،، و الي معروف عن الشيخ و تغريد انو حياتهم كلها مشاكل و ما يتوالمون سويه ... و الشيخ مبقيها يمه بس علمود وصيه عمه و علمود ابنهم علي ...

اما
ساجر الي هو ثاني ابن للحجيه ،، عمره ٣٣ سنه خريج هندسه ميكانيك ،،، هم متزوج من بنت عمه ،، اسمها فتحيه ،، و عدهم تلث جهال ،، احمد و جعفر و نوره ،، مستقرين ابيت وحدهم ..

اما
كرار الي هو ثالث ابن ،، عمره ٢٩ سنه ،، صيدلاني و متزوج بنت خالهم اسمها زينب و حيل حبابه ... و عدهم خالد و فاطمه و ساره ... و هم يعيشون وحدهم

و
مهند ... اخر عنقود ،، عمره ٢٣ سنە ،، طالب كليه علوم حاسبات ... حسب ما گالتلي زينب انو هو يحب بنت خالته الي اسمها رقيه و ينتظر يتخرج حتى يخطبها و يتزوجها ...

حياتهم حلوه و يحبون بعضهم حبيتهم كلهم و گمت اتعود عليهم خصوصا زينب و كرار لان دائما مبتسمين و كرار حشاش درجه اولى عكس مهند و ساجر الي دومهم معبسين وجوههم و الشيخ هم حباب بس شخصيته عاليه و رزن ...

————————————————————————

طب الشيخ عالمطبخ و وصى الحجيه انو ميريد اي قصور بالاكل عيب من الضيافه ...

و بس اذن الظهر الزلم كلها صلت .. و وراها
صبينه الغده و الشباب كلهم گاموا ينگلون بيه ...
و مهند چان واگف يوجهه بيهم ..

واني زينب خلتني ادير بالي على فطومه لبين ما تصب الاكل وين النساوين و بنتها زغيره عمرها سنه و نص جديد متعلمه تمشي و اني چنت لازمتها بايدي و واگفه يم باب المطبخ بس تعاي يا فطومه اشردي عالحوش من شافت الجهال يلعبون ...

و اني من خوفي عليها ركضت وراها و نسيت روحي ،،، لزمتها من ايدها و رفعت راسي شفت فد شاب واگف و يباوعلي بنضره غريبه من فوگ لي جوه و ابتسم ابتسامه مستفزه رئسا تذكرت نضرات عصام و لعبت نفسي ..

لاحضت شعري كله مفتوح و نازل على چتفي .. ردت الحگ لروحي و اطب جوه

بس ما حسيت الا واحد لزمني من شعري وصاح ...

مهند : ولچ شدااااا تسوين هنا !!!!!

.
.
.
.

يہتہبہعہ ...

___________________________________

لا تنسوا تنطوني رٲیكم ...

آإحـ♥̨̥̬̩بـ♥̨̥̬̩ک♥̨̥̬̩ـــمـ♥̨̥̬ ....

تُےـصِےـبّےـ ـحًےـوٌنٌےـ عَےـلَی خٌےـیر 💋

#مْــلُــڪــتْــنْيُ

للکاتبە °l||l°( ℣õ℣õ )°l||l° 💕