مَلــَكتـني💕

£ p̷a̷r̷t̷ 34 £

هلو حبيباتي ...

شلونكم ان شاء الله بخير ،،، اول شي اتمنى تعلقون على احداث الروايه و تصوتون و تنشروها لان حيل المتابعات قليله هنه بس چم وحده .. ينعدن عالاصابع ...

و اتمنى تتابعون هاي الوردة حبيباتي ... 
shoshLove  ♥️

و هذا بارت حيل طويل الكم ..

و خلي نرجع لروايتنه ...

#مـلـڪتـنـي 💕 ...

انصحك بالعشگ لا تهوى البعيد ...
تموت بغيرتك من تلمح اثنين ...
صدگني الگلب يتبهدل هواي ...
من يعشگ شخص ممگابل العين ...

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 34 ღ_‗ـ−¯«Ξ❤Ξß ـــــــــ

باوعلي و حچه و هو راص على سنونه و عيونه عروگه تريد اطگ ...

الشيخ : گتلچ امشي ....

حنين ... مشيت وياه فتحلي السياره و گلي ...

ابو علي : صعدي ...

حنين ... مگدرت اناقشه لان ادري بيه مو مال مناقشه رح ينفجر بوجهي صعدت بهدوء و الخوف كاتلني ...
هو سد الباب عليه و رجع طب المطعم ...
من التوتر خلصت كل اضافيري يا ربي هذا على شنو ناوي بس لا يسويله مصيبه .... اووووف كله مني و من حظي المصخم ...

لاحظته حچه ويه المحاسب و المحساب امبين على شكله يعتذر و ابو علي متعصب و رجع صعد السياره و ساگ و رحنه ...

طول الطريق حتى صوت نفس ماكو اليه بالگوه اتنفس اخاف لا احچي شي و ينفجر بوجههي ...
لحد ما هو كسر حاجز الهدوء و الخوف بينه من گال ...

ابو علي : ادري طلعتنه للمطعم ما رهمت بس ميخالف حشتريلنه لفات و نروح لمتنزه قريب منا شرايچ ؟؟؟

حنين ( بتوتر ) : يعني انته مو زعلان مني ؟؟

ابو علي : و ليش حتى ازعل ؟؟

حنين : ما ادري بس بالمطعم تنرفزت و تعصبت خفت منك حيل ..

ابتسم ابو علي و گال : انتي شگد خوافه؟؟  ،، يعني معقوله كل ما اتنرفز هيچ تاكلين بروحچ ؟؟

حنين : مو بيدي خفت لا تعيط مثل الصبح ...

ابو علي : اني تنرفزت هسه لان اكو زلم هسه حشه موش زلم حيوانات .. سفله كل همهم يتفرجون على اعراض العالم ما يخافون الله ... و انه يا حنين اخاف عليچ من خيالچ ... متتخيلين شكثر خوفي عليچ ... بس الله يعلم بيه ..

حنين ( ابتسمت و هو يسولفلي ... و اتنفست براحه الحمد لله هده و ما عيط ... نزل جاب لفات و رحنه للمتنزه گعدنه على مقعد و انطاني لفتي و ناكل بهدوء ...