مَلــَكتـني💕

£ p̷a̷r̷t̷ 33 £

#مـلـڪتـنـي 💕 ...

و چا ...؟
و چا دربك عيد ...
مهما بعيد ..
شارع ،،، شارع امشيله ...
ارسمله صوره و مواعيد ...
اعزفله و اغنيله ...
يالكلك شباب اهوااااااك ...
يا ليله و الف ليله ... ♥️

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 33 ღ_‗ـ−¯«Ξ❤Ξß ـــــــــ

حنين ...

راحوا و اني صافنه على سيارتهم و دربهم ... و تايهه بغير عالم افكر بكلامه و هو يوصيني ...

الشيخ : ديري بالچ على نفسچ و لا اطلعين جدام الزلم ... اتختلي بالدار و اتستري ... ديري بالچ الگاچ بره و الزلم موجوده ...

ابتسم و اني ادعي بگلبي و اگول ...

الله يحفظك اليه ... و اقره ايات و ادعيه ما حسيت الا وصوت وحده تجر حسرات يمي ...

انداريت و لگيتها صبا ... ابتسمت على حالها بس هي صافنه و ممنتبهه عليه و اول ما انتبهت نفضت راسها و رجعت باوعتلي بتكبر ...

صبا : شني ليش تباوعلي هالشكل ؟؟

حنين ( بابتسامه ) : دامچ تحبينه ليش تكابرين ؟؟؟ تره عادي اذا اعترفتي و گلتيلي انچ تحبين مهند ...

صبا ارتبكت و دارت عينها و تحچي وياي بتكبر : خايبه ما تولين بالله مهند مالچ هاذ هم وجهه حب و عشگ ... و ربي ما ينجرع ثگيل دم و شايف روحه ...

حنين   : لچ انتي ليش هيچ خشمچ يابس ؟؟؟

و طلعتلنه هاله ما ادري منين يمكن من جوه الگاع ...

هاله : ان اگلچ لويش ... عافته عالشمس و يبس هههههه ...

صبا ( باستهزاء ) : متضحك ...

جنين : لتصيرين رعنه دامچ تحبينه صارحي بمشاعرچ ...

هاله : خايبه ما تولين هاذي ما عدها لا گلب مشاعر ... هاذ اخوي صباح ابو النعال ....

صبا : هويله تولين من وجهي لا اراويچ صباح ابو النعال شيسوي ...

هاله : يمه بالهدواه اخوي اعصابك شجرالك استلمتني ...