مَلــَكتـني💕

£ p̷a̷r̷t̷ 35 £

#مـلـڪتـنـي 💕 ...

حنين ...
گلبي تعب من صغره ...
گضاها دمع و حسرة ...
مهموم خلص عمره ...
درحمني عااد ... 💔

عود انته ردتك فرحة ...
دمع بعيوني تمسحة ...
گلبي حرام تجرحه ...
درحمني عااد ... 💔

شوكت يا دنيا ارتاح ؟؟؟
مو كافي همهموم مليت ...
بره البيت مقهور ...
لحگني القهر للبيت ... 💔

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 35 ღ_‗ـ−¯«Ξ❤Ξß ـــــــــ

حنين ...

احس برحي متبلله ومي .. اي مي دينچب عليه ..
اصوات مغوشه بالگوه اسمع ما اگدر اركز ...

صبا ( ببچي ) : عفيه حنين دگومي مو مردتي گلبي خيه ...
ام انور : بس لو ادري شجالها هاذي والله چانت چنها نبعه مورثه ما بيها الا العافيه شجرالها و تسودنت و هجت ... سوده بوجهي يمه ...
الشيخ : چنها وعت ما ... سدي الحنفيه ...
ليله ( بخوف ) : اي اي سديتها ...
هاله : يبوو هاي شمالها گعد تنزف ( و اشرت على رجليه )
صبا : چنها مجروحه بگزاز ...
الشيخ : ينراد اضمدلها بالله ام انور ما ادبريلي گطن و ضمادات والي يسلمچ ...
ام انور : من عيوني صار هسه اجيبهن ... ( و راحت ام انور )
الشيخ : رح اخذها عالچربايه ترتاح ...
ليله : مو هذماتها امبلله رح تستبرد هالشكل ...
صبا : اني رح ابدللها ( و جابت هذوم ) ..
الشيخ : يلا اني رح اوگف يم الباب بس اتكملين نشديلي ...
صبا : ان شاء الله ... ( و راح و سد الباب وراه ) ...

لزمتني صبا و تحضن و تبوس بيه و خلت راسي على صدرها ...و تبچي و تشهگ مثل الطفل
صبا : لچ شجرالچ يا بعدي انتي ليش هيچي سويتي ما خفتي علينه احنه ... ما گلتي ذني خواتي شيسون بليايه يلطمن يموتن والعباس ردت انجلط من هجيتي گمت ما اندل دربي اركض وراچ و اعيط بس ما گدرت الحگچ الا لمن الشيخ طلع سيارته و مشه وراچ ... سوده بوجهي بس لو چنتي تشوفين حاله هو همات حالته ايبچي الصخر بحيث السويچ مالت السياره چانت بيده و گام يعيط وينه السويچ تسودن عليچ ... لنه لهسه ممصدگه شون الله ردچ النه لچ چنتي حترحين من ايدنه ... واگعه بنص الشارع متخربطه بس اريدن اعرف شجالچ و هيچ سويتي ليش ما حچيتيلي انه مو اختچ ؟؟

حنين ... صبا تحچي و تبچي و اني بس دموع تنزل على خدي بعد هاي هي حتى حچي ما اگدر احچي ...
بدلتلي و كملت گعدت تمشطلي شعري و كلساع تحضني و تبوسني ... و شافت اثر الزراگ على صدري لطمت و گالت ...
صبا : عزااا شنو هاذ حنين ... جاوبيني شسوالچ بس لا هجيتي علمود هاذ ...
و اندگ الباب و حچه الشيخ من وره الباب ...
الشيخ : خيه خلصني .. ادش ؟؟. ( و طب و بدون حتى ميباوعلي دنگ يم رجلي و لزمها اني من الخوفه سحبتها حچه و هو مدنگ ...
ابو علي : مراح اكلچ بس خليني اضمدهن عدچ نزف ...
ضليت اقاوم بسكوت مو بيدي صارت تندي رعبه منه كلما اشوفه افزز و گلبي يرتعد ...
و بالاخير صبا بالگوه لزمتني و هو ضمدها و لفها بلفاف و شاش ... و وگف على حيله و گال ...
الشيخ : بنيتي والي يسلمچ تعوفينه شويه ابحدنه ...
صبا ( بتردد ) : ها اي ( و رادت تروح و اني چلبت بيدها و اباوع عليه بعصبيه ... ما اريد الي صار ينعاد مستحيل اامن بعد ابقى وياه ابحدي )
صبا ( بتوتر ) : حنين عوفيني هسه والله مراح اعوفچ شويه و ارجعلچ ... ( چلبت بيها بالزايد و گلت )
حنين( بصوت مبحوح ) : صبا لا تعوفيني وحدي ...
ابو علي : يا بنت الناس هنه كلمتين اسولفهن وراها سوي الي يعجبچ ...
حنين ( رفعت راسي و لاول مره احچي بدون ما اخاف ) : اذا تريد تسولف وياي تسولف گدام صبا ما عندي شي اضمه منها ...
ابو تنهد و مسح وجهه و گال : ما يصير گلام بيني و بينچ ما يجوز احد يسمعه ...
صبا : حنين هدي ايدي رح اروح ...
حنين : اوگفي صبا لا ترحين ( و رجعت باوعتله ) مبقى شي اسمه بيني و بينك ... الي سويته وياي اليوم ثبتلي نيتك و بينلي معدنك ،،، مشكور على كل الي سويته ما قصرت و هسه اتمنى ننسى كولشي و اطلگني و كل واحد يمشي بحال سبيله ...
ابو علي : اطلگچ هاي بالحلم هم ما تشوفيها ... مو لان احبچ و ما اريد اخسرچ لااا تدرين ليش لان ادري بيچ هو هاذ الي چنتي ترديه من البدايه من باعوچ اهلچ عرفتي ما عندچ احد استغليتي الفرصه وگمتي تلعبين عليه لحتى احاميچ و اصرف عليچ و اول ما وفرتلچ بيت و فلوس و عز و دلال و حب و حسيتي بعد ما محتاجتني ،،، طعنتيني و ركضتي لحضن واحد ميسوه اضفري ... و هسه وره ما شبعتي فلوس و امنتي مستقبلچ على حساب مشاعري رح تشمريني و تمشين لغيري ... بس خليها بعلمچ مراح اطلگچ و رح اخليها حسره بگلبچ و رح اذوگچ كل العداب الي ذگته رح اشربچ من الكاس الي شربتني منه لان مو انه الي ينلعب عليه ... تدرين گمت اعض اصابيعي ندم و اگول يا ريت ما شفتچ اصلا ... يا ريت لو يرجع الوكت وافض سالفتچ و ازوجچ غصب لصگر لحتى تعيشين كل عمرچ خدامه بين ايديه ... گمت حتى اشك اذا چنتي طاهره و ما لاعبه على صگر مثل ما سويتي بيه ...
حنين ... حسيت حچيه چان مثل البانزين على النار الشابه بضلوعي سكتت و سكتت طووول عمري اني گاضيتها ساكته و كولشي مستفاديت ... بس اجه الوكت الي صار لازم ادافع بيه عن نفسي ..