مَلــَكتـني💕

£ p̷a̷r̷t̷ 18 £

#مـلـڪتـنـي 💕 ...

گلولي ضاع الوفى ..
گتل الوفى موجود ...

* * *

گلولي جفنك غفى ...
گلت الليالي شهود ...

* * *

گلولي شمعك طفه ...
گلت الگمر موجود ...

* * *

گلولي ولفك راح ...
گلت اليحب يعود ...

"💔😔"

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 18 ღ_‗ـ−¯«Ξ❤Ξß ـــــــــ

مر يومين على سفريه الشيخ ... ولحد هسه ما رجع ... انطانه خبر طالعله شغله جديده بس يكملها و يرجع و رح يطوله يوم بعد ابغداد ..

الوضع مشحون بنين مهند و ام علي ... واحد يكبس و الثاني يرفع حچايه منه و حچايه منها ... و الحجيه خطيه تضل تهدي بيه و بيها مخبوصه بيناتهم

اما اني ماخذه وضعيه الصم البكم ... ما عليه بيهم عسى نارهم ياكل حطبهم .. انه اليهمني الشيخ يردلي بالسلامه هذا كل الي شاغل بالي ...

//////////////////////

اليوم الشيخ رح يرجع و انه مصدگت سمعت الخبريه من مهند ... گعدت الصبح من وكت نضفت البيت كله ويه الحجيه و كملنه

صعدت فوگ لغرفتي لبست فستان جويتي يخبل مخصر و سمكي ردانه طويل بس دانتيل ...

لفيت الشال على راسي بطريقه حلوه و ضليت على طبيعتي ...

سمعت صوت الگراج انفتح اكيد هذا شيخ گلبي وصل ...

ركض نزلت جوه شفته گعد يبوس بايد امه و يسلم عليها ...

ضليت واگفه يم باب الكليدور متلهفه عليه هو اول ما شافني ابتسم و توسعت عيونه ضل يباوعلي من فوگ لي جوه تقرب و گال ...

الشيخ : چا غيبتي هلگد تحلي الوادم وانه ما ادري ؟؟

حنين ( ضحكت من كل گلبي على حچيه او بالاحرى ضحكت لان صدگ چنت فرحانه برجعته حسيت ردتلي روحي )

انادر و وصه مهند يطلع الچياسه من صندوق السياره ،، عاد مهند هم فتحها و نزل كووومه چياسه و كلهن مكتوبه عليهن اسماء ماركات اجنبيه دخلهن جوه و احنه هم دخلنه جوه

عاد صبينه الاكل و تغدينه و ضلينه كلنه نتشاقه و نسولف حتى مهند العقده گام يضحك والله استغربت منه طلع هذا هم يعرف يضحك مثلنه ... بس ام علي معبسه كالعااااده هاي ما بيها مجال مستحيل تضحك .. وين اكو حرباء يضحك اصلا 😂...

من خلصنه و عزلنه السفره الشيخ صاحنه ...

بده من الحجيه و انطاعا غراض و وراها ام علي و مهند و علي بالاخير صاحلي و گال ...