للکاتبه °l||l°( ℣õ℣õ )°l||l°
ــــــــßΞ❤Ξ»¯−ـ‗_ღ ƤƛƦƬ 16 ღ_‗ـ−¯«Ξ❤Ξß ـــــــــ
مهند ...
باليل رجعت و نمت بالهول عالقنفه لان الست حنين بايته بغرفتي ...
الصبح
فتحت عيوني اني وين نايم اووو اني نمت بالهول اي صح .. اباوع للساعه ساعه ٩ ...!!!!!!
تأخرت عالمحاضره !!
بساع طفرت من الفراش و ردت اطلع من البيت مخبوص ...
اني وين اريد اطلع بهذوم البيت .... ؟؟
رجعت صعدت لغرفتي
فتحت الباب و طبيت و يا ريتني ما طبيت
ملاك و متمدد عالچربايه ما متغطايه و لابسه دشداشه حمره تلث ارباع الردن ... مرفوعه شويه و واصله لزرورها ... و الشعر خصلات و نازل على وجهها و رگبتها البيضهەەەەەەەە المصبوبه صباب بوييەەەەەەە
ضليت متصنم بمكاني و اني اباوع عليها ... لا اراديا تقربت عليها و اتلمست زنودها ...
حست و اتحركت شويه و اتگلبت ...
وعيت على روحي ... و نفضت رسي .. استغفرت ربي اني شدا اسوي
شلت هذومي بساع و تراجعت للباب اريد اطلع قبل لا ابتلي بيها
انداريت و شفت ام علي واگفه يم الباب و منصدمه !!!!
مهند : ام علي !!!
ام علي : ولككك مهند شصخمت ،،، شعدك ويه هاي الساقطه !! وانه اگول شعدك متناگر وياها كل ساع اثاري حاطها براسك رايد تمد ايدك عالحرام ،،، والله ما مرجيه منك يا ابن العم ... بس يعرف ابو علي والله يگ.... ( لزمت حلگها بايديه و گتلها )
مهند : لچ سككككتي شهرتينه .... اسمعيني عدل ايااااااچ تحچين الصار لابو علي ،،، ورب الكعبه يا ام علي لو عرف ابو علي او اي واحد بالسالفه اخليچ تشوفين مني مو خوش تصرف افتهمتي و بعدين مو انه الامد ايدي عالحرام .... السالفه كلها الشيطان لعب بعقلبي و الحمد لله لزمت روحي و ما ابتليت بيها !!! ....( و وخرت ايدي من حلگها )
ام علي : عجل اسمعني يا ابن العم ... انه رح ادفنلك سالفتك هاذي ... بس عدي شرط ...
مهند ( تنهدت و گتلها ) : بالله شنو هذا الشرط ؟؟؟
ام علي : رايدك تخطب خيتي رغد ...
مهند : شنهيييييييي !!!! اخطب من ما سمعتچ عدل اعذريني ؟؟؟
ام علي : والله و عاد هذا العندي ...
مهند : انتي شنو سالفتچ شني انرگعتي براسچ لو شوووون ... ترديني اخطب خيتچ المطلقه بتلث جهاااال!!! تتقشمرين وياي ما ؟؟
ام علي : ليش شبيها رغد تخبلل و تسوه الف وحده ،، اقلها شريفه مو مثل هذي الساقطه المشموره براس المگرود ابو علي جايه تغري الزلمه هينا ...
مهند : احترمييي روحچ ام علي لا تجاوزين عليها ... و بعدين خل افرحچ لان حنين انه ما رايدها اليه مره... شون اخطب وحده ما اعرف اصلها و فصلها و اهلها منو ...
ام علي : همزين حچيتلك حچايه براسها حظ ... شفت ما تنفعك الا بت ديرتك و اهلك و ناسك .. و رغد بت عمك انته اولى بيها من الغريب ... تراضها تنشمر بالشارع ... اول تالي هي من عرضك ...
مهند : احد گلچ انه فاتحلي ملجأ ارامل و مطلقات هينا ... و لويش حتى تنشمر عدها اخوان و بيت اهل خل تروح تگعد عدهم و يتكفلون بيها شكو تذبوها براسي ... طلعيها من بالچ رغد ما اتزوجهااا لو توصلون لسابع سمه ...
ام علي : هاي اخر حچايه عدك ؟؟
مهند ( باوعتلها بتحدي ) : اي اخر حچاايه
ام علي : ماشي يا ابن العم ... رح تشوف ام علي شراح تسوي ... ان ما خليتك تندم ما كون انه تغريد بت صالحه ...
مهند : سوييي الي يعجبچ ... ( و مشيت من يمها )
ام علي : و قد اعذر من انذر ...
$$$$$$$$$$$$$$$$$$$$$$$$$$$$$$$$$$
حنين ... گعدت من النوم و لگيت باب الغرفه مفتوح
يا ربي هذا شفتحه ... رجعت سديته
رحت للحمام غسلت وجهي و بدلت و تعطرت و نزلت جوه ...
صبحت عالحجيه و گعدنه نتريگ
شويه و نزلوا الشيخ و ام علي
الشيخ باوعلي بنضره عتب و حزن و بنفس الوقت عصبيه
اما ام علي معبسه و تريد تتهاوش ويه ضلها
حاولت اتجنب اباوع للشيخ و خصوصا هو حيل مركز عيله ...
و بالاخير گمت من يمه و ردت اطلع لغرفتي ...
لان كولش ما بيه حيل اتحمل عتابه
صاح
الشيخ : لحظه حنين !!!
.
.
.
.
يہتہبہعہ ...
___________________________________
لا تنسوا تنطوني رٲیكم ...
آإحـ♥̨̥̬̩بـ♥̨̥̬̩ک♥̨̥̬̩ـــمـ♥̨̥̬ ....
تُےـصِےـبّےـ ـحًےـوٌنٌےـ عَےـلَی خٌےـیر 💋
#مْــلُــڪــتْــنْيُ
للکاتبە °l||l°( ℣õ℣õ )°l||l° 💕
أنت تقرأ
مَلــَكتـني💕
Romance#مـلـڪتـنـي ... اصـــبر روحــي بیــش و انتـــه بیــه الــروح ... وذا تطلع اضــــلـــــن بـــــس جســـد خـ,ـآلـ,ـيـ ... لگــــیتــك من چنت ما لاگي ڪــل الــنـــاس ... و خلیتك الحبیـــــيب و صرت الـــــي ٱلُـ'ـُتُـ'ـُٱلُـ'ـُيُـ ... عرفــتك محــب و ا...
