مَلــَكتـني💕

£ p̷a̷r̷t̷ 29 £

#مـلـڪتـنـي 💕 ...

حزن يعقوب بيه بعد بعداك ...
و عسى سم الزهر يندار بعداك ...
احطك بالگلب و بعيد بعداك ...
احطك وين تا تقرب عليه ...

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 29  ღ_‗ـ−¯«Ξ❤Ξß ـــــــــ

وره شهرين ...

مرت فتره شهرين من يوم وفاة الحجيه و لحد هسه بيت ابو سامر ما بينوا ... ما بقوا مكان و ما سألوا بيه عليهم بس الظاهر همه مو گد سوايتهم و شاردين ...

بهاي الفتره نفسيتي حيل تعبت ،،، او بالاحرى كل واحد بالبيت تعبت نفسيته بس كل واحد منه و يبين حزنه بطريقته الخاصه ...

الكآبه مسيطره عالدار ... اختفت البهجه و الابتسامه و الضحك من على الوجوه ...صدگ راحت الحجيه و اخذت وياها ايامنه الحلوه و سوالفنه ...

بكل صبحيه و عصريه و عشيه اتذكرها ... و اتذكر سوالفها الحلوه و حنيتها ... اه اه رحتي يالغاليه و عفتينه ،، بس ما يطلع من شي غير الدعاء الها بالرحمه ...

طبعا عشت هاي الفتره ويه الشيخ و مهند و علي...

علي ويايه دوم و ما يفارگني ... طفل و صرت بحسبه اخته الچبيره او امه ... اراعيه و ادرسه و اوكله و اغسل هذومه ... و هو حيل يحبني و بطبعته هادئ .. بس دومه يسألني عالحجيه و امه و يگول

علي : خاله امي و حبوبه ليش عافوني ... ليش ما نرجع نعيش سويه مثل گبل ...

احير شاجاوبه بالله هذا طفل شنو ذنبه يعيش بتعاسه من هسه ...

اما مهند ... فمرات اگول هذا اكثر واحد بينه متأذي چنه طير مكسور جنحاته و ما بگدر يطير ...

يعني بين يوم و ليله حبيبته عافته و تزوجت و فقد امه و اخوه تصوب ...

انگلبت حياته و وگع من سابع سما لسابع گاع ..
گمنه ما نشوفه طول اليوم بالصبح و بالليل يحبس روحه بغرفته و ما يطلع ... يعني گوه اذا شفته او لمحته ...

اما الشيخ ( حبيب الگلب ) صح كسرته چبيره بس بعده قوي و شايل حمل على چتافه ... ما بيوم خضع للهموم دومه يكابر و راسه  شامخ و مرفوع ...

بس كميه الضيم و القهر و القلق الي شايلها بگلبه تهز البدن ...
صح ما يبين عليه الحزن بس اني بنضره منه اگدر احزر كل الي بگلبه ...

و علاقتي وياه بهالفتره سطحيه كولش .. يعني مو مثل زمان نگعد و نسولف و حچينه كله رسمي و على گد السلام ... و من اباوعله صافن احس باله مشغول و بغير عالم ... كل الي اريده اعرف شنو شاغل باله ؟؟؟