مَلــَكتـني💕

£ p̷a̷r̷t̷ 26 £

#مـلـڪتـنـي 💕 ...

گصت بيه الليالي حيل ... يا حيل

طحت و الناس كولها تصيح ... يا حيل

تعالي لحالي و شوف شلونه ... يا حيل

اثر فرگاكم هد كل حيل بيه ...

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 26  ღ_‗ـ−¯«Ξ❤Ξß ـــــــــ

حنين : شلوووون !!!

شلون تتزوج مو علساس تتزوج مهند شنو تغير هسه ... شبساع زوجوها ؟؟؟

الحجيه : و انه شمعرفني ... و ربي اخرسيت من گلتلي ساميه چن رگعوني بطابوگه انوب شون ويه الولد عاشگها والله يروح بيها ولدي ...

زهره : اذكري الله يا حجيه الله يصبر گليبه و يهون عليه بلوته ... لا تخافي انه بس يرجع اسولفله الصار و اضلن اهديه مهند خويه و انه اندل طبعه ...

حنين : اي ام حسين مهند هم بحسبه اخويه اني هم اهديه وياچ شنسوي والله چان حيل يحبها و شاريها بس الدنيا  ما ترحم ...

زهره : اي ورب الكعبه ...

حنين .... ضلينه نتاني مهند يرجع شويه نشتغل و شويه نحچي ... انگلب علينه الوضع

هذا الي ما چنه حاسبين حسابه ... رقيه عقد عليها ولد عمها و الجمعه يزفوها ...

شون هسه وياك يا مهند الله يعينك ..

چنه گاعدين بالمطبخ شويه و سمعنا صوت الباب ينرگع و انفتح قوييي ...

اني  و ام حسين فزينه نشوف منو طب علينه هالشكل ...

ما شفنه الا مهند طاب للبيت العيون حمررر و الحواجب معقوچه ...
خشمه ينزف دم و قميصه متروس دم ...

فزعنه اني و ام حسين لبره و ام حسين تسأله و خايفه ...

ام حسين : سوده بوجهي شجرالك خويه شلي صابك لويش گعد تنزف ...

مهند : ماكو شي خيه ...

حنين : شوون ماكو شي مهند منو مسوي بيك هيچ ...

مهند ( باوعلي بعيون ذبلانه و الدمعه بيهن تلالي ....
للحظه گمت اقره الي بعيونه ...
عتب و شوگ و حزن و جرح ...

گلي ...

مهند : شفتي شلون باعتني  الچنت شاريها بموتي ...
اني من گال هيچ لا اراديا نزلن دموعي على خدي ...

هو هم وگع بالگاع على ركباته ... خله ايديه على راسه و صاح بعلو صوته

مهند : ليشششششششششششششششششششششششششش ليش هيچ يصير بيه ليش ... اخخخخخ يا ولف بعتني و رحت چا انه المن الي الحين  ..... المن اتاني و انه بگليبي جرح بس الله يعرف بيه و بحالي .... لك اخخخخخخ ليالي و و انه جفني ما يغفى سهران افكر بيك تالي تصير لغيري ليششششش ....