مَلــَكتـني💕

£ p̷a̷r̷t̷ 12 £

#مـلـڪتـنـي 💕 ...

على لحن الدمع نامت عيون الليل ...
على صوت القهر فز الصبح گلبي ...

لا ظالم بشر لا قاهر احد ب يوم ...
ليش ايصير وياي هيچ يا ربي ...

مخنوگه السوالف تطلع من الروح ...
ما ادري ليش و اشصار و اشذنبي ..؟

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 12 ღ_‗ـ−¯«Ξ❤Ξß ـــــــــ

و بس وصل مهند يم باب المطبخ الا ما طلع بوجه الشيخ و الشيخ رئسا باوعلي و خوزر و زمخ بوجه لمهند

حمد : انه شگتلككككك ما گتلك ما اريد توصل يمها شنو انته ما تفتهم !!!!

مهند : الله يسامحك يا خوي الي يسمعك يگول رايح لغرفتها چا غير انه نازل اسلم على الحجيه و اطلع قابل شسويتلها

حمد : واللكككك عين تراددني امشي ولي من وجهي لا اتفلك سنون يلاااااا ،،،

مهند دنگ و تنرفز من الشيخ الاشويه و اطگ شرايين رگبته الي برزوا من العصبيه ،،، ضرب الباب بقبضه ايده و بكل قوته و طلع من البيت

الشيخ حمد رجع باوعلي بس شنو عبالك يريد ياكلني بنضراته عاد زمخ ليه اني هم

حمد : انتي هم يلا ولي لغرفتچ ما اريد اشوفچ نازله جوه و الا اكسر راسچ

عاد اني هم خفت منه حيل و طفرت للغرفه و قفلت الباب عليه ،، بس حسيت اختنگت منه يعني حرام عليه خطيه مهند ما چان مسويلي شي حتى هو امبين حباب و محترم بس يا ربي هو ليش هلگد عصبي و يصيح هوايه والله اني ممتعوده على هيچ صريخ بالبيت ... غير هذا صوته يرج البيت رج

اتكورت على روحي بزاويه الغرفه و حضنت نفسي و گعدت بالگاع ابچي خفت لا يجي الشيخ و يضربني كلشي اتوقع اذا اهلي شبعوني كتل و باعوني لعد الغريب ما يسويها ؟؟

شويه و اندگ الباب ... و اني طفرت من مكاني وجسمي كله يرجف من الخوفه ... ضليت متصنمه و اباوع للباب ما ادري شسوي اخاف افتحه

عاد سمعته يحچي بصوته الرجولي الي بيه نبره عصبيه

الشيخ حمد : حنييين فكيلي الباب اريد افوت ...