مَلــَكتـني💕

£ p̷a̷r̷t̷ 27 £

#مـلـڪتـنـي 💕 ...

الما ينام الليل صاحي مو ،،،عليل،،،

دور باحساسه تلگيلك سالفته ...

لو مفارگ ولف ....

لو غاثه ناي ...

لو شريك انفاسه ما مقسوم اله ...

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 27  ღ_‗ـ−¯«Ξ❤Ξß ـــــــــ

طلعنه بره عاد و احنه دنريد نصعد

الحجيه عاطت عيطه و اني انادريت اشوف شبيها ...
شفت زلم ملثمين و
اشتغل الرمي علينه ما تعرف منين تجيك الطلقات ...
بساع ختلت وره السياره و انگلبت الدنيا عياط نساوين و بچي جهال ...

يا ربي هذا حلم لو هم صدگ!!!!

غمضت عيوني من الخوفه البيه و سديت اذاناتي من الرهبه ...

و ادعي بروحي يا ربي خلصني ...

ما ادري شنو الصار بس وگف الرمي و گامت الوادم تنلم علينه ...

بس گمت شلت راسي لگيت الشيخ واگع بالگاع و ملابسه دم ...

تهسرتت ركضت عليه و اعيط

حنين ( بعياط ) : ابووووو علييييييي ابووو علييي لا لا مستحيل الله عليك لا تعوفني گوم ابو علي الله عليك .....

الحجيه من شافت الشيخ هالشكل وگت بالگاع و ضلت تعيط و تلطم و تولول

عاد مهند رجع للبيت مفزوع و الزلم كلهم شالوا الشيخ و اخذوا للمشفى واني و الحجيه مردنه روحنه من گد اللطم عليه ...

الحجيه ساءت حالتها الصحيه و ارتفع ضغطها و خشمها گام ينزف دم بالگوه دخلوها جوه

مرت تلث ساعات عالصار و لحد الان كولشي ما نعرف عن الشيخ ... چن نزلن النوايب علينه فد مره
و لاول مره من بوم ما عتبت باب هذا البيت خيمه غيمه سوده على الدار و الوجوه مليانه هم و حزن و فزع ...

چنت گاعده بالهول منزويه و منهاره بالبچي و اباوع للناس و وضعهم و اعاين بالوجوه معقوله هذا الشفته ؟؟؟

التموا العشيره كلهم عدنه بالبيت
و نسوان الجوارين اجن يسألن عالصار ...

عاد طبت وحده من النساوين ( الجارات ) دخلت و هي تولول و تصيح

يبوووووووي على حظچ يا ام حمد يبوووووي عليك يا شيخنه و عزيزنه  ... وينك يا الشهم يا بيه ينرفع الراس وين رحت يا بعد بيتنه و ديرتنه ...

و تگابلن ويه  الحجيه و گامن يبچن

و عاد رجعت هاي المره گالت ...

ولچ خيه صدگ الي صار عدنه ... انه من سمعت صوت الرمي و الچيلات غير رجليه بادت ما گمت اندل عباتي لحتى افزع الملم فريخات ولدي كلهم بالشارع ....