مَلــَكتـني💕

£ p̷a̷r̷t̷ 25 £

#مـلـڪتـنـي 💕 ...

گلوله انتهت و طابت تره جروحه ...

و بعد من هسه كلمن يلتهي بروحه ...

و باچر لا يجيني بحجه اخذني الشوگ ...

گصيت الحبل بعد ما ارد مرجوحه ...

غشيم و صدگت صوباته ما مجيوس ...

ما ادري العنب ياهو اليجي يلوحه ...

عشت وياك ميت و ما حسيت ...

مرات القصيده تعيش مذبوحه ...

للکاتبه °l||l°( ℣õ℣õ )°l||l°

ــــــــßΞ❤Ξ»¯−ـ‗_ღ ƤƛƦƬ 25  ღ_‗ـ−¯«Ξ❤Ξß ـــــــــ

حنين ...

الشيخ طلگ ام علي و كلنه انصدمه بالصار ...

انگلبت الدنيا ام علي فقدت و الرجال الواگف ضل يعيط على الشيخ و رادوا يتكاونون لو ما مهند هدى بيهم و صرفه للرجال و ام علي و خلاهم يروحون ...

مرن تلث ساعات عالصار ..

الحجيه  تنوح لحد هسه... و علي امبين عليه الحزن رغم ما مفتهم كولشي من الصار بين امه و ابوه ...

و اني من شفت علي ما ادري ليش گمت الوم بروحي ... حسيت اني السبب بضياع هذا الطفل ...

حسيت روحي صرت مثل سناء ... مرت اب شريره و مو زينه
لا لا لااااا مستحيل اصير مثلها ... اني طول عمري اكره الي چانت تسويه بيه و اني ضاع حياتي من وراها تالي اطلع مثلها ... يمكن لو اموت !! .

شفت علي گاعد و متمور على روحه يم الحجيه

رحت يمه و اخذت بيده و گتله ...

حنين : تعال وياي علاوي الحباب ... گلي جوعان؟؟

اشرلي براسه بمعنى ايي ..

حنين : تعال خل اسويلك ريوگ  ...

گمت سلگتله بيضتين و حضرتله چاي و اجبان .. و گمت اوكله و اباوعله

خطيه شگد عاقل و خجوللللل فد مره ... يگولون طالع لعمه ساجر هم خجول ...

گضيت اليوم كله اشتغل و اهتم بعلي ... بين ما چانت الحجيه ملتهيه بالسوالف كلساع و وحده مخابرتها ...

سألت علي عن دروسه عن دروسه و طلع عنده واجب درسته و اكلته و بدلتله ...

و سويتله كيك بالككاو خطيه حيل فرح و اني فرحت وياه اكثر ...

صار المغرب ... رجع الشيخ و چان جايب وياه مره مبرگعه و نشدلها الشيخ تدخل

صراحته بين و بين نفسي خفت و متت رعب گلت بس لا لحگ يتزوج وحده الخ بدال ام علي

دخلت المره و شالت نقابها

سبحان الي خالقها بيضه و العيون چبيره عسليه و الخدود حمره ... تخبللل بس امبين عليها ذبلانه و عيونها محمره چن من البچي ...  من شافتني رئسا تقربت مني و باستني و سلمت عليه و اني هم بادلتها و سلمت عليها بالرغم ما اعرفها ... طبت للهول و تلگتها الحجيه بالتهلا و التمرحب ... و گامن يبچن سويه و يتحاضنن
يبو صار عندي فضول اعرف منو هي هاي ...!!