عتمتي المضيئة

١

اي حاجه بتحصل لينا في الدنيا دي لي خير بس وقتها م بنكون عارفين الخير الوارها شنو اللهم إلا بي موقف معين

يا رؤي يا بتي الله يهديك اقفلي الموضوع دا وانتي عارفه لا انا بوافق ولا ابوك شيلي فكره انك تمشي الخرطوم دي من بالك
دا حواري مع امي من اتخرجت وكل مره بطلع بي نفس النتيجه
اعرفكم😄انا رؤي خريجه جديده تالت بت في البيت جمالي متوسط و قصيره ولوني فاتح قريت جامعه م حاباها وتخصص م حابه
كان نفسي اقرا السودان محاسبه بس قريت الجزيره احصاء وقلت م مشكله بعد اخلص امش الخرطوم واحضر واطور نفسي
امي حاجه سلمي طيبه شديد وجميله وكل الناس بتحبها
وباقي العيله ح تتعرفو عليهم قدام
المهم نهيت الحوار مع امي واقتنعت انو مافي فايده لانو م ح تقتنع اصبت بالاحباط خلاص بس قررت م استسلم واقعد عاطله اهلي محتاجين لي شديد
فكرت انزل في المستشفي اقضي الخدمه وبعدها ربنا بهون بس البلد دي اي شي فيها واسطه انا ابدا الخدمه دي زاتها يا رب تهون علي الكلام دا كان مع جيه ابوي
جا ابوي داخل سلم واديتو مويه وخليتو ياخد راحتو وطوالي توش خشيت لي في الموضوع قال لي تمام عندي واحد قريبي بساعدك
الحمدلله ارتحت حبه وحسيت اني ماشه صح
عدا كممم يوم ع النقاش دا وابوي م قال اي حاجه يوم جيتو المغربية راقد قلت ابوي ود اهلك دا قال شنو قال لي والله يا بتي لسه م رجع لي وتاني م رد علي
قلت ليهو يا ابوي انا بمشي براي م بنتظر حاجه من زول وبكره ماشه