عتمتي المضيئة

١٩

وصلنا البيت وخالتي م سكتت نهائي من البكا لقينا احمد قاعد وامو ورتو الحاصل واتخلع شديد وبقا بتكلم معاي كتييييير بس انا ولا هنا سامعه صوتو بس م فاهمه بقول شنو وطوالي طلعت غرفتي
بفكر في اني ح اموت ما خوف من الموت بس خوف من بعد الموت بفكر في الناس البحبوني ح يستحملو غيابي كيف وح يتذكروني بعدها ولا لا وامي وابوي واخواتي ح يقدرو يتجاوزو الموضوع ده انا كنت اكتر من اختهم الكبيره بس ومؤمن💔 ح يواصل حياتو كيف بقدر ينساني ويعرس ويسمي اولادو بي نفس الاسماء الاخترناها ويعيش حياتو مبسوط ولا ح يجن من فقدو لي وبكري💔 ح يلقي منو تاني يحكي ليهو ويشاور في حاجاتو ولا ح يلقي منو ينفث فيهو غضبو ويكورك فيهو
ولا ممكن يواصل حياتو عادي
انا بفكر كدا ليه اخخخخخخ راسي ح يتفجر من الصداع بلعت مسكن وصليت العشاء قبل اخلص صلاه مؤمن متصل ميه مره خلصت واتصل تاني .....
رؤي قلقتي بي في شنو ....ماف حاجه كنت بصلي ....طيب الدكتور قال شنو....قال ح اموت .....الموت بيد ربنا يا رؤي وماف زول بحددو....وريني قال شنو
عندي كانسر في الثدي يا مؤمن وفي مرحله متأخرة
ولازم خلال اسبوع اعمل عمليه استئصال للثدي وبعدها جلسات كيماوي .....وانا م ح اعمل عمليه هسه الا اخواتي يخصلو امتحانات وو دايره اي زول يعرف يا مؤمن
حبيبتي اول حاجه خلي ايمانك بربنا قوي وتاني العلاج بقي ساهل جدا وانا ح اسفرك بره السودان تتعالجي في اي مكان عايزه وانا معاك م ح اسيبك ابدا ودي اول مره كانت ابكي بقي مؤمن بهدي فيني وبتكلم وبحاول يصبر فيني ....
مؤمن انا م عايزه اتعالج
كيف يا رؤي م تتعالجي دايرة تموتي ....م هو اصلا انا ح اموت بي علاج او بدون علاج انا ما حمل علاج م بقدر عليهو لا نفسيا ولا جسديا ح اعيش الفتره الكاتبها لي ربنا و وقت ربنا يشيل امانتو خلاص 
دا م قرار بتاخدي انتي حياتك دي م حقتك براك
مؤمن انت اول زول يعرف قراري دا انا م عايزه اتعالج وم ح اغير راي لي اي سبب كان
مؤمن بحاول يقنع فيني قريب ساعه وم اقتنعت ليهو وبعدها قال لي بعد ناس بيتكم يعرفو نشوف بحصل شنو......
رسلت رساله لي بكري و وريتو اني م ح اتعالج وقفلت التلفون واخدت منوم
صحيت ولقيت كميه من المكالمات من بكري وكانت الساعه اربعه صباحا مشيت اتوضيت وصليت لي ركعتين قبل الصبح وبقيت بدعي كتيييييير وببكي بدعي انو ربنا يشفيني ولو كنت ح اموت....اموت ع حسن خاتمه ويغفر لي كل ذنوبي دعيت كتير شديد اني ربنا يصبر اي زول انا بشكل فقد بالنسبه ليهو ......
قعدت بعدها في مواضيعي الماشه دي الدراسه الشغل
الدراسه ح اواصلها لاني م ح اوقف حياتي وانتظر الموت وكمان شغلي ح اواصل فيهو
صليت الصبح وانتظرت لحدي الشمس طلعت لبست ونزلت
رؤي ماشه وين ....الشركه يا خالتي ...الشغل طاير في السماء اقعدي ارتاحي انتي نسيتي عندك شنو....م نسيت يا خالتي بس م بخلي شغلي
عنادك دا من شافعه م خليتي
طلعت وخليتها تطنطن
انا اخدت قرار اني اقرا واشتغل عشان اهرب من التفكير واعيش الفاضل من عمري لو فضل فيهو باقي
وصلت الشركه ولقيت بكري م جا بتصل ليهو م برد بعد ساعه كدا جا داخل و وشو دا كعب عديل سلم وجا قعد جمبي  من غير نقاش كتير يا رؤي انا مشيت لي احسن اخصائي اورام في البلد وحجزت ليك عندو من هسه لانو او انتظرنا لي بعد العمليه م ح نلقي  فرصه عندو
بكري انا م دايرة اتعالج انا رضيانه بي قسمه ربنا واصلا اي زول في الدنيا بموت ماف زول مخلد ومتخذه قراري دا عن قناعه ....بكري انا نفسيا م متقبلا العمليه ولا الكيماوي ولا المضاعفات البتجي بعدهم والعلاج نفسيات .....
انت الوحيد الحتقيف معاي في قراري دا ماف زول بسندني غيرك 💔💔
بكري سكت وم عرف يقول شنو ....ومؤمن م قدر يقنعني اني اتعالج وتمت الاسبوعين بتاعه الامتحانات وبعد بكره ناس بيتنا كلهم جايين يقضو الاجازه هنا .....
بتكلم مع مؤمن ولسه في موضوع اني اتعالج وقت خلاص م اقتنعت ليهو قال لي معاك لحدي بكره تفكري وتغيري رايك ولو م غيرتي رايك انا لي الحق في اي قرار اتخذو

يا تري رؤي ح توافق ع العلاج ولا لا واذا ما وافقت قرار مؤمن ح يكون شنو ....وناس بيتهم ح يتقبلو الصدمه دي كيف ......

#يتبع.....