عتمتي المضيئة

١٠

فتحت تلفوني واتونست مع مؤمن واظن الايام دي هرمون الحب بقي اووفر عندنا🙈
ونسنا كدا وم نزلت تحت رقدت نمت شويه كدا وباب الغرفه دق ...منو....ادهم ....ممكن اتكلم معاك😳اي ممكن ح انزل ليك تحت طيب منتظرك لبست توبي ونزلت
رؤي من غير مقدمات انتي عندك لي حاجه ...ابدا والله يا ادهم وانا بعتبرك زي اخوي بس وانا اساسا مرتبطة وقريب ح اتخطب ....طيب ليه م بررتي قبيل وخليتي امي ورندا يصدقو انو انتي عايزني عشان هم شايفين اني م بستاهلك واني م قدر المقام فحبيت اغيظ رندا اما خالتي دي الله يسامحها بس السمعتو منها م هين بس مشيتو لانو مجبوره لكن قريب وقريب جدا م ح اكون مجبوره
قصدك شنو يا رؤي....ولا شي م تركز ح تعرف بعدين يلا تصبح علي خير ومشيت خليتو في افكارو
رجعت غرفتي ونمت صحيت الصبح وكالعادة طلعت انيقه😘 نزلت صبحت عليهم وطلعت طوالي قبل الزمن لقيت بتاع الترحيل واقف وصلت قبل زمني بدقائق وقررت افهم اي كبيره وصغيره بتخصني طبعا الشركه مقسمة لي اقسام واي قسم عندو مدير وانا كنت قي قسم المتابعه والتقييم والقسم فيهو منتهي وبت تانيه ومعاها ولد بس  مسافرين لانو شغل المكتب دا تحديدا فيهو سفر كتير المهم ......عدا اسبوعين علي بي نفس بس ماشه كويس شديد في الشغل حتي المدير متكيف مني...وفي يوم جاتني السكرتيرة بتاعتو وقالت لي استاذ مؤيد طالباك ....دقيت الباب ودخلت ....سلمت والمره دي رد وركز معاي يا رؤي انتي جد ابهرتيني في التلاته اسابيع دي و زميلتك منتهي مبسوطه منك بس في حاجه انا نبهتك عليها م عملتيها....شنو يا استاذ .....اللغه الانجليزيه م نزلتي معهد صح م نزلت 🙁و ح تنزلي متين.....م ناويه انزل....افندم...ايوا م عايزه انزل ممكن اعرف ليه ....لانو م حاسه اني ح استفيد شي انا مبدئيا م عندي مشكله كبيره وحاليا بقرا براي وم محتاجه معهد طيب،ممكن ادردش معاك شويه واشوف وصلتي وين ...م عندي مشكله اتكلمنا تلت ساعه كدا وانبسط مني شديد وبعدها قال لي امشي الحسابات ياخ اظن حسه بي مفلسه مشيت مكتب الحسابات وادوني كم ورقه وقعت عليها وسلمني القروش م كنت متوقعه تكون كتيره كدا ياخ فرحت فرح🥳🥳🥳🤩رجعت المكتب وكملت شغل لحدي نهايه اليوم وطلعت قلت لي بتاع الترحيل انا عندي مشوار مشيت حولت كل القروش لي ابوي وخليت مصاريفي رجعت البيت مبسوطه بس كنت حاسه بالم في يدي م ركزت معاهو وقلت من الشغل وبروح ....
ناس خالتي لقيتهم كلهم قاعدين سلمت عليهم وطبعا عمي محمد كان سافر
قلت لي خالتي انا وادهم بس اخوان وعمرو م ح يكون بينا شي لانو ولدك م بعرس وحده زي طوالي اتذكرت كلامها وبقت تتمتم لانو ادهم قاعد العفو يا رؤي والله انتي الف من يتمناك وانا واحد منهم بس انتي عارفه السبب البخليني م افكر في الموضوع ده شنو .....
طبعا خالتي م قادره تتكلم وقلت ع العموم انا حبيت اوضح لي خالتي عشان م تخاف ....
وادهم بقي يسال فيني من الشغل وانو مؤيد ضرب ليهو وكان مبسوط مني واتونسنا شويه واستاذنت مشيت غرفتي قعدت شويه كدا جات خالتي شايله عصير واكل وبتعتذر والله انتي زي بناتي ومعليش يا بتي زله لسان وانا في مقام امك ....طبعا دا  م حب فيني بس عارفه كويس لو ادهم عرف ح يعمل شنو بس حبت تضمن الجانب دا
قلت ليها العفو يا خالتي ودي حاجه انتهت وطلعت ع كدا اتونست مع مؤمن شويه كدا واتكلمنا في موضوع الخطوبه واتفقنا على انو تكون بين الاهل بس وح تتم الاسبوع الجاي حتي من غير انا اسافر ومن غير اي حاجه لحدي م هو ينزل ونكمل باقي الطقوس ....كان احساسي ملخبط بين الفرح والخوف ...اتصلت لي امي و وريتها و وريتها تكلم ابوي عشان يمكن ابو مؤمن يتصل عليهو في زمن
بقيت محفاظه ع صلاتي شديد والقران والاذكار وحاسه انو كل اموري بتتسهل لمن اكون ماسكه فيهم قوي ومن افلت شويه بتتعكس علي
في يوم دوام جا داخل بت و ولد المكتب ياخ حلوين حلا مبالغه ومنسجمين مع بعض شديد سلمو ع منتهي وعلي والولد قال رؤي صح رديت ليهو بي ابتسامه كدا ايوا اما البت سلمت بي اخر نفس وكالعاده م ركزت معاها
الولد اعرفك انا ابوبكر (بكري)اسم الدلع😉ودي امنيه نحن شغالين هنا وكنا في سفر ....ايوا حمدالله ع السلامه....طبعا الولد مزززززز وطويل واصفراني كدا وكل كلمه والتانيه يضحك ياخ يتحب من اول نظره وبالجد ارتحت ليهو واتمنيت اصحابو البت اكيد حلوه حلاه الجن بس مفتريه وشايفه روحها واليوم كلو يا بكري يا بكري زي الغنمايه الرايحه من امها
انا بقيت مع بكري ع اساس انو يفهمني باقي الشغل لانو هو المسؤول والتعامل معاهو كان حلو شديد وبفهم منو بسرعه😅😅😅
وع الجانب الآخر اهل مؤمن اتقدمو لي واهلي وافقو وتمت الخطوبه .....لانهم مسبقا بعرفو بعض وم محتاجين سؤال والامور دي...
وبقينا انا ومؤمن نخطط للمستقبل
بس كيف ح يكون المستقبل ورؤي ومؤمن ح يواصلو ولا لا