عتمتي المضيئة

١٢

دخلت البيت متأخرة وكان اول مره من اشتغلت خالتي طوالي استلمتني وكنتي وين ودا شغل شنو ونحن م بنعرف الشغل وانا مسؤوليه امك دي م بقدر عليها المهم شبعت ردحي ....قلت ليها يا خالتي انا امي واثقه فيني ودا شغل صدقتي ولا لا ومشيت خليتها دخلت الغرفه واخد لي حمام وصليت و اتكلمت مع مؤمن بس كنت مضايقه من خالتي سالني مالك حاسي بيك م طبيعيه قلت ليهو تعبانه بس لاني م بقدر اقول ليهو خالتي قالت كدا قال لي خلاص نومي بكره راجيك يوم طويل وقفلنا ع كدا .....م قدرت انوم وبتقلب في السرير قريب الساعه 12  كدا تلفوني رن ياخ قبل اصلو قلبي وقع قلت خلاص ناس بيتنا حاصله ليهم حاجه ....بس لقيتو بكري رديت عليهو مالك في شنو....يا بت انتي مجنونه في زول بسلم كدا....معليش ياخ بس اتخلعت م بحب المكالمات المتأخرة دي بتخلعني .....اسف والله م قصدي اخوفك ....م مشكله حصل خير وبقينا نتونس كدا ...قال لي انتي مالك شكلك مضايقه من حاجه ....قلت ليهو م مضايقه بس تعبانه شويه م اقتنع بالموضوع دا وفضل يلح يلح لحدي م حكيت ليهو وبعدها قال لي رؤي اعتبريني اخوك الكبير صديقك حبيبك اي حاجه بس لمن تحتاجي لي ح تلقيني ع طول ....هي هي حبيبك شنو انا مخطوبه سكت مسافه كدا وبارك لي وقال لي يستاهل ياخ ومحظوظ بيك فرق علي حبه كدا ونمنا
صحيت متأخرة ع غير العاده بي تلفون من بكري ....هي انتي لسه نايمه الساعه 12انا جاهز ومنتظرك بره ......😱😱😱واااااي انت جادي بالغت يا بكري وانا هسه اجهز كيف عايزه اكوي واستحمي والبس وباقي نص ساعه اعمل شنو ولا شنو وطبعا بردح وهو يضحك علي اهدي اهدي يا بت الساعه 9....ياخ انا كرهتو كره الساعه م خليت نبذه م قلتها ليهو والبغيظني اكتر انو بضحك  .....😡😡قفلت في وشي طوالي وقمت طلعت لبسه جديده وكويتها وعلقتها وعملت استشوار لي شعري وماسك لي وشي وناديت ايه ظبطت لي وشي انا ساعه كامله بجهز في روحي بعدها استحميت وصليت وبديت البس ايه عملت لي التسريحة وانا عملت الميك اب
اللبسه كان فستان شكل سندريلا باللون فيهو تطريز خفيف شديد ومن تحت فاري لونو دهبي بس م بلمع ولابسه كعب عالي ....خلصت لبس وبعاين لي روحي واتكلم ياخ انا طلعت مزه😂😂واتصلت لي مؤمن فيديو لمن شافني لمن شرق وبقي مقهي فيني وانا اتبسم 🙈🙈اتونست معاهو شويه وقفلت منو لانو حسيتو ح يدخل بي شاشه التلفون ....بعدها اتصل بكري وقال هو تحت نزلت وكان ادهم يدوب وصل من السفر
بقي برضو بعاين مسافه ....سبحان مغير الأحوال يا عمي عبدو...ادهم اتلم دا م وقتك انا اصلا متوتره يا بت دا وفد جاي م دايرين يعقدو عليك ...اتجاوزتو طوالي وطلعت بكري م شافني لانو كان بتكلم بالتلفون لحدي م وصلت باب العربيه فتحت الباب وركبت وسلمت عاين لي كدا مسافه ...وين رؤي 😒😒😒😒 نايمه....جادي انا ياخ وانتي منو ومالك حلوه كدا ...بكري والله انزل خلاص خلاص ياهك رؤي زاتك  وصلنا المطار استقبلنا الوفد ومن هناك مشينا الشركه وانا من الوقفه والكعب العالي خلااااص روحي طلعت وبعدها مشينا الغداء وقريب المغرب كدا مشو الفندق وطبعا انا وبكري معاهم وبكره قالو ح يسافرو منطقه كدا من الخرطوم ساعتين وح يقعدو فيها يومين وطبعا انا معاهم في اللحظه دي قرب يغمي علي انا اسافر كيف ياخ انا من التعب حاسه اني ح انوم تلاته يوم .....بكري شبعان ضحك فيني وعارف اني تعبانه ....المهم انتهي اليوم الطويل دا وبكري رجعني البيت
من دخلت البيت م قدرت اعمل اي شي نمت بي فستاني 
صحيت الساعه وحده قمت استحميت وصليت واتصلت لي بكري اخد منو تفاصيل السفر عشان اقدر ارتب حاجاتي وعرفت انو هو ح يمشي معانا  اتونسنا شويه كدا وقفلت منو قمت جهزت كل حاجاتي البحتاج ليها اتصلت لي مؤمن لقيتو نام
رجعت نمت تاني وصحيت بدري اتجهزت وجاني الترحيل  مشينا الفندق وانتظرت دقيقتين كدا والجماعه نزلو مشينا الشركه لانو كان في شويه ترتيبات وبعدها نسافر

#يتبع......