عتمتي المضيئة

٨

اصبح الصباح صليت ودعيت انو ربنا يسهل علي امري ومشيت ع الدولاب فتشت لبست ظابطه لبست وطقمتها ونزلت تحت سبعه الا تلت منتظره ترحيلي الساعه سبعه جات وماف اي شئ أحبطت طبعا قلت خلاص المدير غير رايو اصلا انا حظي كدا  وقاعده سارحه وبتكلم مع روحي جا ادهم نازل ....صباح الخير....صباح النور....لابسه ماشه وين😳ماشه الشغل انت نسيت ولا شنو
ايييييك معليش ياخ نسيت اوريك.....المدير غير رايو صح قال ليك ماف طريقه تشتغل معاي ....انا اصلا من يومي حظي كعب واي شيء بكون عايزه م بلقاهو ....يا بت ها اسكتي شويه ....المدير قال تنزلي بكره بس دي كل القصه 😥😥😥😥😥عليك الله جد اي والله في عز نقاشنا دا جات ايه نازله صبحت علينا سالها ادهم ماشه وين ....ماشه الكوفير ....طيب م تسوقي معاك عم عبدو دي هههههههه....ادهم ياخ م تقول لي عم عبدو دي طيب معليش يا عم ادم 😒😒😒م رديت ليهو
امشي يا ايه انا م ماشه لالا تمشي معاها ياخ م ماشه مش ع كيفي ...ايه ....هي صدعتو بي رؤي انتي جاهزه وبدل تقعدي ساي ارح معاي وم تعملي شي ....
اي كدا ممكن حدرت ادهم وطلعنا وصلنا الكوفير وبدو يظبطو في ايه وهي اساسا م محتاجه شي وبعدها بتاعه الكوفير جات عاينت لي كداااا
انتي يبدوك من وين ....هي لالالا انا م عايزه اعمل شي
جات ايه داخله عايني يا رؤي م بتعمل لي حاجات كتيره تنضف ليك وشك بس وحواجبك العامله زي شنب الراجل دي وحمام زيت لي شعرك وساونا بس طبعا انا م فهمت شي بس قلت اجرب المهم المره دي شغاله معاي اربعه ساعات لمن حسيت بي روحي خفيفه😂😂لمن جيت عاينت لي روحي م اتعرفت عليها اصلا طلعت مززززززززه لمن ايه بقت بتصفر طلعتي قرض ودافنه روحك بتاعه الكوفير حست انها اكتشفت ليها زول عديل😅😅وادتني كميه من الحاجات استخدمها وطلعنا لفينا شويه ورجعت البيت لقيت خالتي ساميه وعمي محمد قاعدين دا راجل خالتي سلمت عليهم واتونست معاهم واستاذنت سمعت راجل خالتي قال ليها رؤي دي بت مؤدبه هي مخطوبه قالت ليهو لالا طيب م نخطبها لي ادهم ولدي .....بري مالي بخطب ولدي لي دي ولدي دا الف بت تتمناهو ....يا ساميه دي بت اختك وم فيها كلمه كيف تقولي كدا ....يا حاج هوي بت اختي اي بس دا ولدي وم بدي لي  اي بت ولو حسيت بس انهم قربو لي بعض بطفشها طوالي ....
طبعا انا بسمع في الكلام دا ومهجومه خشيت الغرفه وشبعت بكاء معقول خالتي تقول الكلام دا معقول ومنو القال ليها زاتو انا برضا بي ولدها دا انا عندي المالي عيني وبكره دي اتخطب قبل ولدك يا خالتي وكلها ايام واعرف البلد كويس وبيتك دا كان رايحه م بجيهو دا كلامي مع نفسي كان استغفرت وصليت واتصلت لي ابوي و وريتو بي موضوع الشغل حسيتو لمن شال نفس كانو هم ونزل من عندو انا زاتي ارتحت وبعدها اتصلت لي امي و وريتها برضو بس م حكيت لي بي كلام اختها واظنها حست لانها قالت لي ساميه اختي بتعاملك كيف بس م بينت ليها و وريتها اني مبسوطه و وصتني الوصايا العشره وبعدها اتكلمت مع اخواتي ومع رحاب اختي الكبيره وعرفت انها اشتغلت في مدرسه الحله
يعني الحمدلله الامور مشت تمام
بعدها اتصلت لي مؤمن....حبيبي كيفك .....اهلين يا قلبي كويس انا وانتي كيف ....تمام انا اها احكي لي يومك كان كيف وحكيت ليهو كل الحصل معاي إلا موضوع خالتي ...اتونسنا كتيييير وقصدت اجيب ليهو موضوع الخطوبه قال انو م عندو مشكله وبكره دي لو انا عايزه بخطب بس انا قلت ليهو لالا خليها شويه ...وبعدها قال الا ترسلي لي صوره المهم سليت روحو عشان رسلت ليهو طبعا دي م اول صوره بس اول صوره بعد الصنفره😅😅 طبعا خمسه دقايق م رسل لي لمن قلت يكون جاتو حاجه بعدها اتصل لي ....انتي متاكده انو دي انتي ....لالا قريني😒 يا بت انا جادي ....اي والله انا ياخ والله القمر زاتو خجل من جمالك يا بختي بيك طبعا انا اتبسم زي الهبله حبيبتي ياخ بحبك انا 🙈وانا كمان بحبك ....لالا انا بحبك اكتر وانتي اجمل حاجه في حياتي م عشان حلوه بس لا عشان كل حاجه فيك حلوه اي تفصيل فيك يودي عالم تاني
وانا قلبي بس يدق واتبسم م فتحت خشمي بي كلمه قربت اقول ليهو خلاص الروووووب
كملنا الليله ديك رومانسيات وحب واخر شي طلع بيهو انو داير يعرس🙄🙄